13 Nɑɑ kɛ́mɑꞋ, m bɔ́ sɛ̂ndúŋ pɔ́Ꞌɔ nɛnɛm, ńjʉ́ɔ yɛcɔ́ yúu fú tʉ́nɛ́pú, ŋ́kyɛꞋ zʉꞋ, ŋ́ŋwɑŋɛ tɛ ńtsɑ lík-nɛm, ŋ́kyɛꞋ wɛk pʉɔ pinɛ pɛk pɛpɔ́p ḿbɔ́nɛ sɛ̂ndúŋ.
Pɔ́p jʉ́ɔ lii-Yɛ́su shɔtnɛ mbi pɔ́p, shʉ́ wɛ́ ŋwɑŋɛ pɑ́Ꞌ mɔ́nɛm lɑ́. Mɛndẅí mɛ́ fúk tɛ ŋ́kyɛꞋ zʉꞋ.
«N cʉ́ɔ sɛ̂ndúŋ, ŋ́ɡʉ tɛ ńtsʉ́Ꞌ nɛkúu Ndɑmɑs, ɛ́ pɔ́ kwɑꞋ nɛnɛm. Yɛcɔ́ yúu ɡɔ́ɔ ɛ́fú tʉ́nɛ́pú, ŋ́kyɛꞋ wɑ́ɑ tɛꞋ.
Pʉɔ pinɛ pɛk pɛpɔ́p kɑ pɔ́ ńnɛn jʉ́ɔ pɑ́Ꞌ yúu kyɛꞋnɛ zʉꞋ lɑ́, ŋ́kɛ́ ḿbɔɔ zúꞋ ŋɡi-ŋu ẅi ɑ cúnɛ nu mbɔ̌ mɔ pɔ́.
«Ŋ kɑ pɔ́ ŋ́ɡɛ pɔ pɔ́Ꞌɔ, tɛ ḿbɔ́ yɛcɔ́ lɛ́Ꞌ, ḿbɔ́ ŋ́ɡʉ nɛ́ tʉ́sɔŋ-Ndɑ́mɑ́s, ŋ́ɡẅɛɛ mɛŋwɑꞋnɛ mi pɛtɑ́tndɑ́-pɑnɔŋpɔꞋ lɑ́Ꞌnɛ ŋ́ɡɑ́ mbɔ̌ mɔ, ńdɔk ńtúu wɑ́ɑ zúꞋu.
Pɛk tsɔ́Ꞌnɛ ḿvutɛ sɛ́ tsʉʉ. N zúꞋ ŋɡi-ŋu lɔk sẅiŋɛ pʉɔ-Hɛbɛlʉ́ ńcú mbɔ̌ mɔ ŋɡɔ: “Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́? Ɔ pɑ́Ꞌɑ ḿbɔ́ ŋ́ɡɛ fʉ́ŋ yu kẅiꞋ pɑ́Ꞌ nɑɑ ẅi pɛ́ sɛ́ ńdɔk ntsɑ́-nɛkɔŋ ńtsʉ́ʉnɛ wɛ́, ɑ nɛn ḿmɑꞋ ku yɛ́ nzʉʉ lɑ́.”
Sɔ̂l pɛ́t ḿbɔ́ pɔ sɛ̂ndúŋ, tɛ mbɔ ɑ ɡʉ tɛ ńtsʉ́Ꞌ nɛkúu Ndɑmɑs, ŋ́ɡɔ́ɔ ńjʉ́ɔ yɛcɔ́ yúu fú tʉ́nɛ́pú, ŋ́kyɛꞋ wɛ́ tɛꞋ.
A ɡẅɛɛ pɛcʉ̈ɔ́Ꞌ-sɑŋ sɑɑmbɑ́ nǔu lɑ́ɑpɔ́ yɛ́ yi tʉʉ. Yɛcɔ́ níi-ntsɔ yi tú yɛ́ shẅítnɛ, ɛ́ ɡẅɛɛ mɛɡʉ́ŋ mɛmbɑ́ ḿbɔ́ fú ntsu yɛ́ ńcẅɛt. Shʉ́ wɛ́ ŋwɑŋɛ pɔ pɑ́Ꞌ lík-nɛm yi ɛ́ tsɛt tʉʉ mɔ́nɛm lɑ́.
Nɛŋwɑ́ŋɛ-Sɛ́ pɔ́ ŋ́kyɛꞋ yîyɑ́ tʉ́sɔŋ, kyɛꞋ-mɔ́ɔ-Njinjɔ pɛn ḿbɔ́ ŋ́kyɛꞋ wɛ́. Tɛ yîyɑ́ tʉ́sɔŋ pɔɔ pɛn ḿbɔ́ ńtsɑ́ɑ ŋɡɔ nɛm tɑ́Ꞌ zúꞋu pɔ́, ŋ́kɛ́ ḿbɔɔ ḿbɔ́ ńtsɑ́ɑ ŋɡɔ sɑŋ kyɛꞌ zʉꞋ zúꞋu pɔ́.
