ŊwɑꞋnɛ-Gɑŋntúu Yɛ́su Kɛlístɔ 25:23 - Kɑɑ Fí

²³ Njí ɡɛ ŋ́kiɛ, fɔɔ Aŋɡɛlípɑ pɔ́p mɔ́ɔmɑ́ wɛ Mbɛlɛnís nɛn pɔ sɑɑnɛ sɑɑnɛ́nɛ, ŋ́ɡɔ ŋ́kúu tsɛt mɑ́mɑ́ ndɑ́-zɑ́n, nɔɔ-pɛmɑ́ pʉɔ tʉ̈ɔ́Ꞌlɛ wɛ́. Pɔ́p pɛtɑ́tndɑ́-pɛtɑ́tndɑ́-ntsɔ mbɑ pɛkɛ́m pi pɔ́p tʉ́sɔŋ pɔ́ tsɛtsɛt. Ŋɡɔ́mnɑɑ Fɛstus cú pɛ́ lɔk Pɔ̂l ńtɔ́.

ŊwɑꞋnɛ-Gɑŋntúu Yɛ́su Kɛlístɔ 25:23 교차 참조

Mɑ́lɛ́kúshi 6:21

Yɛcɔ́ lɛ́Ꞌ ɡɛ ḿbɔ́, shʉ́ cẅɛt mbɔ̌ Ɛlɔ̂díyɑ, lɛ́Ꞌ ɛ̂yɑ́ pɛ́ pɔ́ ńjʉ́ mɑ́mɑ́ ndínɑ ntɔ́Ꞌ nɛlɔk kẅíitɛ lɛ́Ꞌ yi pɛ́ kɑ pínɛ fɔɔ Ɛlɔ̂dɛ, mbɔ fɔɔ Ɛlɔ̂dɛ fúŋ pɛkɛ́m, ɛ́fúŋ pɛtɑ́tndɑ́-pɑlʉ̈ɔ́Ꞌntsɔ, mbɑ pɛmɑ́pʉɔ tsɛt ŋɡuŋ-Ŋɡɑlilɛɛ.

ŊwɑꞋnɛ-Gɑŋntúu Yɛ́su Kɛlístɔ 12:21

Pɛ́ tɑ́ŋ lɛ́Ꞌ, fɔɔ Ɛlɔ̂dɛ mɑꞋ ndẅí nɛfɔɔ nɛ́, ńtɔ́ ńnɑ́ŋ ndǔ kɔꞋ-nɛfɔɔ nɛ́, ḿbɔ́ ńcú nu mbɔ̌ pɔ́p,

ŊwɑꞋnɛ-Gɑŋntúu Yɛ́su Kɛlístɔ 25:13

«Ɛ́ lɛɛ mɛcɔ́ mɛlɛ́Ꞌ, fɔɔ Aŋɡɛlípɑ pɔ́p mɔ́ɔmɑ́ wɛ wɛ mɑŋɡɛ́ ẅi pɛ́ fúŋnɛ wɛ́ ŋɡɔ Mbɛlɛnís, tɔ́ tʉsɔŋ-Sɛ́zɑlɛ̂, nɛcɛꞋlɛ Fɛstus.

ŊwɑꞋnɛ-Gɑŋntúu Yɛ́su Kɛlístɔ 26:30

Fɔɔ Aŋɡɛlípɑ, mbɑ ŋɡɔ́mnɑɑ pɔ́p Mbɛlɛnís, pɔ́p pʉɔ pi pɔ́p ḿbɔ́nɛ zúꞋu lɔ sɛ́,

ŊwɑꞋnɛ-Gɑŋntúu Yɛ́su Kɛlístɔ 9:15

Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.

1 Kɔlɛ̂ŋtɛ 7:31

Pʉɔ pí pɔ́p sɛ́ ńjʉ́ fuꞋ tsɛt yɔ mbí nɑ́ŋ pɑ́Ꞌ ŋkɑ́ yi pɔ́p kɑ́ pɔ́ ńjʉ́ pɔ́ lɑ́, mbíꞋŋɡɔ ndǔmbí yɔ yí pɛkŋɛ sɛ́ ńjʉ́ɔ lɑɑ kɛ́ ɡɛ ńdɑ́Ꞌ ḿbɔ́ pɔ ɡú pɔ́.

Jɑ̂k 1:11

Mɔ́nɛm tɑ́ tɛꞋ ńtɔɔ nɛɡíi ɛ́ zúu, tɔ̌ɔtɔ̌ɔ vu, wɛ nɛpɔŋ lɔk ḿmɛ, ɛ́ ndʉ́ŋndʉŋ pɑ́Ꞌ ŋɡɑŋyúu ɡʉ ŋ́ɡɛ ḿmɛ mɛfɑꞋ mɛ́ pfú.

1 Pyɛ̂ 1:24

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋumɛsɔŋ tsʉʉ pɔ́ pɔ pɑ́Ꞌ nɛɡíi. Wɛ nɛɡúꞋ tsʉʉ pɔ́ pɔ pɑ́Ꞌ tɔ̌ɔtɔ̌ɔ-nɛɡíi ẅi ɑ ŋkɑ́Ꞌ lɑ́. Nɛɡíi lɛɛ tɛ ńzúu, tɔ̌ɔtɔ̌ɔ tsɔ́Ꞌnɛ ḿvu sɛ́.

1 Jɑ̂ŋ 2:16

mbíꞋŋɡɔ mbɑ kʉ̈ɔ́ lɑ́ yi ɛ́ ndǔmbí, pɑ́Ꞌ yúu mi mbʉʉ-ŋu tsʉ́ʉnɛ́nɛ wɛ́ ɑ tsɑ́ɑ, pɑ́Ꞌ yúu mi ŋu zɑ́pnɛ lík yɛ́ nǔu ńtsɑ́ɑ nɛɡẅɛɛ, mbɑ yúu mi pʉɔmɛsɔŋ lɔknɛ ŋ́ŋɑ́Ꞌtɛ, mîmɑ́ mɛyúu kɑ́ pɔ́ ɛ́fú mbɔ̌ Tɑ́t wɛkŋɛ pɔ́, ɛ́ ɛ́fú pɔ ndǔmbí.