22 Fɔɔ Aŋɡɛlípɑ zúꞋ tɛ ńcú mbɔ̌ Fɛstus ŋɡɔ: «KwɑꞋ mɔ yɑ́ɑ, mɔ sɛ́ ŋ́kɔŋ nɛzúꞋ nu yi ɛ́ ɡʉ ńcẅɛt ntsu-ŋu ɛ̂wɑ́.» Fɛstus tsɔ́Ꞌ mbɔ̌ wɛ́ ŋɡɔ: «Ɔ ɡʉ ŋ́ɡɛ ńzúꞋ nu ntsu wɛ́ zɔ́n.»
Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.
Mɔnɛ mɛnu ɡʉ ńzɛɛ ńdɑ́Ꞌ ŋ́ɡɔ ńtɔ́, pʉʉ piitɛ ńjʉ́ɔ pɛ́ ɡẅɛɛ wʉ́ʉ, ńnyɛt wʉ́ʉ nɛ ŋɡʉ̈ɔ́Ꞌ, ɛ́fɛn wʉ́ʉ, pɛ́ ŋɑk wʉ́ʉ mɛndɑ́-cúꞋlɛ-Pɑyúdɑ, ńníꞋ wʉ́ʉ tsɑ́ŋ. Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛfɔɔ pɔ́p pɛŋɡɔ́mnɑɑ, mbíꞋŋɡɔ pʉʉ zúꞋ ntsu wɑ́ɑ.
«Ɛ́ lɛɛ mɛcɔ́ mɛlɛ́Ꞌ, fɔɔ Aŋɡɛlípɑ pɔ́p mɔ́ɔmɑ́ wɛ wɛ mɑŋɡɛ́ ẅi pɛ́ fúŋnɛ wɛ́ ŋɡɔ Mbɛlɛnís, tɔ́ tʉsɔŋ-Sɛ́zɑlɛ̂, nɛcɛꞋlɛ Fɛstus.
Lɑ́ Tsɑpʉɔ cú mbɔ̌ Anɑníyɑs pɔ ŋɡɔ: «Gʉ ńjʉ́ɔ ŋu ɛ̂wɑ́ ńjʉ́ɔ, mbíꞌŋɡɔ ɑ mbɔ̌ mɔ ḿbɔ́ kwɑꞋ yúu-fɑꞋ. A ɡʉ ŋ́ɡɛ ŋɡɔ pʉɔ pi pɔ́p kɑ́ pɔ́ pɑíslɑyɛ̂l pɔ́ jí wɑ́ɑ, mbɑ pɛfɔɔ, tɛ mbɑ pɔ́ɔ-Íslɑyɛ̂l.
