ŊwɑꞋnɛ-Gɑŋntúu Yɛ́su Kɛlístɔ 24:5 - Kɑɑ Fí

⁵ Pɛk kɑ jʉ́ɔ ŋu wɔ ɑ pɔ́ ŋu ẅi ɛ́ lɑɑ ḿbɔ́ pɛ́ pɔ́k wɛ́ tɛꞋ. A sɛ́ ḿmɑꞋ ntɑkŋɛ tsɛtsɛt pɑyúdɑ tsʉʉ, zʉꞋ tsʉʉ ndǔ tsɛ́tsɑ́Ꞌ. A pɑ́Ꞌɑ ḿbɔ́ tɑ́tndɑ́-pɛcɔ́ pɑfɑk mbʉʉ pi pɛ́ fúŋnɛ wɔ́p ŋɡɔ Nɑzɑlɛyɛ̂ŋ.

ŊwɑꞋnɛ-Gɑŋntúu Yɛ́su Kɛlístɔ 24:5 교차 참조

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.

Mɑtʉ̈ɔ 2:23

ŋ́ɡʉ tɛ ŋ́kúu zúꞋu, ḿbɔ́ ńtswɛ́ tsɛt yɛcɔ́ tʉ́sɔŋ, pɛ́ fúŋ nɛ́ Nɑ̌ɑzɑlɛt, ɛ́ lɔk ḿbuutɛ nǔu pɑ́Ꞌ ŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú nu nǔu Nzɑ́Ꞌŋkʉ ŋɡɔ: «pɛ́ ɡʉ ńdɑ́Ꞌ ɛ́fúŋ wɛ́ nɛ́ ŋu-Nɑ̌ɑzɑlɛt.»

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Lúkɑ́shi 23:19

Bɑnɑbɑs ɛ̂wɑ́ ḿbɔ́ tsɑ́ŋ ntɛ́ vɑꞋ yi ɑ kɑ mɑꞋnɛ tʉ́sɔŋ, ḿbɛn ntɛ́ pɑꞋ ɑ kɑ jẅínɛ ŋu.

Lúkɑ́shi 23:2

Ńzɛ nɛfɛn wɛ́ ŋɡɔ: «Pɛk jʉ́ɔ ŋu wɔ pɔ́ ńjúk ŋ́kɑ́t tsɛt ŋɡɔŋ wɛk ḿbʉ́ʉpɛ tú-lɑ́Ꞌ, ńtɔꞋ wɔ́p nɛmɑꞋ ntsup-ntʉ̈ɔꞋ, ŋ́ɡɑ́ mbɔ̌ kɑ́sɑ-Pɑlɔ́mɑ. A pɛn ḿbɔ́ ńcú ŋɡɔ ɑ Nzɑ́Ꞌŋkʉ ẅí Sɛ́ kɑ kɑꞋnɛ mbɔ̌ pɛk, ńdɔk ńcú ŋɡɔ ɑ fɔɔ.»

Lúkɑ́shi 23:25

Ńnɑ́ ŋu ẅí pɔ́p kɑ pɔ́ ḿbíkŋɛ. Ŋu ẅí ɑ kɑ kúunɛ tsɑ́ŋ ntɛ́ vɑꞋ mbɑ nɛjẅí ŋu, ḿbɛn ŋ́kúu nǔu Yɛ́su, ńtsʉ́Ꞌ ŋ́ɡɑ́ wɛ́ mbɔ̌ pɔ́p ŋɡɔ pɔ́p lɔk wɛ́ ŋ́ɡʉ ŋ́ɡɛ yúu mi pɔ́p ḿbɔ́ ŋ́kɔŋ nɛɡɛ.

Lúkɑ́shi 23:5

Lɑ́ pɔ́p tsúŋ ńnʉʉ nʉʉnɛ, ńcú ŋɡɔ: «A sɛ́ mbɔ́ ŋ́kɑ́t ɛ́swɛtɛ pʉɔ ŋɡɔ pɔ́p tʉʉ tú. A kɑ zɛ Ŋɡɑlilɛɛ, ŋ́kúu Jẅidɛ̂, ɛ́ pʉ́ɔ lɑɑ ɑ lɔknɛ ńtɔ́ tɔ́nɛ tɛ ŋ́kúu zɑ́Ꞌnɛ lɑɑnɛ.»

ŊwɑꞋnɛ-Gɑŋntúu Yɛ́su Kɛlístɔ 15:5

Lɑ́ pɛcɔ́ ntɑ́Ꞌ pɑfɑlísɑy, pi pɔ́p zɑ́pnɛ tʉ́m yɔ́p nǔu Yɛ́su, pɔ́ ŋ́kẅiꞋ yɔ́p pɔ ŋɡɔ: «Ɛ́ píkŋɛ ŋɡɔ pɛ́ púꞋ pʉɔ pi pɔ́p ɡɔ́ ńzɑ́p tʉ́m yɔ́p nǔu Yɛ́su, ḿbɔɔ pɑyúdɑ pɔ́, ḿbɛn ḿbíkŋɛ ŋɡɔ pɛ́ cú mbɔ̌ pɔ́p ŋɡɔ pɔ́p nɛn pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ.»

ŊwɑꞋnɛ-Gɑŋntúu Yɛ́su Kɛlístɔ 21:28

ŋ́kɑꞋ ŋɡi yɔp tʉ́ ɡíɛt ŋɡɔ: «Pʉɔ-Íslɑyɛ̂l, pʉʉ tɔ́ ńcẅɛ́lɛ́ wɛ́k! Ŋu wɑ́ pʉ́ɔ. A sɛ́ ḿbɔ́ ńnɛn zʉꞋ tsʉʉ ndǔ tsɛ́tsɑ́Ꞌ ŋ́kẅíi pʉɔ-lɑ́Ꞌ pɛkŋɛ kɛpɔŋ, ɛ́sẅíŋɛ kɛpɔŋ nǔu nɛpʉ́ʉ-Mɔ̌sɛ̂ɛ. Tɛ mbɑ nǔu ZʉꞋ-nɔŋpɔꞋ yɔ. Ɛ́ pʉ́ɔ, mbɔ ɑ zɛɛ ńdɔk pʉɔ pi pɔ́p kɑ́ pɔ́ pɑyúdɑ pɔ́, ńtɔ́, ńdɔk wɔ́p ŋ́kúu tsɛt ZʉꞋ-nɔŋpɔꞋ, ńdɔk pɔ́Ꞌɔ, ńníꞋ lɔ́Ꞌ nǔu.»

ŊwɑꞋnɛ-Gɑŋntúu Yɛ́su Kɛlístɔ 22:22

Pɑyúdɑ pi pɔ́p kɑ zẅíꞋlɛnɛ nu yi Pɔ̂l sɛ́ ńcú, tɛ ńzúꞋ ɑ cú pɑ́Ꞌ ɑ cúnɛ lɑɑ, kɑ ɡɔ́ɔ ŋ́kɑꞋ ŋɡi yɔ́p, ŋ́ɡɑ́ tʉ́ ńcú ŋɡɔ: «Pɛ́ ɡwɛ́tnɛ ŋu wɑ́. A kɑ́ ɡẅɛɛ nɛpɔ́ ɡú pɔ́,

ŊwɑꞋnɛ-Gɑŋntúu Yɛ́su Kɛlístɔ 24:14

Lɑ́, nu yi ŋ ɡʉ ńtʉ́ʉ mbi ɡu, ɛ́sɑ́ɑnɛ sɑ́ɑnɛ́nɛ ḿbɛ́m pɔ́ ŋɡɔ ɛ fɑꞋ pɔ mbɔ̌ Sɛ́-pɛmɑ̂ɑŋɡɑpnjẅɛt pɛk pɛpɔ́p. Mɔ sɛ́ ńnɛn pɔ nǔu sɛ̂ndúŋ yi pɔ́p lʉꞋnɛ ŋɡɔ ɛ́ wɛ pʉɔ pi pɔ́p fɑknɛ mbʉʉ, tɛ mbɑ pɑ́Ꞌ mɔ sɛ́ ḿbɛ́m mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 24:4

Lɑ́, ŋ kɑ́ pɔ́ ŋ́kɔŋ nɛtʉ́ʉ mbi Ndɛ ńdɑ́ɑtɛ nǔu sẅiŋɛ lɑ́ɑtɛ́nɛ pɔ́. Ɛ́ lɛɛ pɔ́Ꞌɔ, lɑ́ m bɔ́ mbúꞋ mbɔ́ mbɔ̌ Ndɛ ŋɡɔ ɑ lɔk pɔŋ tʉ́m ńzẅíꞋlɛ nu yi ŋ ɡʉ nɑ́Ꞌ ḿbɛ́ɛtɛ ɛ́sẅíi wɛ́.

ŊwɑꞋnɛ-Gɑŋntúu Yɛ́su Kɛlístɔ 25:7

Pɔ̂l tɔ́, Pɑyúdɑ cúŋ ɛ́fú Yɛlúsɑlɛm ńtɔ́, ńtʉ̈ɔ́Ꞌlɛ wɛ́ ńníꞋ sɔŋ, ńtík mɛnu mi ɛ́ tɛn tɛnnɛ tú wɛ́ tɛ ɛ́ zɑ́ɑ zɑ́ɑnɛ. Ŋu wɔp ẅi ɑ ɡʉ ŋ́kɛ́ ḿbɛ́ɛtɛ tɛ mɛtú cẅɛt kɛ́ ḿbɔɔ ɡú pɔ́.

ŊwɑꞋnɛ-Gɑŋntúu Yɛ́su Kɛlístɔ 26:5

Ŋ kɑ nɑ́ŋ nǔu ntɛ́ yi ŋu nǔu nɔɔ-pɑfɑlísɑy nɑŋnɛ pɔ́Ꞌɔ, pɔ́p pɛn ḿbɔ́ pʉɔ ńcʉŋɛ nǔu nɛpʉ́ʉ-nu-Sɛ́ yɛ́k tɛ ńtsɑ pɛcɔ́ pʉɔ. Pɑyúdɑ lɑɑ ŋ́kɔŋ, pɔ́p sẅíi zɑɑmɔɔ ŋɡɔ, nu yi n cúnɛ lɑɑ, ɛ́ nu nɛ́nẅín. Pɔ́p zɛɛ ńjí wɑ́ɑ tɛ ɛ́fú tɛ lɛ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 28:22

Lɑ́ pɛk sɛ́ ŋ́kɔŋ ŋɡɔ ɔ tsuŋ ŋ́kyɛ́Ꞌtɛ yúu mi ɛ́ lɔ́ŋ wu ɛ́sẅíi wɛ́k. Pɛk cú pɑ́Ꞌɑ lɑ́ ŋ́kɛ́ ńzɛɛ ḿbɔ́ ńjí ŋɡɔ pɛ́ mbɑ ɡɔ́ lɑ́, ɛ́sẅíŋɛ pɔ kɛpɔŋ nǔu pɑfɑk mbʉʉ pi ɔ nǔu lɑ́.

ŊwɑꞋnɛ-Gɑŋntúu Yɛ́su Kɛlístɔ 5:17

Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.

ŊwɑꞋnɛ-Gɑŋntúu Yɛ́su Kɛlístɔ 6:13

Pîpɑ́ pʉɔ lɔk mbɑ pɛcɔ́ ɡɑŋcɔtnu, ŋ́ɡʉ zúꞋu. Pɔ́p tɔ́ ńcú ŋɡɔ: «Ŋu wɔ júk pɔ nɛsẅíŋɛ kɛpɔŋ nǔu ndɑ́-nɔŋpɔꞋ yɛkŋɛ yi ɛ́ Yɛlúsɑlɛm wɔ, mbɑ nǔu nɛpʉ́ʉ-Mɔ̌sɛ̂ɛ.

1 Kɔlɛ̂ŋtɛ 11:19

Ɛ́ nɛ́nẅín ŋɡɔ pʉʉ pɔ́ tɛ fɑkŋɛ mɛnɔɔ mɛnɔɔ, pɛ́ fú nǔu ńjʉ́ɔ pʉɔ pi pɔ́p kɑ́ kɔŋ fɑkŋɛ pɔ́.

1 Kɔlɛ̂ŋtɛ 4:13

Pɛ́ ɛ́sẅíŋɛ kɛpɔŋ nǔu lík yɛ́k, pɛk lɔk pɔ sẅiŋɛ sʉ́Ꞌnɛ ḿbʉ̈ɔt. Tɛ ŋ́kúu ŋkɔ̂ɔnɛ yi pɛ́ líŋɛ́nɛ wɛ́k ńjʉ́ɔ pɛk pɔ́ pɔ pɑ́Ꞌ mɛkyɑŋɛ mí ɛ́ ndǔmbí, ḿbɔ́ pɔ pɑ́Ꞌ mɛfʉ̈ɔplɛ níinɛ mi ɛ́ tsɛtsɛt pʉɔmɛsɔŋ lɑ́.

1 Pyɛ̂ 2:19

Pʉʉ jí ŋɡɔ pʉʉ lɑɑ ńdɔk pɑ́Ꞌ pʉʉ sɛ́ ŋ́kɔŋ nɛ kɛ́ ńjí pɔ Sɛ́ ndɑꞋ, ɛ́sʉk ŋɡʉ̈ɔ́Ꞌ yi ɛ́ kúunɛ wʉ́ʉ mbíꞋ yúu mi pʉʉ ŋ́kɑɑ ɡɛ, mbɔ ɛ́ nu sʉ́Ꞌnɛ.