ŊwɑꞋnɛ-Gɑŋntúu Yɛ́su Kɛlístɔ 24:16 - Kɑɑ Fí

¹⁶ Ɛ́ yúu mi ɛ́ ɡɛnɛ lɑ m bɔ́ ɛ́sɑ́Ꞌ tʉʉ nɛ́ tʉ́m lɛ́ɛnɛ́nɛ nɛnɛn ndʉ́ŋndʉŋ mbi Sɛ́, mbɑ mbi pʉɔmɛsɔŋ.»

ŊwɑꞋnɛ-Gɑŋntúu Yɛ́su Kɛlístɔ 24:16 교차 참조

ŊwɑꞋnɛ-Gɑŋntúu Yɛ́su Kɛlístɔ 23:1

Pɔ̂l niitɛ ńtík mík mɛ́ nǔu pɑsɑ́Ꞌlɑ́Ꞌ ńcú ŋɡɔ: «Pɔ́ɔpɛ́mɑ́ pɑ́ɑ, n dɔ ńjúk ḿbɔ́ pɔ mbi Sɛ́ nɛ́ tʉ́m lɛ́ɛnɛ́nɛ tɛ ŋ́kúu lɔ́Ꞌnɛ. Yɛcɔ́ yúu kɑ́ pɔ́ tsɛt tʉ́m mɔ ḿbɔ́ ŋ́ɡɑ́ɑnɛ wɑ́ɑ pɔ́.»

Pʉɔ-Lɔ́mɑ 2:15

Pɔ́p lɔk pɔ́Ꞌɔ, ńnyɛt ŋɡɔ mɛfɑꞋ mi nɛpʉ́ʉ sɛ́ ḿbíkŋɛ ŋɡɔ pɛ́ fɑꞋ, Sɛ́ kɑ ŋwɑꞋnɛ tsɛt tʉ́m pɔ́p, tɛ mbʉʉ yɔp pɔ́ ḿbɛ́m ŋɡɔ ɛ́ nu nɛ́nẅín. Kwɑŋɛ yɔ́p ɡʉ ŋkɑ́ yi ɛ́ ɡʉ ŋ́ŋɑk wɔ́p, ńdɔk pɔ mɛfɑꞋ ɛ̂mɑ́ ŋ́ŋɑk wɔ́p, ŋ́ɡʉ ŋkɑ́ yi ɛ́ ḿbɛꞋ mɛlɑꞋ mɔ́p ḿbɛn ŋ́ɡɛ pɔ pɔ́Ꞌɔ.

Pʉɔ-Lɔ́mɑ 9:1

Nu yi ŋ ɡʉ ńcú lɑɑ, ɛ́ nɛ́nẅín. Pɑ́Ꞌ ŋ kɑ lɑt mɔ́ mbʉʉ nǔu Kɛlístɔ lɑ́, ŋ kɑ́ pɔ́ ŋ́ɡʉ ɛ́sẅíi cɔtnu pɔ́. Zẅikŋɛ Lɛ́ɛnɛ́nɛ sɛ́ ŋ́ɡɛ tʉ́m yɑ́ɑ sẅíi wɑ́ɑ ŋɡɔ nu yi mɔ ńcú ɛ́ nɛ́nẅín.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Kɔlɛ̂ŋtɛ 4:4

Ɛ́ nɛ́nẅín ŋɡɔ mbʉʉ yɑɑ kɑ́ pɔ́ ńtswɑ́ɑ wɑ́ɑ nǔu yɛcɔ́ nu pɔ́. Lɑ́ ŋ kɑ́ pɔ́ ńdɔk ńcú ŋɡɔ yɛcɔ́ lɔ́Ꞌ kɑ́ pɔ́ nǔu fɑꞋ yi mɔ ŋ́ɡɛ pɔ́ pɔ́. Tsɑpʉɔ pɔ́nɛ ŋu ẅí ɑ ɡẅɛɛnɛ nɛtɑꞋ fɑꞋ yɑ́ɑ ńtíitɛ.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

1 Tɛsɑlɔník 2:10

Pʉʉ sɛ́ ńjí yúu mi pɛk kɑ ɡɛnɛ, Sɛ́ pɛn ḿbɔ́ ńjí yɛ́ mɑt wɛk tsɛtsɛt pʉʉ pɑpɛ́m sẅiŋɛ-sɛ́, Ɛ́ kɑ pɔ́ sʉ́Ꞌnɛ. Pɛk pɔ́ ndʉ́ŋndʉŋ yɛcɔ́ lɔ́Ꞌ yɛ́k pɔɔ ɡú pɔ́.

1 Timɔtɛ́ɛ 1:19

Ɔ lɑɑ ńtsʉ́Ꞌ nɛlʉ́ɔꞋ ẅîwɑ́ ntsɔ, ɔ lɔk pɔ nɛzɑ́p tʉ́m nǔu Sɛ́, ḿbɛn ḿbɑ́ɑ nɛɡɛ yúu mi mbʉʉ yu ɡʉ ńtswɑ́ɑ wú nǔu. Mbʉʉ-pɛcɔ́ nɛlʉ́m pʉɔ kɑ tswɑ́ɑ wɔ́p, pɔ́p lʉꞋ nɛzúꞋ, wɔp nɛzɑ́p tʉ́m nǔu Sɛ́ kúu pɛ́.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

1 Timɔtɛ́ɛ 3:9

Ɛ́ píkŋɛ ŋɡɔ pɔ́p kúꞋlɛ nu nɛ́nẅín yi ɛ́ kɑ pɔ́ yi lʉɔmɛ́nɛ, Sɛ́ nyɛt wɛkŋɛ, ŋ́kúꞋlɛ nǔu ntɛ́ yi mbʉʉ yɔp kɛ́ tswɑ́ɑ wɔ́p pɔ́.

2 Timɔtɛ́ɛ 1:3

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yú, Sɛ́ ẅi mɔ sɛ́ ŋ́ɡúꞋlɛ nɛ́ tɑ́Ꞌ tʉ́m pɑ́Ꞌ pɛmɑ̂ɑŋɡɑpnjẅɛt pɛk kɑ ɡúꞋlɛ́nɛ yɔ́p lɑ́. Nɛnɛm kɛ nɛtúꞋ ɔɔ, m bɔ́ ḿbúꞋ mbɔ́ mbɔ̌ Sɛ́, mbɔɔ nɑ́ kɛ́ kẅíi lík yú pɔ́.

Tîtɛ 1:15

Kʉ̈ɔ́ lɑ́ kɛ́ lɔ́Ꞌ mbɔ̌ pʉɔ pi pɔ́p ɡẅɛɛnɛ tʉ́m lɛ́ɛnɛ́nɛ mbi Sɛ́. Lɑ́ ŋ́ɡʉ nǔu pʉɔ pi tʉ́m yɔ́p kɑ́ lɛ́ɛnɛ, pɔ́p pɔɔ zɑ́p nǔu Sɛ́ pɔ́, kʉ̈ɔ́ lɑ́ mbɔ̌ pɔ́p ŋ́ɡẅɛɛ pɔ lɔ́Ꞌ. MbíꞋŋɡɔ kwɑŋɛnu yɔ́p nɑ́ŋ ńtʉ́ʉ pɔ nǔu mɛnu kɛpɔŋ, tʉ́m yɔ́p pɔɔ lɛ́ɛnɛ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 13:18

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́, ḿbúꞋ mbɔ́ nǔu tú yɛ́k. Pɛk tsuŋ ḿbɔ́ ńzúꞋ ŋɡɔ mbʉʉ yɛk kɑ́ pɔ́ ńtswɑ́ɑ wɛ́k nǔu yɛcɔ́ nu pɔ́, mbíꞋŋɡɔ pɛk sɛ́ ńtsɑ́ɑ nɛpɔ́ yi kʉ̈ɔ́ lɑɑnɛ ńtʉ́ʉ sɛ́, pɛk ɡɛ pɔ yúu mi ɛ́ sɛ́ ḿbíkŋɛ.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

1 Pyɛ̂ 2:19

Pʉʉ jí ŋɡɔ pʉʉ lɑɑ ńdɔk pɑ́Ꞌ pʉʉ sɛ́ ŋ́kɔŋ nɛ kɛ́ ńjí pɔ Sɛ́ ndɑꞋ, ɛ́sʉk ŋɡʉ̈ɔ́Ꞌ yi ɛ́ kúunɛ wʉ́ʉ mbíꞋ yúu mi pʉʉ ŋ́kɑɑ ɡɛ, mbɔ ɛ́ nu sʉ́Ꞌnɛ.

1 Pyɛ̂ 3:16

Pʉʉ tsʉ́Ꞌ nɛsẅíi wɛ́ ńdɔk pɔ ndɑ̌ɑ ndɑɑ, ńdɔk mɛkuꞋ. Ɛ́ pɔŋ ŋɡɔ kɔɔ ɛ́ ɡɔ́ ḿbɔ́ mbʉʉ yʉʉ pɔ́ ńtswɑ́ɑ wʉ́ʉ nǔu yɛcɔ́ yúu, lɑ ɛ́ lɛɛ pɔ́Ꞌɔ, ḿbɔ́ yi pʉɔ lɑɑ ḿbɔ́ ńtík sɔ́ɔ tú pʉʉ, ɛ́fú nǔu pɑ́Ꞌ pɔ́p sɛ́ ńzɔɔtɛ nɛnɑ́ŋ wʉʉ wɛ pʉɔ-Kɛlístɔ ẅi ɛ́ pɔŋnɛ, sʉ́ʉ kɔ́ wɔ́p.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.