ŊwɑꞋnɛ-Gɑŋntúu Yɛ́su Kɛlístɔ 24:14 - Kɑɑ Fí14 Lɑ́, nu yi ŋ ɡʉ ńtʉ́ʉ mbi ɡu, ɛ́sɑ́ɑnɛ sɑ́ɑnɛ́nɛ ḿbɛ́m pɔ́ ŋɡɔ ɛ fɑꞋ pɔ mbɔ̌ Sɛ́-pɛmɑ̂ɑŋɡɑpnjẅɛt pɛk pɛpɔ́p. Mɔ sɛ́ ńnɛn pɔ nǔu sɛ̂ndúŋ yi pɔ́p lʉꞋnɛ ŋɡɔ ɛ́ wɛ pʉɔ pi pɔ́p fɑknɛ mbʉʉ, tɛ mbɑ pɑ́Ꞌ mɔ sɛ́ ḿbɛ́m mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́. 장을 참조하십시오 |
ŊwɑꞋnɛ-Gɑŋntúu Yɛ́su Kɛlístɔ 24:14
44 교차 참조
A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»
Pɑyúdɑ cú pɔ́Ꞌɔ, pɔ́p pɛ́ Pɔ̂l tɑ́ŋ lɛ́Ꞌ yi pɔ́p pɛpɔ́p ɡʉ ŋ́ɡɛ ḿbɛn ḿbuutɛ. Lɛ́Ꞌ ɛ̂yɑ́ ɡɛ ŋ́kuꞋ, pɔ́p pɛn ńtɔ́, ŋ́kẅɛ́ɛtɛ wɛ́ zʉꞋ yi ɑ nɑ́ŋnɛ zúꞋu, ŋ́ɡɔ ńtɔ́ yîyɑ́ ku ńzɑ́ɑ tɛꞋ. Pɔ̂l kyɛ́Ꞌtɛ nu-nɛfɔɔ-Sɛ́ ɛ́sẅíi wɔ́p tɛ ɛ́fú mbɑꞋmbɑꞋɑ́ ŋ́kúu ntsuŋkẅɛ́Ꞌ, ńdɔɔ shʉ́ nɛɡɛ tɛ pɔ́p niitɛ ńjí ŋu ẅí Yɛ́su jʉ́, ḿbɔ́ ńcẅɛɛtɛ mɛnu tsɛt mɛŋwɑꞋnɛ nɛpʉ́ʉ-Mɔ̌sɛ̂ɛ mbɑ tsɛt mɛŋwɑꞋnɛ -pɛŋɡɛ́mndʉ̈ɔ́Ꞌ-Sɛ́.
ḿbíkŋɛ wɛ́ ŋɡɔ ɑ ŋwɑꞋnɛ mɛŋwɑꞋnɛ ŋ́ɡɑ́ mbɔ̌ wɛ́. A lɔk ŋ́ɡʉ Ndɑmɑs, ŋ́ɡɑ́ mbɔ̌ pɑtʉ́ʉmbi nǔu mɛndɑ́-cúꞋlɛ-pɑyúdɑ mi ɛ́ zúꞋu. A píkŋɛ pɔ́Ꞌɔ, nɛlɔk ŋ́ɡẅɛɛ pɑ́Ꞌ ɑ lɑɑ ńtɔ́ zúꞋu, ńjʉ́ɔ pʉɔ pi pɔ́p nǔu sɛ̂ndúŋ-Yɛ́su ɛ̂wɑ́, kɛ ɛ́ pɔ́ pɔ mbɛ́ɛnɛ ɔɔ, kɛ pɑŋɡɛ́ ɔɔ, ɑ kuꞋ nɛɡẅɛɛtɛ wɔ́p, ŋ́kút wɔ́p, ńdɔk ḿbɛn nɛ́ Yɛlúsɑlɛm.
N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!
광고