9 Pʉɔ tsʉʉ zɛ nɛsẅíi nɛsẅii. Pɛcɔ́ pɑkyɛ́Ꞌtɛ nɛpʉ́ʉ-Mɔ̌sɛ̂ɛ tsɛtsɛt Pɑfɑlísɑy lɔ sɛ́ ńcú nɛ́ mɛtʉʉ ŋɡɔ: «Pɛk kɑ́ jʉ́ɔ nu kɛpɔŋ yi ŋu wɑ́ ɡɛnɛ pɔ́. Lɛ́Ꞌcɔ́, tɛ yɛcɔ́ Zẅikŋɛ kɛ pɔ́ wɛcɔ́ Cʉ̈ɔꞋ-Sɛ́ kɑ́nɛ cú nu mbɔ̌ wɛ́ pɔ́ ɔɔ?»
Pɛcɔ́ Pɑkyɛ́Ꞌtɛ nɛpʉ́ʉ-Mɔ̌sɛ̂ɛ pi pɔ́p ḿbɔ́nɛ tsɛtsɛt pʉɔ-fɑlísɑy, jʉ́ɔ pɑꞋ Yɛ́su pɔ́p pʉɔ ɛ̂pɑ́ sɛ́ ńjʉ́ yúu, ḿbíkŋɛ ɡɑŋku pɛ́ ŋɡɔ: «Ɛ́ ɡɛ ŋɡɔ́ku lɑ pʉʉ pɛ́ ntɛ́ pʉɔ pɔ tɛmtɛ kɑ́ŋ ńjʉ́ yúu?»
Pilɑ́tu cú nu nǔu mbɑ́ɑtɛ yɛtɑ́t ŋɡɔ: «Nu kɛpɔŋ ɑ ɡɛnɛ pɑꞋnɛ ḿbɔ́ kʉ̈ɔ́? Ŋ kɑ́ jʉ́ɔ yɛcɔ́ nu yi ɑ fɑɑnɛ́nɛ tɛ ḿbɔ́ pɛ́ jẅí wɛ́ jẅínɛ pɔ́. Mɔ ńcú pɛ́ lɔk ŋɡwɑɑ ńtswɑ́ɑ wɛ́, n nɑ́ wɛ́ ɑ ɡʉ.»
Pilɑ́tu cú mbɔ̌ Pɛtɑ́tndɑ́-pɑnɔ́ŋpɔꞋ mbɑ mbɔ̌ lɑ́Ꞌ ŋɡɔ: «Mɔ sɛ́ ḿbɔɔ ńjʉ́ɔ yúu mi ŋu wɔ fɑɑnɛ́nɛ tɛ ḿbɔ́ pɛ́ cú ŋɡɔ ɑ vu ntsɑŋ pɔ́.»
Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»
Lɑ́Ꞌ yi ɛ́ kɑ pɔ́nɛ zúꞋu zúꞋ yîyɑ́ ŋɡi ńcú ŋɡɔ: «Ɛ́ nɛfɑŋ ní ɛ́ kwɛnɛ́nɛ.» Pɛcɔ́ pʉɔ cú ŋɡɔ: «Cʉ̈ɔꞋ-Sɛ́ cú nu mbɔ̌ wɛ́.»
Sɛ́ lɔk pɔ́Ꞌɔ, ŋ́ɡɑ́ yɔ́p yúu mi pɛkŋɛ kɑ zɑ́pnɛ tʉ́m nǔu Tsɑpʉɔ Yɛ́su Kɛlístɔ, ɑ ɡɑ́ mbɔ̌ pɛkŋɛ lɑ́. N zɛɛ ḿbɔ́ yɑ́ɑ pɔ wɔ̌, tɛ ḿbɔ́ yi mbɔ n tɔꞋ Sɛ́ nɛɡɛ yúu?»
«N cʉ́ɔ sɛ̂ndúŋ, ŋ́ɡʉ tɛ ńtsʉ́Ꞌ nɛkúu Ndɑmɑs, ɛ́ pɔ́ kwɑꞋ nɛnɛm. Yɛcɔ́ yúu ɡɔ́ɔ ɛ́fú tʉ́nɛ́pú, ŋ́kyɛꞋ wɑ́ɑ tɛꞋ.
M vu sɛ́, ŋ́ɡɔ́ɔ ńzúꞋ ŋɡi-ŋu cú mbɔ̌ mɔ ŋɡɔ: “Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́?”
Lɑ́ ńjʉ́ɔ ŋɡɔ pɔ́p fɛn wɛ́ pɔ nǔu yɛcɔ́ mɔ́zʉꞋ nǔu nɛpʉ́ʉ nɔ́p ni pɔ́p pɛpɔ́p kɑ́ sẅiŋɛ ńzúꞋnɛ nǔu pɔ́. M bɛn ŋ́kɛ́ ḿbɔɔ jʉ́ɔ yɛcɔ́ yúu mi ḿbɔ́ pɛ́ lɛɛ nǔu ńjẅí wɛ́ kɛ ńníꞋ wɛ́ pɔ tsɑ́ŋ pɔ́.
Ɛ́ zɛɛ ŋ́ɡɔ ḿbɔ́, pɑfɑlísɑy cú ŋɡɔ pɛpfú ɡʉ ńdɑ́Ꞌ ńzẅíimɛ, ŋɡɔ pɛcʉ̈ɔ́Ꞌ-Sɛ́ mbɑ mɛzẅikŋɛ kɛpɔŋ ɡú, lɑ́ ŋ́ɡʉ nǔu pʉɔ sɑdukɑy pɔ́p pɔɔ ḿbɛ́m yɔ́p pɔ́Ꞌɔ pɔ́.
Ɛ́ ɡʉ nǔu mɔ, mbɔ ŋ kɑ́ jʉ́ɔ yɛcɔ́ yúu mi ɑ kɑ ɡɛnɛ tɛ ḿbɔ́ pɛ́ lɛɛ nǔu ńjẅí wɛ́ jẅínɛ pɔ́. KwɑꞋ jʉ́ kɑ píkŋɛ ŋɡɔ Kɑ́sɑ ńtsʉꞋnɛ ŋ́ŋɑk wɛ́. Lɑ́ n zɑ́p yɑ́ɑ ŋɡɔ ŋ ɡʉ ńtúu wɛ́ Lɔ́mɑ ŋ́ɡɑ́ mbɔ̌ wɛ́.
ŋ́ɡɔ ńcẅɛt, ḿbɔ́ ńcú tsɛtsɛt pɔ́p ŋɡɔ: «Ŋu wɔ ŋkɑɑ ɡɛ yɛcɔ́ yúu mi ɛ́ lɑɑ ḿbɔ́ pɛ́ lɛɛ nǔu ńjẅí wɛ́ pɔ́, tɛ mbɑ nɛníꞋ wɛ́ tsɑ́ŋ.»
N cú pɑ́Ꞌɑ, mbɔ ɛ́ lɑ́Ꞌ ḿbɔ́ nɛtúꞋ lɔ́Ꞌnɛ, Sɛ́ ẅi ŋ ɡúꞋlɛ, túu wɛcɔ́ cʉ̈ɔ́Ꞌ wɛ mbɔ̌ mɔ ẅi mɔ ŋɡɑŋfɑꞋ wɛ.
Ŋ́kɛ́ ɛ́fú mbɔ̌ Sɛ́, mbɔ ɛ́ lɑɑ ḿbɔ́ pʉʉ pɔɔ kuꞋ nɛtɑ́k pɔ́. Pʉʉ pɑ́ɑ pɑ́Ꞌ ɛ́ lɑɑ ḿbɔ́ pʉʉ lʉ́ɔꞋ Sɛ́ nɛ́ ntsɔ.» Pɔ́p pɛ́m nu yi Ŋɡɑmɑlíyɛ̂l cúnɛ,
A tsɔ́Ꞌnɛ ḿvu sɛ́, ńzúꞋ ŋɡi-ŋu cú mbɔ̌ wɛ́ ŋɡɔ: «Sɔ̂l, Sɔ̂l, ɔ tsɔ́Ꞌ ku yɑ́ɑ kɛpɔŋ mɛlɑ́Ꞌ kʉ̈ɔ́?»
Pɛkŋɛ lɑɑ ŋ́ɡɛ pɔ́Ꞌɔ, mbɔ pɛkŋɛ kɑ́ pɔ́ ńdɔk ńdɔɔ ŋɡɔ lɔ́ŋ-Tsɑpʉɔ zɑ́ŋ mbíꞋ wɛkŋɛ pɔ́ ɔɔ? Pɛkŋɛ tɛn ńdɛɛ wɛ́?
