ŊwɑꞋnɛ-Gɑŋntúu Yɛ́su Kɛlístɔ 22:25 - Kɑɑ Fí

²⁵ Ńdɔk wɛ́ ŋ́ɡʉ pɔ́Ꞌɔ, pɛ́ zɛ nɛkút Pɔ̂l pɑ́Ꞌ pɛ́ ɡʉ ńtswɑ́ɑ wɛ́. A cú mbɔ̌ tɑ́tndɑ́-ntsɔ ẅi ɑ zúꞋu ŋɡɔ: «Pɛ́ ɡʉ ńdíŋɛ líŋɛ́nɛ pʉʉ tswɑ́ɑ mɔ́ɔ-lɑ́Ꞌ-Pɑlɔ́mɑ kɛ́ pɔ́ yi pɛ́ zɛɛ sǐi ŋ́ŋɑk wɛ́ pɔ́ ɔɔ? Wɔ̌ cúnɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 22:25 교차 참조

Mɑtʉ̈ɔ 10:17

Pʉʉ lɑk tú yʉ́ʉ, mbíꞋŋɡɔ pʉɔmɛsɔŋ ɡʉ ŋ́ɡɛ ɛ́fɛn wʉ́ʉ pɛ́ ŋɑk wʉ́ʉ, ńdɔk ŋɡwɑɑ ńtswɑ́ɑ wʉ́ʉ tsɛt mɛndɑ́-cúꞋlɛ mɔ́p.

Mɑtʉ̈ɔ 27:54

Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»

Mɑtʉ̈ɔ 8:8

Lɑ́ tɑ́tndɑ́-ntsɔ pʉ̈ɔt ŋɡɔ: «Tsɑpʉɔ, n zɑŋɛ ŋu ẅí ɛ́ lɑɑ ḿbɔ́ ɔ tɔ́k tɛ ŋ́kúu ndɑ́ yɛ́. Tʉ́ʉ pɔ pɑ́Ꞌɑ, ńcú nɛ́ ntsu wú mɔ́ŋkʉ̈ɔ́-fɑꞋ wɑɑ fíitɛ.

ŊwɑꞋnɛ-Gɑŋntúu Yɛ́su Kɛlístɔ 10:1

Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.

ŊwɑꞋnɛ-Gɑŋntúu Yɛ́su Kɛlístɔ 16:37

Lɑ́, Pɔ̂l cú mbɔ̌ pɛmɑ́kɑ́ɑ ŋɡɔ: «ZúꞋnɛ, pɔ́p kɑ pɛ́t pɔ kɛ́ ŋɑk ntsɑŋ yɛk, ńcú pɛ́ tswɑ́ɑ wɛ́k mbi lɑ́Ꞌ. Lɑ́ pɛk pɔ́ pʉɔ-ŋɡɔŋ-pɑlɔ́mɑ. Pɔ́p kɑ tswɑ́ɑ wɛ́k pɔ́Ꞌɔ, tɛ ɛ́ kuꞋ pɔ́p níꞋ wɛ́k tsɑ́ŋ. Pɔ́p pɛn ḿbɔ́ pɑ́Ꞌɑ ńdɔɔ nɛsɔ́tɛ sɔ́tɛ́nɛ ńcẅɛɛtɛ wɛ́k. Pɛk lʉꞋ. Ɛ́ píkŋɛ ŋɡɔ kwɑꞋ pɔ́p tɔ́nɛ ńcẅɛɛtɛ wɛ́k ndɑ́tsɑ́ŋ.»

ŊwɑꞋnɛ-Gɑŋntúu Yɛ́su Kɛlístɔ 22:26

A zúꞋ ḿvukŋɛ, ŋ́kʉɔ ŋ́ɡʉ ńjʉ́ɔ Tɑ́tndɑ́-wɔ́p, ńcú mbɔ̌ wɛ́ ŋɡɔ: «Ɔ ɡʉ ŋ́ɡɛ ŋɡɔ́ku? Ŋu mbɛ́ɛnɛ wɑ́ mɔ́ɔ-lɑ́Ꞌ-Pɑlɔ́mɑ»

ŊwɑꞋnɛ-Gɑŋntúu Yɛ́su Kɛlístɔ 23:17

Pɔ̂l zúꞋ, ɛ́fúŋ wɛcɔ́ tɑ́Ꞌ tɑ́tndɑ́-ntsɔ, ńcú mbɔ̌ wɛ́ ŋɡɔ: «Lɔk mɔ́ɔsuu wɔ, ŋ́ɡʉ ńcɑklɛ wɛ́ njɛ́Ꞌ tɑ́tndɑ́ wʉʉ. A ɡẅɛɛ nu yi ɑ ɡʉ nɛsẅíi wɛ́.»

ŊwɑꞋnɛ-Gɑŋntúu Yɛ́su Kɛlístɔ 23:27

Ɛ́ pɑ́Ꞌɑ, mbɔ pɑyúdɑ kɑ ɡẅɛɛ ŋu ẅi n túunɛ wɛ́ ŋ́ɡɑ́ mbɔ̌ wu lɑ́, ḿbɔ́ ńdɔɔ nɛjẅí wɛ́. N zúꞋ pɛ́ cú ŋɡɔ ɑ mɔ́ɔ-lɑ́Ꞌ-Lɔ́mɑ n dɔk pɑlʉ̈ɔ́Ꞌntsɔ pɑ́ɑ ńtɔ́ ńcẅɛ́ɛ wɛ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 25:16

Lɑ́ n tsɔ́Ꞌ mbɔ̌ pɔ́p ŋɡɔ pɛk pʉɔ-Lɔ́mɑ kɑ́ ɡẅɛɛ mɑt nɛzɑ́Ꞌ ntsɑŋ-ŋu lɑ ŋ́ŋɑk wɛ́ pɔ́. Ɛ́ píkŋɛ ŋɡɔ ŋu ẅí pɛ́ fɛnnɛ wɛ́ pɔ́p pʉɔ pi pɔ́p fɛnnɛ wɛ́ puutɛ sɛ́. Ŋu ẅí pɛ́ fɛnnɛ wɛ́ pɛ́ɛtɛ ntsu wɛ́.

ŊwɑꞋnɛ-Gɑŋntúu Yɛ́su Kɛlístɔ 27:1

Pɛ́ ɡɛ ḿbɔ́ tɛ ńzɑ́p ŋɡɔ pɛk ɡʉ ŋ́kúu mɑ́mɑ́ kɑnúꞋ, ŋ́ɡʉ tsɛt ŋɡɔŋ-Itɑlî, ńníꞋ Pɔ̂l pɔ́p pɛcɔ́ ɡɑŋtsɑ́ŋ mbɔ̌ wɛcɔ́ tɑ́tndɑ́-ntsɔ. Lík yɛ́ pɔ́ ŋɡɔ Julíyus. A pɔ́ wɛcɔ́ tɑ́Ꞌ ŋu nǔu ku-pɑlʉ̈ɔ́Ꞌntsɔ pinɛ pɔ́p ḿbɔ́nɛ pɛ́ Kɑ́sɑ.

ŊwɑꞋnɛ-Gɑŋntúu Yɛ́su Kɛlístɔ 27:3

Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 27:43

Lɑ́, tɑ́tndɑ́-ntsɔ pɛn mbɔɔ ḿbɔ́ ŋ́kɔŋ ŋɡɔ pɛ́ jẅí Pɔ̂l pɔ́, ńtɔꞋ wɔ́p nɛɡɛ yúu mi pɔ́p kwɑŋɛ́nɛ, ńcú mbɔ̌ pʉɔ pi pɔ́p jí nɛpúꞋ ŋki ŋɡɔ pɔ́p piitɛ ŋ́kúu ŋki, ḿbúꞋ ŋki ńcẅɛt ŋɡɑ́ŋ.