ŊwɑꞋnɛ-Gɑŋntúu Yɛ́su Kɛlístɔ 22:24 - Kɑɑ Fí

²⁴ Tɑ́tndɑ́-pɛtɑ́tndɑ́-ntsɔ-Lɔ́mɑ ɡɔ́ɔ ŋ́kɛ́ ńcú ŋɡɔ pɛ́ lɔk wɛ́ ḿbɛn tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌ ntsɔ, ńdɔk ŋɡwɑɑ ńniitɛ ńtswɑ́ɑ wɛ́, ńtsʉ́ʉnɛ wɛ́ ɑ cú yúu mi lɑ́Ꞌ kuŋnɛ wɛ́ nǔu.

ŊwɑꞋnɛ-Gɑŋntúu Yɛ́su Kɛlístɔ 22:24 교차 참조

Jɑ̂ŋ 19:1

Pilɑ́tɔ ɡɔ́ɔ ŋ́kɛ́ ŋ́ɡɑ́ Yɛ́su ŋɡɔ pɛ́ lɔk ŋɡwɑɑ ńtswɑ́ɑ wɛ́.

ŊwɑꞋnɛ-Gɑŋntúu Yɛ́su Kɛlístɔ 16:37

Lɑ́, Pɔ̂l cú mbɔ̌ pɛmɑ́kɑ́ɑ ŋɡɔ: «ZúꞋnɛ, pɔ́p kɑ pɛ́t pɔ kɛ́ ŋɑk ntsɑŋ yɛk, ńcú pɛ́ tswɑ́ɑ wɛ́k mbi lɑ́Ꞌ. Lɑ́ pɛk pɔ́ pʉɔ-ŋɡɔŋ-pɑlɔ́mɑ. Pɔ́p kɑ tswɑ́ɑ wɛ́k pɔ́Ꞌɔ, tɛ ɛ́ kuꞋ pɔ́p níꞋ wɛ́k tsɑ́ŋ. Pɔ́p pɛn ḿbɔ́ pɑ́Ꞌɑ ńdɔɔ nɛsɔ́tɛ sɔ́tɛ́nɛ ńcẅɛɛtɛ wɛ́k. Pɛk lʉꞋ. Ɛ́ píkŋɛ ŋɡɔ kwɑꞋ pɔ́p tɔ́nɛ ńcẅɛɛtɛ wɛ́k ndɑ́tsɑ́ŋ.»

ŊwɑꞋnɛ-Gɑŋntúu Yɛ́su Kɛlístɔ 21:34

Lɑ́, lɑ́Ꞌ pɔ́ ɡíɛt pɔ mɛŋɡi mɛŋɡi. A pɔɔ yɛcɔ́ nu zúꞋ, ntɛ́ nɛsẅíi. A cú ŋɡɔ pɛ́ lɔk Pɔ̂l ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

ŊwɑꞋnɛ-Gɑŋntúu Yɛ́su Kɛlístɔ 21:37

Pɛ́ ɡʉ tɛ ńtsʉ́Ꞌ nɛníꞋ Pɔ̂l tsɛt ŋkɑ́Ꞌ-pɑlʉ̈ɔ́Ꞌntsɔ, ɑ cú mbɔ̌ Tɑ́tndɑ́-pɛtɑ́tndɑ́-ntsɔ ŋɡɔ: «Tɛ ɛ́ lɑɑ ḿbɔ́ pɛ́ pɛ́m n cú nu?» Ndʉ́m ɛ̂wɑ́ tsɔ́Ꞌ ŋɡɔ: «Ɔ zɛɛ ńjí nɛsẅíŋɛ cú-Ŋɡɛlɛk kɛ?

ŊwɑꞋnɛ-Gɑŋntúu Yɛ́su Kɛlístɔ 23:10

Pɛ́ ɡɑ́Ꞌ nɛzɔŋ. Tɑ́tndɑ́-pɛtɑ́tndɑ́-ntsɔ-Lɔ́mɑ jʉ́ɔ ḿbɔ́k, ŋɡɔ pɔ́p ɡʉ ńcitɛ Pɔ̂l mɛkɛm mɛkɛm, ńcú mbɔ̌ pɑlʉ̈ɔ́Ꞌntsɔ ŋɡɔ pɔ́p fɛ́Ꞌnɛ ḿpfúu, ŋ́ɡɛ pɛ́ lɔk Pɔ̂l ɛ́fú zʉꞋ yi pɛ́ ŋɑknɛ ntsɑŋ zúꞋu ńcẅɛt, ŋɡɔ pɔ́p lɔk wɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.

ŊwɑꞋnɛ-Gɑŋntúu Yɛ́su Kɛlístɔ 23:27

Ɛ́ pɑ́Ꞌɑ, mbɔ pɑyúdɑ kɑ ɡẅɛɛ ŋu ẅi n túunɛ wɛ́ ŋ́ɡɑ́ mbɔ̌ wu lɑ́, ḿbɔ́ ńdɔɔ nɛjẅí wɛ́. N zúꞋ pɛ́ cú ŋɡɔ ɑ mɔ́ɔ-lɑ́Ꞌ-Lɔ́mɑ n dɔk pɑlʉ̈ɔ́Ꞌntsɔ pɑ́ɑ ńtɔ́ ńcẅɛ́ɛ wɛ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 28:18

Pɔ́p kɑ ŋɑk wɑ́ɑ tɛ ḿbɔ́ ńdɔɔ nɛnɑ́ wɑ́ɑ, ɛ́ zɛɛ ŋ́ɡɔ ḿbɔ́, mbɔ pɔ́p kɑ́ jʉ́ɔ yɛcɔ́ yúu mi ŋ kɑ ɡɛnɛ tɛ ɛ́ lɑɑ ḿbɔ́ pɛ́ lɛɛ nǔu ńjẅí wɑ́ɑ pɔ́.

Ɛ́bɛlʉʉ 11:35

Ɛ́ kɑ fú pɔ nǔu pɑ́Ꞌ pɛcɔ́ pɑŋɡɛ́ kɑ zɑ́pnɛ tʉ́m yɔ́p nǔu Sɛ́, pʉɔ pɔ́p pi pɔ́p kɑ pfúnɛ, zẅímɛ tɛ pɔ́p pɛpɔ́p pɛn ńnɑ́ŋ. Lɑ́ ɛ́ ɡʉ nǔu pɛcɔ́ pʉɔ, pɛ́ ɡɛ pɔ ŋɡɔ́ku nǔu pɔ́p ɔɔ, pɔ́p pɔɔ ńnɑ́ nɛzɑ́p tʉ́m nǔu Sɛ́ pɔ́, ńjí ŋɡɔ pɛ́ ŋ́ɡɛ ńnɑ́. Ɛ́ kɑ pɔ́ mbɔ̌ pɔ́p, mbii pɔ́ pɑ́Ꞌ pɔ́p ɡʉ ḿpfú, ńjí ŋɡɔ Sɛ́ ɡʉ ŋ́ɡɛ zẅíimɛ wɔ́p,