18 N jʉ́ɔ wɛ́, ɑ cú mbɔ̌ mɔ ŋɡɔ: “Fɛ́Ꞌnɛ ɛ́fú Yɛlúsɑlɛm wɔ ŋ́ɡʉ, mbíꞋŋɡɔ pʉɔ pi pɔ́p tswɛ́nɛ zúꞋu kɛ́ ɡɛ ḿbɛ́m nu yi ɔ ɡʉ ɛ́sẅíi wɔ́p ntɛ́ wɑ́ɑ pɔ́.”
Pʉʉ lɑɑ ŋ́kúu njɛ́Ꞌ-ŋu kɛ pɔ tsɛt yɛcɔ́ tʉ́sɔŋ ɔɔ, pɛ́ lʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ ɛ́fú zúꞋu ŋ́ɡʉ, ŋ́ɡɔ ŋ́ɡʉ ḿbúꞋ pɛ́pɛ́p nǔu mɛku mʉ́ʉ ḿmɛꞋ.
Pɛ́ zɑ́Ꞌ ku yʉ́ʉ tsɛt yɔ tʉ́sɔŋ, pʉʉ kʉɔ ŋ́ɡʉ tsɛt yɛcɔ́. Ŋ ɡʉ ɛ́sẅíi wʉ́ʉ, kwɑꞋ nɛ́nẅín, pʉʉ kɛ́ lɑ́Ꞌ ŋ́kúu mɛtʉ́sɔŋ-Íslɑyɛ̂l tɛ ḿmɛk kɛ́ pɔ́ yi Mɔ́ɔ-Ŋu tɔ́ pɔ́.
Ŋkɔ̂ɔnɛ lɑ́, ɛ́ pɔ́ŋ ŋɡɔ pʉɔ pinɛ pɔ́p Jẅidɛ̂ ŋ́kʉɔ ńdɔk wɛ́ mɛŋkɔ́Ꞌ ŋ́ɡʉ ńdʉɔmɛ, pʉɔ pinɛ pɔ́p tsɛt tʉ́sɔŋ-Yɛlúsɑlɛm fú zúꞋu ńcẅɛt, pʉɔ pinɛ pɔ́p tɛt pɑ́ɑ nɛpɛn ḿbɛn nzʉʉ nɛ́ tʉ́sɔŋ.
Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.
A jʉ́ɔ pɑyúdɑ pi pɔ́p sẅiŋɛnɛ Ŋɡɛlɛ́k, pɔ́p pɛ́pɔ́p zɔŋ nu nǔu nu-Yɛ́su zɔŋnɛ tɛ ŋ́ɡɔ́ ḿmɛkŋɛ pɔ́p tsʉ́Ꞌ ńdɔɔ pɔ shʉ́ nɛjẅí wɛ́.
Mɔ pɑ́Ꞌɑ mbɔ m bɔɔ ɡɛ yúu nǔu ntɛ́ yi mɔ sɛ́ ńjí pɔ́ kíi? Ŋ kɑ́ pɔ́ ŋɡɑŋntúu-Yɛ́su pɔ́ ɔɔ? Mɔ ŋkɑɑ jʉ́ɔ yɑ́ɑ Tsɑpʉɔ wɛkŋɛ Yɛ́su pɔ́ ɔɔ? Pʉʉ ŋkɑɑ ɡɔ́ ńjí Tsɑpʉɔ, ɛ́fú pɔ nǔu fɑꞋ yi ɛ fɑꞋnɛ mbɔ̌ wɛ́ pɔ́ ɔɔ?
