ŊwɑꞋnɛ-Gɑŋntúu Yɛ́su Kɛlístɔ 22:1 - Kɑɑ Fí

¹ «Pɔ́ɔpɛ́mɑ́ pɑ́ɑ, pɛtɑ́t pɑ́ɑ, pʉʉ zẅíꞋlɛ. Ŋ ɡʉ ḿbɛ́ɛtɛ ntsu wɑ́ɑ.»

ŊwɑꞋnɛ-Gɑŋntúu Yɛ́su Kɛlístɔ 22:1 교차 참조

Lúkɑ́shi 12:11

«Pʉʉ jí ŋɡɔ, yɛcɔ́ ŋkɑ́ ɡʉ ŋ́ɡɛ kuꞋ, pɛ́ ɡẅɛɛ wʉ́ʉ, ŋ́ɡʉ ŋ́ŋɑk wʉ́ʉ kɛ pɔ ndɑ́-cúꞋlɛ-Pɑyúdɑ ɔ́ɔ, kɛ pɔ mbi pɛfɔɔ ɔ́ɔ, kɛ pɔ mbi pɑsɑ́Ꞌ lɑ́Ꞌ ɔ́ɔ. Pɛ́ lɑɑ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡɛ ńtɔ́ zúꞋu ńcú ŋɡɔ kʉ̈ɔ́? Ńzɔŋ tú yʉ́ʉ ŋɡɔ ku ɔ́ɔ?

Lúkɑ́shi 21:14

Kɔɔ pʉʉ zɑ́Ꞌ njí ḿmʉk ŋɡɔ pʉʉ ɡʉ ńdɑ́Ꞌ ŋ́kúu zʉꞋ-fɛꞋ mɛfɛꞋ ńzɔŋ tú yʉ́ʉ ŋɡɔ ku ɔ́ɔ?

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 19:33

Pɛcɔ́ pʉɔ fú tsɛtsɛt lɑ́Ꞌ, ŋ́kyɛ́Ꞌtɛ yúu mi ɛ́ lɛɛnɛ, ɛ́sẅíi wɛcɔ́ ŋu pɛ́ fúŋnɛ ŋɡɔ Lɑksɑ́ndɑ ẅi pɑyúdɑ lɑ́Ꞌnɛ ńtsʉ́ʉnɛ wɛ́ ńtík mbi. A kúu zúꞋu, ŋ́kɑꞋ pɔ́ yɛ́ ŋ́ɡɑ́ tʉ́, nɛlɔk ɛ́sẅíi lɑ́Ꞌ ŋɡɔ ɑ ɡẅɛɛ nu yi ɑ ɡʉ ńcú.

ŊwɑꞋnɛ-Gɑŋntúu Yɛ́su Kɛlístɔ 23:1

Pɔ̂l niitɛ ńtík mík mɛ́ nǔu pɑsɑ́Ꞌlɑ́Ꞌ ńcú ŋɡɔ: «Pɔ́ɔpɛ́mɑ́ pɑ́ɑ, n dɔ ńjúk ḿbɔ́ pɔ mbi Sɛ́ nɛ́ tʉ́m lɛ́ɛnɛ́nɛ tɛ ŋ́kúu lɔ́Ꞌnɛ. Yɛcɔ́ yúu kɑ́ pɔ́ tsɛt tʉ́m mɔ ḿbɔ́ ŋ́ɡɑ́ɑnɛ wɑ́ɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 24:10

Ŋɡɔ́mnɑɑ Fɛlɛshi lɔk yɛcɔ́ ntɛ́ ńcú ŋɡɔ Pɔ̂l cú nu. Pɔ̂l cú ŋɡɔ: «Ɛ́ ŋkɔ̂ɔnɛ ḿbɔ́ mɛŋɡuꞋ tɛ ńzɑ́ɑ pɑ́Ꞌ ɔ sɛ́ ɛ́sɑ́Ꞌ lɑ́Ꞌ yɔ. Ɛ́ lɛɛ pɔ́Ꞌɔ, lɑ́ ḿbɔ́ yi n dɑɑ ńtʉ́ʉ mbi ɡu ḿbɔ́ ŋ́ɡʉ ńzɔŋ tú yɑ́ɑ, m bɔɔ pɔ́k.

ŊwɑꞋnɛ-Gɑŋntúu Yɛ́su Kɛlístɔ 25:16

Lɑ́ n tsɔ́Ꞌ mbɔ̌ pɔ́p ŋɡɔ pɛk pʉɔ-Lɔ́mɑ kɑ́ ɡẅɛɛ mɑt nɛzɑ́Ꞌ ntsɑŋ-ŋu lɑ ŋ́ŋɑk wɛ́ pɔ́. Ɛ́ píkŋɛ ŋɡɔ ŋu ẅí pɛ́ fɛnnɛ wɛ́ pɔ́p pʉɔ pi pɔ́p fɛnnɛ wɛ́ puutɛ sɛ́. Ŋu ẅí pɛ́ fɛnnɛ wɛ́ pɛ́ɛtɛ ntsu wɛ́.

ŊwɑꞋnɛ-Gɑŋntúu Yɛ́su Kɛlístɔ 25:8

Pɔ̂l pɔ́nɛ ńcú ŋɡɔ: «Mɔ ŋkɑɑ nu kɛpɔŋ ɡɛ. Mɔ ŋkɑɑ nɛpʉ́ʉ-pɑyúdɑ fɑɑnɛ. Mɔ ŋkɑɑ níꞋ lɔ́Ꞌ nǔu ZʉꞋ-nɔŋpɔꞋ pɔ́, ŋ́kɛ́ mbɔɔ sẅiŋɛ kɛpɔŋ nǔu Kɑ́sɑ-Pɑlɔ́mɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 26:24

Pɔ̂l pɔ́ ḿbɛ́ɛtɛ ntsu wɛ́ pɔ́Ꞌɔ, ŋɡɔ́mnɑɑ Fɛstus cẅɛ́ɛ sẅiŋɛ ŋ́kɑꞋ ŋɡi yɛ ńcú ŋɡɔ: «Pɔ̂l, ɔ pɑ́lɛ. Ɔ kɑ́ pûu, ńzíꞋ yúu zíꞋnɛ tɛ ɛ́ pʉ́ʉpɛ tú yú.»

ŊwɑꞋnɛ-Gɑŋntúu Yɛ́su Kɛlístɔ 28:17

Pɛk kúu Lɔ́mɑ pɔ́Ꞌɔ, ɛ́ lɛɛ lɛ́Ꞌ pɛtɑ́t, Pɔ̂l fúŋ pɛkɛ́m-pɑyúdɑ pi pɔ́p tswɛ́nɛ Lɔ́mɑ ŋɡɔ pɔ́p tɔ́ zʉꞋ yi ɑ nɑ́ŋnɛ zúꞋu. Pɔ́p tɔ́ tɛ ńnɑ́ŋ sɛ́, ɑ cú mbɔ̌ pɔ́p ŋɡɔ: «Pɔ́ɔpɛ́mɑ́ pɑ́ɑ, n tʉ́ʉ pɑ́Ꞌɑ, mbɔ mɔ ŋkɑɑ yɛcɔ́ nu mbɔ̌ pɑlɑ́Ꞌ pɛkŋɛ fɑɑnɛ, ḿbɛn ŋ́kɛ́ mbɔɔ yɛcɔ́ nu nǔu mɑt-pɛmɑɑŋɡɑpnjẅɛt pɛkŋɛ fɑɑnɛ. Lɑ́, ɛ́ pʉ̈ɔ́lɑɑ, mbɔ pɛ́ kɑ ɡẅɛɛ wɑ́ɑ tʉ́sɔŋ-Yɛlúsɑlɛm, ńníꞋ wɑ́ɑ mbɔ̌ Pɑlɔ́mɑ lɑɑ.

ŊwɑꞋnɛ-Gɑŋntúu Yɛ́su Kɛlístɔ 7:2

Ɛtiyɛ̂n pʉ̈ɔt ŋɡɔ: «Pɛtɑ́t pɑ́ɑ, pɔ́ɔpɛ́mɑ́ pɑ́ɑ, pʉʉ zúꞋ nu yi ŋ ɡʉ ńcú lɑɑ. Ɛ́ m̄bɔ́ ŋkɑ́ yi mɑ̂ɑŋɡɑpnjẅɛt wɛkŋɛ Ábɛlɛhɑ̂m kɑ pɛ́t Mɛzɔpɔtɑmîi, lɑ ŋ́ɡɛ ŋ́ɡʉ ńnɑ́ŋ Hɑlɑŋ, Sɛ́ ẅi ɑ ɡẅɛɛnɛ vuvuk nyɛt mbʉʉ yɛ mbɔ̌ wɛ́,

Pʉɔ-Lɔ́mɑ 2:15

Pɔ́p lɔk pɔ́Ꞌɔ, ńnyɛt ŋɡɔ mɛfɑꞋ mi nɛpʉ́ʉ sɛ́ ḿbíkŋɛ ŋɡɔ pɛ́ fɑꞋ, Sɛ́ kɑ ŋwɑꞋnɛ tsɛt tʉ́m pɔ́p, tɛ mbʉʉ yɔp pɔ́ ḿbɛ́m ŋɡɔ ɛ́ nu nɛ́nẅín. Kwɑŋɛ yɔ́p ɡʉ ŋkɑ́ yi ɛ́ ɡʉ ŋ́ŋɑk wɔ́p, ńdɔk pɔ mɛfɑꞋ ɛ̂mɑ́ ŋ́ŋɑk wɔ́p, ŋ́ɡʉ ŋkɑ́ yi ɛ́ ḿbɛꞋ mɛlɑꞋ mɔ́p ḿbɛn ŋ́ɡɛ pɔ pɔ́Ꞌɔ.

1 Kɔlɛ̂ŋtɛ 9:3

Pʉʉ zúꞋ nu yi ŋ ɡʉ ńcú nɛlɔk ńcẅɛ́ɛ tú yɑ́ɑ mbɔ̌ pʉɔ pi pɔ́p tɔ́nɛ lɔ́Ꞌ nǔu yɔ ntɛ́ nɛlɔk ɛ́fɑꞋ.

2 Kɔlɛ̂ŋtɛ 12:19

Líkcɔ́, mbɔ pʉʉ ńdɑ́Ꞌmɔ́ ńzɛ nɛkwɑŋɛ ŋɡɔ pɛk sɛ́ ńdɔɔ nɛzɔŋ tú yɛ́k mbɔ̌ pʉʉ. Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Pɛk ɡɔ́ ńcú nu, ɛ́ pɔ́ pɔ nǔu ntɛ́ yi Kɛlístɔ sɛ́ ŋ́kɔŋ, pɛk pɛn ńtʉ́ʉ pɔ mbi Sɛ́ lɑ ńcú. Pɔ́ɔpɛ́mɑ́ pɑ́ɑ pɛ́ tʉʉndɛn, pɛk ɡɔ́ ńcú pɔ́Ꞌɔ, ɛ́ pɔ́ pɔ nɛlɔk ŋ́ɡɛ, pʉʉ kẅiꞋ ńzɑ́p tʉ́m yʉ́ʉ nǔu Sɛ́.

2 Kɔlɛ̂ŋtɛ 7:11

Pʉʉ líŋɛ pɔ yúu mi yîyɑ́ ntɛ́ nɛmʉk, nǔu ntɛ́ yi Sɛ́ sɛ́ ŋ́kɔŋ, ɛ́ kɑ ɡɛ nǔu pʉʉ lɑ́ ńjʉ́ɔ. Jʉ́ɔ wʉ́ʉ nɛɡwɛtnɛ ŋkɑ́ yi nu sɛ́. Jʉ́ɔ wʉ́ʉ nɛlɔ́ɔ ŋɡɔ pɛ́ likŋɛ mɛfɑɑnɛ mʉ́ʉ ŋ́ɡɑ́ mbɔ̌ pʉʉ. Jʉ́ɔ wʉ́ʉ nɛmʉk nu yɑ́ɑ. Jʉ́ɔ wʉ́ʉ nɛpɔ́k nu. Jʉ́ɔ wʉ́ʉ nɛtsɑ́ɑ nɛjʉ́ɔ wɑ́ɑ. Jʉ́ɔ wʉ́ʉ nɛzɑŋɛ mbʉʉ. Jʉ́ɔ wʉ́ʉ nɛzɑ́p ŋɡʉ̈ɔ́Ꞌ tú-ŋu ẅí ɑ fɑɑnɛ nu. Pʉʉ kɑ lɔk mɛshʉ́ tsʉʉ ńdɛꞋlɛ ŋɡɔ pʉʉ ŋkɑɑ pɛn ḿbɔ́ ńjí yɛcɔ́ nu nǔu yɔ nu pɔ́.

Filipɛ 1:17

Lɑ́ pʉɔ pi pɔ́p sẅíinɛ nu-Kɛlístɔ pɔ nɛlɔk ńdʉŋtɛ ntí, kwɑŋɛ yɔ́p kɑ́ pɔŋ, kwɑŋɛ yɔ́p pɔ nɛlɔk ŋ́kẅiꞋ mɛnu nǔu ŋɡʉ̈ɔ́Ꞌ yi mɔ sɛ́ ńjʉ́ɔ ndɑ́tsɑ́ŋ lɑɑ.

Filipɛ 1:7

Ŋ ɡẅɛɛ nɛpɔ́ ŋ́kwɑŋɛ pɔ pɔ́Ꞌɔ nǔu pʉʉ, mbíꞋŋɡɔ n tsuŋ ŋ́kɔŋ wʉ́ʉ tɛ ḿmik tʉ́m yɑ́ɑ. MbíꞋŋɡɔ pʉʉ pɛtsʉʉ ɡẅɛɛ mbɔ́tnɛ nǔu yúu mi Sɛ́ kɑ lɔknɛ ŋ́ɡɑ́ fuꞋ yɑ́ɑ pɔ nɛ́ pɔŋtʉ́m yɛ́, tɛ mbɑ pɑ́Ꞌ mɔ ŋkɔ̂ɔnɛ ḿbɔ́ ndɑ́tsɑ́ŋ lɑɑ, mbɑ ŋkɑ́ yi mɔ sɛ́ ńnyɛt ŋɡɔ Ŋkʉʉ Sʉ́Ꞌnɛ ɛ́ nɛ́nẅín, mbɑ ŋkɑ́ yi mɔ sɛ́ ŋ́ɡɛ pʉɔ niitɛ ḿbɛ́m.

2 Timɔtɛ́ɛ 4:16

Ɛ́ ɡʉ nǔu nu yɑ́ɑ, mbɔ ŋ kɑ pɔ́ nduŋmbi ŋkɑ́ yi ŋ kɑ ɡʉnɛ zʉꞋ-ntsɑŋ zɔŋ tú yɑ́ɑ. Pʉɔ tsʉʉ ḿmɛꞋ wɑ́ɑ, n cẅɛt zɛ́nɛ mɔ. Sɛ́ likŋɛ yîyɑ́ nu ŋ́ɡɑ́ mbɔ̌ pɔ́p!

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.