ŊwɑꞋnɛ-Gɑŋntúu Yɛ́su Kɛlístɔ 21:24 - Kɑɑ Fí

²⁴ Lɔk wɔ́p ŋ́ɡʉ, pʉʉ pɛpɔ́p ḿbʉʉtɛ mbʉʉ yʉʉ mbi Sɛ́. Gu ńzɛɛnɛ ŋ́kɛ́ ŋ́ɡɑ́ yɔ́p ŋkɑ́p yi pɔ́p ɡẅɛɛ nɛɡɑ́ nǔu, ńjí ŋɡɔ pɔ́p ɡʉ ŋ́kɔ́ɔ tú yɔ́p. Ɔ lɑɑ ŋ́ɡɛ pɔ́Ꞌɔ, mbɔ pʉɔ pɛtsʉʉ ɡʉ ńjʉ́ɔ ŋɡɔ nu yi pɛ́ pɛ́ɛtɛ́nɛ nǔu ɡu ɛ́ kɑ́ pɔ́ nu pɔ́, ńjí ŋɡɔ ɔ kɛ́ ŋ́kúꞋlɛ nɛpʉ́ʉ-Mɔ̌sɛ̂ɛ kúꞋlɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 21:24 교차 참조

Jɑ̂ŋ 11:55

Ndíinɑ-Pɑ́skɑ-pɑyúdɑ kɑ pɔ́ ńtɔ́, nɛzɑ́ɑ pɑyúdɑ pɔ́ ɛ́fú tsɛt lɑ́Ꞌ ńzɑ́Ꞌ njí ḿbiitɛ Yɛlúsɑlɛm, nɛpʉʉtɛ mbʉʉ yɔp.

Jɑ̂ŋ 3:25

Yɛcɔ́ lɛ́Ꞌ, ŋu-pɑyúdɑ pɔ́p wɛcɔ́ ɡɑŋku-Jɑ̂ŋ nɑ́ŋ tɛ ńzɛ nɛzɔŋ nu nǔu nu nɛpʉʉtɛ mbʉʉ lɑ ŋ́ɡúꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 18:18

Pɔ̂l nɑ́Ꞌ ḿbɛn ńzɛ ńnɑ́ŋ Kɔlɛ̂ŋntɛ. Lɑ́ ńdɛɛmɛ pɔ́ɔpɛ́mɑ́, ŋ́ɡʉ Sɛnkɛ́lɛ́ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ. Pɔ̂l pɔ́p Pɛlɛsîl ŋ́ɡɛ Akilɑs ɡʉnɛ. Pɔ̂l ɡɔ́ ŋ́kúu kɑnúꞋ, ŋ́kɔ́ɔ tú yɛ́ ńdɔk ńcú ŋɡɔ ɑ ɡɛ yúu mi ɑ kɑ kɑꞋnɛ mbɔ̌ Sɛ́ tɛ ńdẅiklɛ.

ŊwɑꞋnɛ-Gɑŋntúu Yɛ́su Kɛlístɔ 21:26

Ńcú pɔ́Ꞌɔ, Pɔ̂l ɡɔ́ɔ ŋ́kɛ́ ńdɔk pʉɔ pɑ́ pɛ́nɛ́kwɑ ŋ́ɡʉ. Njí kiɛ, pɔ́p pʉʉtɛ mbʉʉ yɔp mbi Sɛ́ tɛ ḿbɔ́tnɛ ńnɑ́ŋ, ŋ́ɡʉ tsɛt ZʉꞋ-nɔŋpɔꞋ mbi ndɑ́-Sɛ́, ŋ́kúu zúꞋu ńcú lɛ́Ꞌ yi nɛsuk lɔ́Ꞌ ɡʉ ńdɑ́Ꞌ ḿmɛ. Lɛ́Ꞌ ɛ̂yɑ́ pɔ́ yi pɛ́ ɡʉ ńnɔŋ pɔꞋ ntɛ́ tú mbɑ wɔ̌ lɑ́ tsɛtsɛt pɔ́p.

ŊwɑꞋnɛ-Gɑŋntúu Yɛ́su Kɛlístɔ 24:18

Pɔ́Ꞌɔ, ŋ kɑ pɔ́ tsɛt ZʉꞋ-nɔŋpɔꞋ, lɑ pɔ́p tɔ́ zúꞋu ńjʉ́ɔ wɑ́ɑ, ŋ́ɡɔ ḿbɔ́, mbɔ ŋ kɛ́ ɛ́fú nɛɡɛ yúu mi mɔ ńdɔk suk pʉ nǔu mɔ. Lɑ́Ꞌ ŋkɑɑ pɔ́ zúꞋu pɔ́. Yɛcɔ́ ntɑkŋɛ pɛn ŋ́kɛ́ ḿbɔɔ ńcẅɛt.

1 Kɔlɛ̂ŋtɛ 9:20

Mɔ ŋkɑ́ yi mɔ sɛ́ ɛ́fɑꞋ tsɛtsɛt pɑyúdɑ, n nɑ́ŋ pɑ́Ꞌ ŋu-Yúdɑ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɑyúdɑ tsʉ́Ꞌ pʉɔ-Kɛlístɔ. Ḿbɔ́ ŋkɑ́ yi mɔ tsɛtsɛt pʉɔ pi nɛpʉ́ʉ-Mɔ̌sɛ̂ɛ sɛ́ ɛ́sɑ́Ꞌ wɔ́p, n nɑ́ŋ pɑ́Ꞌ ŋu ẅí nɛpʉ́ʉ sɛ́ ɛ́sɑ́Ꞌ wɛ́ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ pi nɛpʉ́ʉ sɛ́ ɛ́sɑ́Ꞌ wɔ́p tsʉ́Ꞌ pʉɔ-Kɛlístɔ, ńnɑ́ŋ pɔ́Ꞌɔ, lɑ́ nɛpʉ́ʉ-Mɔ̌sɛ̂ɛ kɛ́ mbɔɔ ɛ́sɑ́Ꞌ wɑ́ɑ pɔ́.

Ŋɡɑlɑ̂t 2:12

Yîyɑ́ nu pɔ́ pɑ́Ꞌ, pʉɔ pi Jɑ̂k kɑ túunɛ, kɑ ɡɔ́ ńtɔ́, Pyɛ̂ pɔ́p pʉɔ-Kɛlístɔ pi pɔ́p kɑ́ pɔ́ pɑyúdɑ pɔ́, pɔ́ ńtɛmtɛ ńjʉ́ yúu. Pîpɑ́ pʉɔ pɔ́ tɛ ńtɔ́ ɑ lɔk pɔ ndɑ̌ɑ ndɑɑ ńcẅɛt tsɛtsɛt pɔ́p, pɔ́p pɛpɔ́p pɔɔ kii ńtɛmtɛ yúu pɔ́, mbíꞋŋɡɔ ɑ kɑ pɔ́ ḿbɔ́k nu yi pʉɔ pi pɔ́p kẅíitɛ́nɛ nu-nɛpúꞋ pʉɔ ɡʉ ńcú nǔu wɛ́.