ŊwɑꞋnɛ-Gɑŋntúu Yɛ́su Kɛlístɔ 21:22 - Kɑɑ Fí

²² Ɔ pɑ́Ꞌɑ ŋ́ɡɛ ŋɡɔ́ku? Pɔ́p kɛ́ jí ŋɡɔ ɔ tɔ́ tɛ ḿbɔ́ zɑꞋnɛ pɔ́ ɔɔ?

ŊwɑꞋnɛ-Gɑŋntúu Yɛ́su Kɛlístɔ 21:22 교차 참조

ŊwɑꞋnɛ-Gɑŋntúu Yɛ́su Kɛlístɔ 15:12

Pyɛ̂ cú tɛ ḿbɔ́tnɛ ńnɑ́ŋ, pʉɔ tsʉʉ nɑ́Ꞌ. Pɛ́ tsʉ́Ꞌ ńzẅíꞋlɛ pɔ nu yi Pɑnɛpɑ́ɑshi pɔ́p Pɔ̂l cúnɛ. Pɔ́p pɔ́ ḿbɛ́ɛtɛ mɛnu mɑ̌ɑmɑɑnɛ pɔ́p mɛŋkʉꞋnɛ mɛnu mi Sɛ́ kɑ lɔknɛ wɔ́p ŋ́ɡɛ, tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 19:32

Ɛ́ ɡɔ́ ḿbɔ́ ŋkɑ́ ɛ̂yɑ́, mbɔ zʉꞋ tɑ́kŋɛ. Pɔnɛ pʉɔ pɔ́ zɑꞋnɛ ŋ́ɡíɛt nɛ yɔp ŋɡi, pɛcɔ́ pɔ́ zíꞋnɛ ŋ́ɡíɛt nɛ yɔp ɛ́ pɔ́ pɔ ndɛꞋ. Nɛzɑ́ɑ pʉɔ pɔɔ ńjí yúu mi pɛ́ zɛɛ ńcúꞋlɛ ntɛ́ yɛ́tɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 21:21

Lɑ́ pɔ́p kɑ pɔ́ ńzúꞋ pɛ́ cú nǔu ɡu ŋɡɔ. Ɔ sɛ́ ńzíꞋ mbɔ̌ pɑyúdɑ pi pɔ́p túu nɛ́ túu ŋɡɔ pɔ́p mɛꞋ nɛpʉ́ʉ-Mɔ̌sɛ̂ɛ. Ŋɡɔ ɔ sɛ́ ńcú ŋɡɔ kɔɔ pɔ́p pɛn ḿbúꞋ mbɔ́ŋkʉ̈ɔ́ pɔ́p. Ŋɡɔ ɔ sɛ́ ńtɔꞋ wɔ́p nɛpɛn ńnɛn nǔu pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ.

ŊwɑꞋnɛ-Gɑŋntúu Yɛ́su Kɛlístɔ 21:23

Ɛ́ yɛ́tɛ́, ɛ́ pɔŋ ɔ ɡɛ yúu mi pɛk ɡʉ ńcú mbɔ̌ wu. Pʉɔ zɑꞋnɛ pɛ́nɛ́kwɑ pi pɔ́p kɑ kɑꞋnɛ nu mbɔ̌ Sɛ́.

1 Kɔlɛ̂ŋtɛ 14:15

Tɛ ɛ́ pɔ́Ꞌɔ, pɑ́Ꞌɑ ḿbɔ́ ŋ ɡɛ ŋɡɔ́ku? N jʉ́ɔ ŋɡɔ ŋ ɡʉ ńcɛꞋlɛ Sɛ́ nǔu ntɛ́ yi Zẅikŋɛ-Sɛ́ ńtsʉ́ʉnɛ́nɛ wɑ́ɑ ŋɡɔ n cɛꞋlɛ pɔ́Ꞌɔ, lɑ́ ḿbɛn ńcɛꞋlɛ nǔu ntɛ́ yi ḿbɔ́ ŋu zúꞋ nu yi n cúnɛ. Ŋ ɡʉ ńzɔp ŋki nǔu ntɛ́ yi Zẅikŋɛ Sɛ́ ńtsʉ́ʉnɛnɛ wɑ́ɑ ŋɡɔ n zɔp pɔ́Ꞌɔ, lɑ́ ḿbɛn ńzɔp nǔu ntɛ́ yi mbɔ ŋu zúꞋ yúu mi zɔp cúnɛ,