34 Pʉʉ sɛ́ ńjí yʉ́ʉ ŋɡɔ ŋ kɑ lɔk pɔ mbɔ́ mɑ́ɑ mɔ, ɛ́fɑꞋ fɑꞋ tɛ ŋ́ɡẅɛɛ yɑ́ɑ yúu tɛ mbɑ pʉɔ pinɛ pɛk pɛpɔ́p nɛnnɛ ɡẅɛɛ yɔ́p yúu ɡúu.
Pɑ́Ꞌ pɔ́p pɛ́ pɔ́p kɑ pɔ́ ɛ́fɑꞋ pɔ tɑ́Ꞌ ntɛ́ fɑꞋ, ɛ́ pɔ́ ńniitɛ mɛntɑp lɑ́, Pɔ̂l tsʉ́Ꞌ ńtswɛ́ pɔ njɛ́Ꞌ pɔ́p, pɔ́p pɛ́ pɔ́p tɛmtɛ ɛ́fɑꞋ.
Ŋ́kwɑŋɛ pɔ́Ꞌɔ, ńzɑ́Ꞌ njí ńtúu Timɔtɛ̂ɛ pɔ́p Ɛlɑ̂stɛ Mɑsɛ́ndwɑn, pɔ́p pɔ́ pʉɔ pinɛ pɔ́p cẅɛ́lɛ́nɛ wɛ́. Lɑ́ kwɑꞋ jʉ́ nɛ́ tú yɛ́ pɛn ńnɑ́Ꞌ ńzɛɛ ńnɑ́ŋ tsɛt pɑk-ŋɡɔŋ-Azîi.
Tʉ́sɔŋ tsʉʉ tsʉʉ tɑ́kŋɛ. Lɑ́Ꞌ ɡẅɛɛ Ŋɡɑẅîs pɔ́p Alistɑk, pɔ́p pɔ́ pʉɔ-Mɑsɛ́ndwɑn pi pɔ́p Pɔ̂l kɑ pɔ́ ńnɛn, ɛ́shuŋ wɔ́p ńdɔk ŋ́ɡʉ nɛ́ ndǔ yɛcɔ́ ntɛ́ zɑ́n yi pɛ́ cúꞋlɛ́nɛ zúꞋu, ŋ́ɡɛ mɛɡɑɑ.
Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»
KwɑꞋ pɛk lɔk mbɔ́ mɛ́k ɛ́fɑꞋ fɑꞋ tɛ ńziꞋnɛ lɑ ŋ́ɡẅɛɛ yɛ́k yúu. Pɛ́ zɔɔtɛ wɛ́k lɑ́ pɛk tsɑ́ɑ pɔ nu sʉ́Ꞌnɛ nǔu pʉɔ. Pɛ́ kʉʉnɛ wɛ́k pɛk pɔɔ zɔŋ.
Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.
Pʉɔ-Kɛlístɔ tsʉʉ pi pɛk pɛpɔ́p pɔ́nɛ, sɛ́ cɛꞋlɛ wú. CɛꞋlɛ pʉɔ-Kɛlístɔ pi pɔ́p kɔŋnɛ wûu, mbíꞌŋɡɔ pɛkŋɛ pɛpɔ́p tɛmtɛ ńzɑ́p tʉ́m nǔu Yɛ́su Kɛlístɔ. Ŋɡɔ mbɔ́tnɛ-Sɛ́ pɔ́ nɛ́ pʉʉ pɛtsʉʉ.
