ŊwɑꞋnɛ-Gɑŋntúu Yɛ́su Kɛlístɔ 20:28 - Kɑɑ Fí

²⁸ Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 20:28 교차 참조

Mɑtʉ̈ɔ 16:18

Ŋ ɡʉ ŋ́kɛ́ ḿbɛn ɛ́sẅíi wú, kwɑꞋ nɛ́nẅín, ŋɡɔ: «Ɔ Pyɛ̂, ńdɔk ńcú ŋɡɔ ŋɡɔꞋ, ŋ ɡʉ ŋ́ɡɛ ńtík cúꞋlɛ-pʉɔ pɑ́ɑ ndǔ ŋɡɔꞋ ɛ̂yɑ́. Tɛ mbɑ nɛvú pɔɔ lɑ́Ꞌ ŋ́kuꞋ nɛnʉꞋnɛ yîyɑ́ cúꞋlɛ pɔ́.

Mɑtʉ̈ɔ 2:6

“Ɛ́ ɡʉ nǔu ɡu Mbɛ́tɛlɛhɛ̂m, tsɛt pɑk-ŋɡɔŋ-Judɛ̂, ɔ kɑ́ pɔ́ tsɛtsɛt mɛtʉ́sɔŋ-pɑyúdɑ ŋ́ɡɔ́ɔ ḿbɔ́ pɔ ndẅiknzʉʉ pɔ́, mbíꞌŋɡɔ fɔɔ ẅí ɑ ɡʉ ńdɑ́Ꞌ ɛ́sɑ́Ꞌ pʉɔ pɑ́ɑ pɑíslɑyɛ̂l ɡʉ ńdɑ́Ꞌ ńcẅɛt pɔ tsɛtsɛt pʉʉ.”»

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Lúkɑ́shi 12:32

Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

ŊwɑꞋnɛ-Gɑŋntúu Yɛ́su Kɛlístɔ 13:2

Yɛcɔ́ lɛ́Ꞌ, pɔ́p kɔŋ kɔŋnɛ ńnɑ́ŋ njí ńcɛꞋlɛ Sɛ́. Zẅikŋɛ Lɛ́ɛnɛ́nɛ cú mbɔ̌ pɔ́p ŋɡɔ: «Pʉʉ ɛ́fɑk Pɑnɛpɑ́ɑshi pɔ́p Sɔ̂l, ńnɑ́ wɔ́p, pɔ́p fɑꞋ fɑꞋ yí ŋ kɑ tsɔ́Ꞌnɛ wɔ́p ntɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 14:23

Tsɛt mɛtʉ́sɔŋ mɔ, zʉꞋ cúlɛ-pʉɔ-Kɛlístɔ zúꞋu pɔ́p tsɔ́Ꞌ pʉɔ pí pɔ́p ɡʉ ńcẅɛ́ɛ mbi tsɛt yîyɑ́ cúlɛ-pʉɔ-Kɛlístɔ. Tɛ ɛ́ kuꞋ, pɔ́p kɔŋ kɔŋnɛ, ńdʉꞋ yúu pɛjʉ́, ńcɛꞋlɛ Tsɑpʉɔ Sɛ́, ŋ́ɡɔ́ɔ ŋ́kɛ́ fɛ́ɛ wɔ́p mbɔ̌ Tsɑpʉɔ ẅi pɔ́p pɛ́mnɛ nu yɛ́.

ŊwɑꞋnɛ-Gɑŋntúu Yɛ́su Kɛlístɔ 20:17

Pɔ̂l kúu Milɛt, ńtúu pɛ́ ɡʉ ɛ́fúŋ pʉɔ pi pɔ́p cẅɛ́ɛnɛ mbi tsɛt cúlɛ-pʉɔ-Kɛlístɔ yi Ɛ́fɛ̂zɛ.

ŊwɑꞋnɛ-Gɑŋntúu Yɛ́su Kɛlístɔ 20:29

N jí ŋɡɔ ŋ ɡʉ ḿbɔ́ tɛ ŋ́ɡʉ, mɛnɑɑŋɡwɛ kúu tsɛtsɛt pʉʉ ńzɑ́p nu.

Pʉɔ-Lɔ́mɑ 16:16

Pʉʉ cɛꞋlɛ mɛmbʉʉ mʉ́ʉ, ńtsʉ́Ꞌ nɛcɛꞋlɛ, ńniitɛ mɛmbʉʉ mʉ́ʉ nǔu ntɛ́ yɛ́ pʉɔ-Sɛ́. MɛcúꞋlɛ-pʉɔ-Kɛlístɔ tsʉʉ nǔu wɔ shʉ́ cɛꞋlɛ wʉ́ʉ.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Kɔlɛ̂ŋtɛ 11:22

Pʉʉ kɑ́ ɡẅɛɛ mɛndɑ́ mʉ́ʉ nɛnɑ́ŋ zúꞋu ŋ́kwɛ́t ḿbɛn ńnɔ́ pɔ́ kii? Kɛ pʉʉ kɔŋ pɔ nɛlɔk sʉ́ʉ ŋ́kɔ́ pʉɔ pi pɔ́p kɑ́ ɡẅɛɛ yúupɛ́jʉ́ pɔ́, ńdɔk pɔ́Ꞌɔ ŋ́ɡwɑ́k cúꞋlɛ-pʉɔ-Kɛlístɔ? Pʉʉ lɔɔ ŋɡɔ n cú mbɔ̌ pʉʉ ŋɡɔ kʉ̈ɔ́? Ŋɡɔ ŋ ɡɑ́ pɑ́Ꞌlɑ́ mbɔ̌ pʉʉ? Ŋɡɑ́ŋ! KwɑꞋ nɛ́nẅín, m bɔ́ mbɔɔ ɡɑ́ pɑ́Ꞌlɑ́ mbɔ̌ pʉʉ pɔ́.

1 Kɔlɛ̂ŋtɛ 15:9

mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.

1 Kɔlɛ̂ŋtɛ 6:20

Sɛ́ kɑ ɡɑ́nɛ yúu ńdɔk ɛ́fú ndɑ́-kwɑɑ ńtsúꞋ wʉ́ʉ. Pʉʉ kɛ́ ńdɔk pɔ mbʉʉ yʉʉ ŋ́ɡɑ́ mɛkuꞋ mbɔ̌ Sɛ́.

Ŋɡɑlɑ̂t 1:13

KwɑꞋ pʉʉ kɑ zɛɛ ńzúꞋ pɑ́Ꞌ ŋ kɑ pɔ́ ŋ́ɡɛ pɔ́Ꞌɔ, ŋkɑ́ yi ŋ kɑ pɛ́t ḿbɔ́ ŋ́ɡúꞋlɛ Sɛ́ nǔu ntɛ́ yɛ́ pɑyúdɑ. Pʉʉ sɛ́ ńjí ntɛ́ yi ŋ kɑ pɔ́ ńdɔk ɛ́sɑ́Ꞌ tʉʉ ńtsɔ́Ꞌ ku-cúꞋlɛ-pʉɔ-zẅikŋɛ kɛpɔŋ ḿbɛn ńdɔɔ nɛpík wɔ́p pɔ́Ꞌɔ.

Ɛ́fɛ̂zɛ 1:14

Zẅikŋɛ Lɛ́ɛnɛ́nɛ lɔk ḿbɔ́ zɛsɛ́ nǔu fuꞋ yi Sɛ́ kɑ niitɛ ńzɑ́p nɛɡɑ́ mbɔ̌ pʉɔ pɛ́. Sɛ́ lɔk ńniitɛ ɛ́sẅíi wɛkŋɛ ŋɡɔ pɛkŋɛ ɡʉ ńdɑ́Ꞌ ŋ́ɡẅɛɛ mɛcɔ́ nǔu ŋkɑ́ yi ɑ ɡʉ ńdɑ́Ꞌ ńtɛmtɛ ńcẅɛɛtɛ wɛkŋɛ nǔu nu kɛpɔŋ. Pɑ́Ꞌ ɛ́ pɔ́Ꞌɔ lɑ́, pɛkŋɛ sɛ́ ŋ́ɡúꞋlɛ Sɛ́ mbíꞋŋɡɔ ɑ ɡúꞋ tɛꞋ.

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Kɔlɔsíyɛ̂ŋ 1:14

Jʉ́ mɔ́ɔ nɛ ɛ̂wɑ́ kɑ ɡɛnɛ Sɛ́ fú tsɛt nu kɛpɔŋ ńtsúꞋ wɛkŋɛ, ńdikŋɛ mɛfɑɑnɛ mɛkŋɛ, ŋ́ɡɑ́ mbɔ̌ pɛkŋɛ.

Kɔlɔsíyɛ̂ŋ 4:17

Pʉʉ cú mbɔ̌ Alɛshipɛ ŋɡɔ, kɔɔ ɑ lɔk fɑꞋ yi Tsɑpʉɔ kɑ ɡɑ́nɛ mbɔ̌ wɛ́ ŋ́ɡɛ mɛɡɑɑ, ŋɡɔ ɑ fɑꞋ sʉ́Ꞌnɛ.

1 Timɔtɛ́ɛ 3:1

Nu yi ŋ ɡʉ ńcú ɛ́ nɛ́nẅín. Ŋu lɑɑ ḿbɔ́ ńtsɑ́ɑ nɛpɔ́ ńdíŋɛ cúꞋlɛ-pʉɔ-Kɛlístɔ, mbɔ ɑ tsɑ́ɑ fɑꞋ yi ɛ́ ɡẅɛɛnɛ mɛkuꞋ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 3:5

Ŋu lɑɑ ńzɛɛ mbɔɔ jí nɛlíŋɛ njɛ́Ꞌ yɛ pɔ́, ɑ líŋɛ cúꞋlɛ-pʉɔ-Sɛ́ ŋɡɔ́ku?

1 Timɔtɛ́ɛ 4:14

Kɔɔ lɔk yúu mi Sɛ́ kɑ lɔknɛ ŋ́ɡɑ́ fuꞋ yú, ḿmɑꞋ kwɑŋɛ. Nɑ́ŋ ḿbɔ́ ŋ́kẅíitɛ pɑ́Ꞌ pɛ́ kɑ ɡɑ́nɛ yɔ fuꞋ mbɔ̌ ɡu ńdɛɛtɛ nǔu sẅiŋɛ-Sɛ́ yi ɛ́ fúnɛ mbɔ̌ pɛŋɡɛ́mndʉ̈ɔ́Ꞌ, mbɑ pɑ́Ꞌ pɑcẅɛ́ɛmbi tsɛt cúꞋlɛ-pʉɔ-Kɛlístɔ kɑ zɑ́pnɛ mbɔ́ mɔ́p tú ɡu.

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

1 Timɔtɛ́ɛ 5:17

Ɛ́ ɡʉ nǔu pʉɔ pi pɔ́p cẅɛ́ɛnɛ mbi nǔu cúꞋlɛ-pʉɔ-Kɛlístɔ, ḿbɔ́ ɛ́fɑꞋ sʉ́Ꞌnɛ, pɛ́ ɡɛ mɛkuꞋ mɔ́p, ŋ́ɡɑ́ tsɔ́ꞋfɑꞋ yi ɛ́ píkŋɛ́nɛ mbɔ̌ pɔ́p, ńtsuŋ ŋ́ɡɛ mɛ́ pʉɔ pi pɔ́p sẅíinɛ nu-Sɛ́ ḿbɛn ńzíꞋ pʉɔ nɛ́ yúu.

Tîtɛ 1:7

N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Ɛ́bɛlʉʉ 13:17

Pʉʉ zúꞋ ntsu-pʉɔ pi pɔ́p tsiinɛnɛ wʉ́ʉ. Pʉʉ ɡɑ́ mbʉʉ sɛ́ mbi pɔ́p, mbíꞋŋɡɔ pɔ́p sɛ́ ńdíŋɛ wʉ́ʉ ŋɡɔŋ ŋkɑ́ tsʉʉ, ḿbɔ́ ńjí ŋɡɔ pɔ́p ɡʉ ńdɑ́Ꞌ ńtʉ́ʉ mbi Sɛ́ ḿbɛ́ɛtɛ ntɛ́ yi pɔ́p kɑ lɔknɛ ɛ́fɑꞋ tsɛtsɛt pʉʉ. Pɔ́Ꞌɔ lɑ́, pʉʉ ɡɛ nǔu ntɛ́ yi pɔ́p ɡʉ ɛ́fɑꞋ fɑꞋ yɔ́p nɛ́ tsɑ́ɑtɛ, tɛ pɔ́p pɔɔ pɔ́ tsẅii tsẅiinɛ pɔ́, mbíꞋŋɡɔ ɛ́ lɑɑ ḿbɔ́ pɔ́Ꞌɔ, pʉʉ pɔɔ lúꞋnɛ.

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.