22 Mɔ ŋkɔ̂ɔnɛ ḿbɔ́ ŋ́ɡʉ nɛ́ Yɛlúsɑlɛm. Zẅikŋɛ-Sɛ́ kɛ nɛ́ ńtsʉ́ʉnɛ wɑ́ɑ ŋɡɔ ŋ ɡʉ zúꞋu. M bɛn ŋ́kɛ́ ḿbɔɔ ḿbɔ́ ńjí yúu mi ɛ́ ɡʉ ŋ́kúu zúꞋu, ŋ́ɡɛ wɑ́ɑ pɔ́.
Ɛ́ sɛ́ ḿbíkŋɛ ŋɡɔ pɛ́ ɡɛ ńnuꞋ wɑ́ɑ tsɛt ŋɡʉ̈ɔ́Ꞌ pɑ́Ꞌ pɛ́ nuꞋ ŋu ŋki lɑ́. Yîyɑ́ lɛ́Ꞌ lɑɑ ńdɑ́Ꞌ ḿbɛ́t kɛ́ lɛɛ, m bɔɔ sʉ́Ꞌnɛ zúꞋ!
Ŋkɑ́ yi Sɛ́ ɡɛ ńtíi Yɛ́su ńdɔk ḿbɛn nɛ́ tʉ́nɛ́pú ɡɛ ŋ́kuꞋ, Yɛ́su jʉ́ɔ ŋɡɔ ɛ́ zɑ́pmɛ pɑꞋ ɑ ɡɛ ŋ́ɡʉ Yɛlúsɑlɛm, ŋ́ɡɔ́ɔ ŋ́kɛ́ ńdɔ sɛ́ ńcʉ́ɔ sɛ̂ndúŋ kɛ́ pɔ́k,
Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.
Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»
Pɔ̂l ɡɔ́ ḿbɔ́ ńzẅíꞋlɛ wɔ́p Atɛ̂n, ḿbɔ́ ŋ́kɑ́t ńjʉ́ɔ yúu ntɛ́ ntɛ́ yi pʉɔ-tʉ́sɔŋ ɛ̂yɑ́ ɡúꞋlɛnɛ ŋɡɔ ɛ́ mɛsɛ́. Ɛ́ zɑ́ɑ pɑ́ꞋtɛꞋ, mbʉʉ yɛ citɛ.
Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»
Pɛk kɑ ɡɔ́ ńnɛn yɔ ntɛ́, tɛ ńdɛɛ mbʉʉ-tʉ́sɔŋ-Ɛ́fɛ̂zɛ lɛɛnɛ, ɛ́ pɔ́ ŋɡɔ Pɔ̂l kɑ zɑ́p ŋɡɔ ɑ kɛ́ ɡɛ ńjúk ńdɑ́ɑtɛ tsɛt pɑk-ŋɡɔŋ-Azîi pɔ́, ḿbɔ́ ŋ́ɡwɛtnɛ ńtsɑ́ɑ nɛpɔ́ Yɛlúsɑlɛm lɛ́Ꞌ-Pɑŋntɛkɔ̂t pɑ́Ꞌ ɑ lɑɑ ŋ́kuꞋ.
Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.
Pʉʉ pɔɔ jí pɑ́Ꞌ lɛ́Ꞌlɑ́Ꞌ zɔ́n ɡʉ ḿbɔ́ pɔ́Ꞌɔ, mbɔ̌ pʉʉ pɔ́, pʉʉ jí ŋɡɔ pʉʉ pɑ́Ꞌ zwɛ́t-nɛkʉŋ ní ɛ́ cẅɛtnɛ, ńtɔ́ nɛnɑ́ŋ ɛ́fɛ́.
MbíꞋŋɡɔ n jí ŋɡɔ, ŋkɑ́ yi mɔ ḿpfú tsʉ́Ꞌ ŋ́kuꞋ kuꞋnɛ. Tsɑpʉɔ wɛkŋɛ Yɛ́su Kɛlístɔ kɑ ɡɛnɛ n jí.
