ŊwɑꞋnɛ-Gɑŋntúu Yɛ́su Kɛlístɔ 20:19 - Kɑɑ Fí

¹⁹ Ŋ kɑ fɑꞋ fɑꞋ-Tsɑpʉɔ kɛ́ ŋɑ́Ꞌ mbʉʉ, ŋ́ɡɔ fɑꞋ ḿbɔ́ ńdɑɑ, ḿbɔ́ ńjʉ́ɔ ŋɡʉ̈ɔ́Ꞌ, mbíꞋŋɡɔ pɑyúdɑ kɑ pɔ́ ndɔɔ nɛjẅí wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 20:19 교차 참조

Lúkɑ́shi 19:41

Yɛ́su ɡʉ tɛ ḿbɔ́ ŋ́kúu Yɛlúsɑlɛm, ńdíŋɛ tʉ́sɔŋ ńzɛ nɛkíi,

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

ŊwɑꞋnɛ-Gɑŋntúu Yɛ́su Kɛlístɔ 17:13

Lɑ́ pɑyúdɑ pɛ́ Tɛsɑlɔnik nɑ́ŋ tɛ ńzúꞋ pɑ́Ꞌ Pɔ̂l Mbɛlɛ́ɛ, ḿbɔ́ ŋ́kẅiꞋ ɛ́sẅíi nu-Sɛ́, ńnɑ́ɑtɛ ńtɔ́ zúꞋu, ńzɛ nɛmɑꞋ vɑꞋ ńdɔk ńníꞋ mɛtʉʉ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 20:3

ńnɑ́ŋ pɛsɑŋ pɛtɑ́t tɛ ḿbɔ́ ŋ́kwɑŋɛ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ, ŋ́ɡɔ́ɔ ńzúꞋ ŋɡɔ pɑyúdɑ sɛ́ ńdɔɔ nɛjẅí wɛ́. ŃzúꞋ pɔ́Ꞌɔ, ńtsʉ́Ꞌ ńzɑ́p pɔ ŋɡɔ ɑ ɡʉ ńdɔk wɛ Mɑsɛ́ndwɑn ḿbɛn nɛ́ zúꞋu.

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

ŊwɑꞋnɛ-Gɑŋntúu Yɛ́su Kɛlístɔ 21:27

Lɛ́Ꞌ sɑɑmbɑ́ yi Pɔ̂l pɔ́p pʉɔ pɑ́ pɛ́nɛ́kwɑ lɔknɛ ḿbʉʉtɛ mbʉʉ tsʉ́Ꞌ ŋ́ɡʉ pɔ nɛkuꞋ. Pɔ́Ꞌɔ lɑ́, pɛcɔ́ pɑyúdɑ pi pɔ́p fúnɛ nǔu pɑk-ŋɡɔŋ-Azîi jʉ́ɔ Pɔ̂l pɔ́ ZʉꞋ-nɔŋpɔꞋ, pɔ́p mɑꞋ vɑꞋ tsɛtsɛt nɔɔ-lɑ́Ꞌ, ŋ́ɡẅɛɛ Pɔ̂l,

ŊwɑꞋnɛ-Gɑŋntúu Yɛ́su Kɛlístɔ 27:23

N cú pɑ́Ꞌɑ, mbɔ ɛ́ lɑ́Ꞌ ḿbɔ́ nɛtúꞋ lɔ́Ꞌnɛ, Sɛ́ ẅi ŋ ɡúꞋlɛ, túu wɛcɔ́ cʉ̈ɔ́Ꞌ wɛ mbɔ̌ mɔ ẅi mɔ ŋɡɑŋfɑꞋ wɛ.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 12:11

Kɔɔ pʉʉ pɔ́ pɛlɔ́ŋ, pʉʉ pɔ́ pɔ ɡɑŋfɑꞋ. Pʉʉ lɔk tʉ́m yʉ́ʉ tsʉʉ ɛ́fɑꞋ mbɔ̌ Tsɑpʉɔ.

2 Kɔlɛ̂ŋtɛ 2:4

Ŋ kɑ pɔ́ ŋ́ŋwɑꞋnɛ ŋwɑꞋnɛ ɛ̂yɑ́, ńdɔk pɔ ŋki-mík, tʉ́m yɑ́ɑ pɔ́ ńzɑ́ŋ tɛꞋ, mbʉʉ yɑɑ pɔ́ ńcitɛ, lɑ́ mɔ ŋ́kɑɑ ŋ́kɛ́ ḿbɔ́ ŋ́ŋwɑꞋnɛ ńdɔk ŋ́ɡɛ ŋɡɔ pʉʉ mʉk pɔ́. Ŋ kɑ pɔ́ ŋ́ŋwɑꞋnɛ pɔ́Ꞌɔ, pɔ nɛlɔk ńnyɛt wʉ́ʉ nɛ mɑ́mɑ́ ŋkɔŋɛ yi ŋ ɡẅɛɛnɛ nzʉʉ pʉʉ.

2 Kɔlɛ̂ŋtɛ 3:5

Pɛk kɑ́ pɔ́ ńcú pɑ́Ꞌɑ ŋɡɔ mbɔ pɛk lɔk kwɑꞋ mʉ́k mɛtʉʉ ŋ́ɡɛ yɛcɔ́ yúu pɔ́. Mɛtʉʉ mi pɛk lɔknɛ ŋ́ɡɛ yɔ fɑꞋ fú pɔ mbɔ̌ Sɛ́.

2 Kɔlɛ̂ŋtɛ 7:5

Pɛk kɑ zɛɛ ŋ́ɡʉ tɛ ŋ́kúu Mɑsɛndwɑn, wɛcɔ́ nɛjẅiitɛ pɔɔ ɡú pɔ́. Ŋɡʉ̈ɔ́Ꞌ fú mɛshʉ́ mɛshʉ́ ńtɔ́. Pʉɔ ɡɔ́ ḿbɔ́ nzɛmpíi ḿmɑꞋ wɛ́k nɛ́ ntsɔ, tʉ́m yɛ́k pɔ́ tsɛtú ḿbɔ́k mbíꞋ mɛcɔ́ mɛnu.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Ɛ́fɛ̂zɛ 6:7

Pʉʉ fɑꞋ fɑꞋ yɔ́p nɛ́ tʉ́m sʉ́Ꞌnɛ, pɔ pɑ́Ꞌ pʉʉ ɛ́fɑꞋ mbɔ̌ Tsɑpʉɔ tɛ pʉʉ kɑ́ pɔ́ ɛ́fɑꞋ pɔ mbɔ̌ pʉɔmɛsɔŋ pɔ́.

Filipɛ 3:18

Pʉɔ tɛ ńzɑ́ɑ zɛɛ ḿbɔ́ tsɛtsɛt pɛkŋɛ, mɑt wɔp fí pɔ wɛ pʉɔ pi pɔ́p ŋíŋɛ nɛvú Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ŋíŋɛ́nɛ. Ŋ kɑ zɛ ɛ́sẅíi wʉ́ʉ, tɛ mbɑ lɔ́Ꞌnɛ, m bɛn ḿbɔ́ ńcú tɛ ńdɔk pɔ ŋki-mík ńcú.

Kɔlɔsíyɛ̂ŋ 3:24

Kɔɔ pʉʉ likŋɛ ŋɡɔ Tsɑpʉɔ-Kɛlístɔ ɡʉnɛ ńdɑ́Ꞌ ńtsɔ́Ꞌ fɑꞋ yʉ́ʉ, ŋ́ɡʉ nǔu yúu pɛ́, ŋ́ɡɑ́ yʉ́ʉ, mbíꞋŋɡɔ jʉ́ pɔ́nɛ kwɑꞋ ŋu ẅí pʉʉ fɑꞋnɛ mbɔ̌ wɛ́.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

2 Timɔtɛ́ɛ 1:4

Ŋ kɑ́ likŋɛ pɑ́Ꞌ pûu kɑ ɡɔ́ fɑkŋɛ ɔ lɑɑ pɔ́. Mɔ sɛ́ ńtsɑ́ɑ tɛꞋ pɑ́Ꞌ m bɔ́ ḿbɛn ńjʉ́ɔ wú, nu pɔŋ wɑ́ɑ pɑ́ꞋtɛꞋ.

Jɑ̂k 1:2

Pɔ́ɔpɛ́mɑ́ pɑ́ɑ, ŋɡʉ̈ɔ́Ꞌ mɛntɛ́ mɛntɛ́ lɑɑ ḿbɔ́ ŋ́kúu wʉ́ʉ, pʉʉ lɔk pɔ kwɑꞋ tsɑ́ɑtɛ ńcẅɛ́ɛ.

1 Pyɛ̂ 1:6

Pʉʉ jʉ́ɔ yúu mi ɛ́ ɡɛnɛ pʉʉ pɔ́ ńtsɑ́ɑtɛ tsɑ́ɑtɛ́nɛ, tɛ mbɑ pɑ́Ꞌ ɛ́ ŋkɔ̂ɔnɛ ḿbɔ́ ḿbíkŋɛ ŋɡɔ pʉʉ nɑꞋ ḿmʉk nǔu ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ lɑ́.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

Mɛnu ɛ́ ńdɑ́Ꞌ ńcẅɛt 7:15

Ɛ́ yúu mi ɛ́ ɡɛnɛ pɔ́p tʉ́ʉ mbi kɔꞋ-nɛfɔɔ-Sɛ́, ḿbɔ́ tsɛt zʉꞋ-nɔŋpɔꞋ, ḿbɔ́ ŋ́ɡúꞋlɛ wɛ́ nɛnɛm mbɑ nɛtúꞋ. Ŋu ẅí ɑ nɑ́ŋnɛ ndǔ kɔꞋ-nɛfɔɔ, ɑ ɡʉ ɛ́fii ntɑp wɛ́ ńdɔk ŋ́kẅíitɛ wɔ́p.