ŊwɑꞋnɛ-Gɑŋntúu Yɛ́su Kɛlístɔ 2:46 - Kɑɑ Fí

⁴⁶ Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 2:46 교차 참조

Mɑtʉ̈ɔ 6:22

Mík-ŋu mbɔ̌ wɛ́ ḿbɔ́ pɑ́Ꞌ lɑ̂m ẅí ɑ lɔknɛ ńjʉ́ɔ zʉꞋ, mík mú lɑɑ ḿbɔɔ sʉ́ʉ, mbɔ ɔ ɡʉ ńjʉ́ɔ zʉꞋ sʉ́Ꞌnɛ.

Lúkɑ́shi 11:41

Yúu mi ɛ́ ḿbɔ́ ḿbɔŋ ŋɡɔ pʉʉ ɡɛ pɔ́ pɔ nɛpɛ́ɛ yúu sʉ́Ꞌnɛ yi ɛ́ tsɛt mɛkɑ́ŋ mʉ́ʉ, ŋ́ɡɑ́ mbɔ̌ pɛkɛyúu, pɔ́p jʉ́ yɔ́p. Pʉʉ ɡɛ ŋ́ɡɛ pɔ́Ꞌɔ, lɑ́ tʉ́m wʉ́ʉ kɛ ḿbɔɔ ńdɛ́ɛnɛ mbi Sɛ́.»

Lúkɑ́shi 24:30

Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.

Lúkɑ́shi 24:53

Ŋ́ɡʉ tɛ ŋ́kúu zúꞋu, ŋ́kɛ́ ńtsʉ́Ꞌ ńnɑ́ŋ pɔ tsɛt ndɑ́-nɛnɔŋpɔꞋ ŋkɑ́ tsʉʉ, ŋ́ɡúꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 16:34

A pɛn ńdɔk wɔ́p pɛ́pɑ́ ḿbʉ́ʉ ŋ́ɡʉ ndɑ́ yɛ, ŋ́ɡɑ́ yúu pɔ́p jʉ́. Pɔ́p pɛ́ njẅɛtndɑ́ yɛ tsɑ́ɑtɛ, mbíꞋŋɡɔ pɔ́p zɑ́b tʉ́m yɔ́p nǔu Sɛ́.

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

ŊwɑꞋnɛ-Gɑŋntúu Yɛ́su Kɛlístɔ 20:7

Ɛ́ pɔ́ nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, pɛk cúꞋlɛ zúꞋu nɛjʉ́ yúu pɛjʉ́-Tsɑpʉɔ. Njí pɔ́ ŋ́ɡʉ kiɛ Pɔ̂l ɡʉ. A pɔ́ ɛ́sẅíi nu-Sɛ́ mbɔ̌ pɔ́ɔpɛ́mɑ́, ŋ́kɛ́ ɛ́sẅíi wɔ́p sẅíinɛ tɛ ŋ́kúu tʉʉtúꞋ.

ŊwɑꞋnɛ-Gɑŋntúu Yɛ́su Kɛlístɔ 3:1

Ɛ́ pɔ́ yɛcɔ́ mbɔ́tnjí, tɛ nɛm yɛ́tɑ́t ŋkɑ́ yi Pɑyúdɑ cɛꞋlɛ́nɛ Sɛ́ pɔ́ ŋ́kuꞋ. Pyɛ̂ pɔ́p Jɑ̂ŋ pʉʉ ŋ́ɡʉ ZʉꞋ-nɔŋpɔꞋ.

ŊwɑꞋnɛ-Gɑŋntúu Yɛ́su Kɛlístɔ 5:21

Pɔ́p zúꞋ ntsu wɛ́. Njí kiɛ, pɔ́p mʉ́ʉ ŋ́ɡʉ ZʉꞋ-nɔŋpɔꞋ, ńzɛ nɛzíꞋ nu-Sɛ́ mbɔ̌ lɑ́Ꞌ. Ŋ́ɡɔ́ ḿbɔ́ mbɔ tɑ́tndɑ́-pɑnɔŋpɔꞋ pɔ́p Pɑsɑdukɑy nɑ́ŋ tɛ ńcúꞋlɛ pɑsɑ́Ꞌlɑ́Ꞌ-Íslɑyɛ̂l nǔu nu nɛzɑ́Ꞌ ntsɑŋ. Pɔ́p pɛpɔ́p túu ɡɑŋfɑꞋ ŋɡɔ pɔ́p ɡʉ ndɑ́tsɑ́ŋ ńdɔɔ ɡɑŋntúu-Yɛ́su ńdɔk wɔ́p ńtɔ́.

ŊwɑꞋnɛ-Gɑŋntúu Yɛ́su Kɛlístɔ 5:42

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

Pʉɔ-Lɔ́mɑ 12:8

FuꞋ-ŋu pɔ́ nɛníꞋ mɛtʉʉ-pɛcɔ́ pʉɔ, ɑ ńníꞋ. Ŋu lɑɑ ḿbɔ́ ŋ́ɡɑ́ yúu mbɔ̌ ŋu, ɑ ɡɑ́ kɛ́ sɑ́ŋ. Ŋu lɑɑ ḿbɔ́ ŋu ẅí ɑ niitɛ́nɛ cúꞋlɛ, ɑ niitɛ tɛ ńjí yúu mi ɑ ɡɛnɛ yɛ́tɛ́. Ŋu lɑɑ ḿbɔ́ ńcẅɛ́lɛ pɛpúŋ, ɑ cẅɛ́lɛ́ nɛ́ tʉ́m sʉ́Ꞌnɛ.

1 Kɔlɛ̂ŋtɛ 10:16

Pɛkŋɛ sɛ́ ńnɔ́ ntúꞋ-mɛluꞋ yí pɛkŋɛ ɡɑ́nɛ pɑ́Ꞌlɑ́ mbɔ̌ Sɛ́ nǔu, pɛkŋɛ kɑ́ pɔ́ ńdɔk pɔ́Ꞌɔ, ńtɛmtɛ nǔu mɛci-Kɛlístɔ pɔɔ? Mbɛlɛ̂ɛt yí pɛkŋɛ pʉ̈ɔ́Ꞌtɛ́nɛ ŋ́ɡɑp, kɑ́ pɔ́ ńtɛmtɛ wɛkŋɛ nǔu mbɑp-mbʉʉ-Kɛlístɔ pɔ́ ɔɔ?

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Ɛ́fɛ̂zɛ 6:5

Ŋ́ɡʉ nǔu pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ, ḿbɔ́ ŋ́ɡɑ́ mɛkuꞋ mɔ́p, ŋ́kɔk mbʉʉ yʉʉ ŋ́ɡɑ́ sɛ́ mbi pɔ́p, ŋ́ɡẅɛɛ tʉ́m sʉ́Ꞌnɛ nzʉʉ pɔ́p, ndʉ́ŋndʉŋ pɑ́Ꞌ pʉʉ zúꞋnɛ ntsu-Kɛlístɔ lɑ́.

Kɔlɔsíyɛ̂ŋ 3:22

Pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ ndǔ tsɛ́tsɑ́Ꞌ, nǔu mbɑ kʉ̈ɔ́ lɑ́. Pʉʉ pɑ́ɑ nɛlɔɔ nɛfɑꞋ pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ njʉ̈ɔ̌ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ nɛ́ ŋɡɔŋ tʉ́m yʉ́ʉ tsʉʉ mbíꞋ pɑ́Ꞌ pʉʉ sɛ́ ŋ́ɡɑ́ mɛkuꞋ-Tsɑpʉɔ.