ŊwɑꞋnɛ-Gɑŋntúu Yɛ́su Kɛlístɔ 2:11 - Kɑɑ Fí

¹¹ Pɔ́p pɑyúdɑ pi pɔ́p lɛ́nɛ nǔu mɛlɛ́Ꞌ mɔnɛ. Pɛcɔ́ pʉɔ tsɛtsɛt pɛkŋɛ pɔ́ pɑyúdɑ píŋɡup, pɛcɔ́ pɔ́ pʉɔ pi pɔ́p kɑ pɛ́mnɛ nu-Sɛ́-pɑyúdɑ. Kɛ́ tʉ́ʉ pɑfú Kɛlɛ̂t pɔ́p Alɑ́bîi. Ɛ́ ɡɛ ŋɡɔ́ku pɛkŋɛ pɛtsʉʉ zúꞋ kwɑꞋ nǔu mɛsẅíŋɛ mɛkŋɛ mi ɛ́ mɛntɛ́ mɛntɛ́, pɑ́Ꞌ pʉɔ pɔnɛ cúnɛ pɑ́Ꞌ mɛfɑꞋ-Sɛ́ ɡúꞋnɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 2:11 교차 참조

ŊwɑꞋnɛ-Gɑŋntúu Yɛ́su Kɛlístɔ 2:10

Pɑfú Filíjîi pɔ́p Pɑnfílî pɔ́p Ɛɡíptɔ, pɑfú Silɛ̂nɛ nǔu pɑk-ŋɡɔŋ-Líbîi, pɑfú Lɔ́mɑ mbɔ́ ńnɑ́ŋ zɑ́Ꞌnɛ pɔ́ pɔ sɛ́.

ŊwɑꞋnɛ-Gɑŋntúu Yɛ́su Kɛlístɔ 2:12

Ɛ́ puu ŋ́kʉꞋnɛ wɔ́p tɛꞋ. Pɔ́p kwɑŋɛ ḿbɛ́t kɛ́ mɛkŋɛ, ńtsʉ́Ꞌ shɔtnɛ ḿbíkŋɛ tsɛtsɛt pɔ́p pɔ ŋɡɔ: «Yɔ nu lɔk ńcú ŋɡɔ kʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 27:12

Ńzɛɛ ŋ́ɡɔ ḿbɔ́, zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ zúꞋu pɔɔ lii zʉꞋ yi ɛ́ lɑɑ ḿbɔ́ pʉɔ tswɛ́ zúꞋu nǔu ŋkɑ́-fɛ́m tɛ nu pɔŋ wɔ́p pɔ́. Ɛ́ lɛɛ pɔ́Ꞌɔ, pʉɔ pɛtsʉʉ pi pɔ́p ḿbɔ́nɛ tsɛt mɑ́mɑ́ kɑnúꞋ tsʉ́Ꞌ ńzɑ́p pɔ ŋɡɔ pɛ́ fú zúꞋu ŋ́ɡʉ, ḿbɔ́ ŋ́kwɑŋɛ ŋɡɔ ɛ́ lɑɑ ŋ́ɡɑ́ shʉ́, pɔ́p ɡʉ tɛ ŋ́kúu nǔu zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ tsɛt ŋɡɔŋ-Kɛlɛ̂t ɛ̂wɑ́ pɛ́ fúŋ ŋɡɔ Fɛnís. Fɛnís pɔ́ tʉ́sɔŋ ẅí nɛlẅí-tsɛ́tsɑ́Ꞌ kɑ tɔ́ zúꞋu ńcẅɛt, yɛcɔ́ sɑ́k-tʉ́sɔŋ pɔ́ ńdíŋɛ ɡúŋ-Mbɛ́ nɛm yi kɔŋ, yɛcɔ́ líŋɛ ɡúŋ-Mbɛ́ nɛm yi ntsʉ́ʉ. Pɔ́p tsɑ́ɑ pɔ́Ꞌɔ, nɛkúu zúꞋu ńdɑ́Ꞌ ńnɑ́ŋ tɛ ŋkɑ́-fɛ́m lɛɛ.

ŊwɑꞋnɛ-Gɑŋntúu Yɛ́su Kɛlístɔ 27:13

Ŋkwɑŋɛ pɔ́Ꞌɔ, mɔ́ɔ mɔ́ fɛfʉ̈ɔt nɑ́Ꞌ ɛ́fú shʉ́ ntsʉ́ʉ ńzɛ nɛtsʉꞌnɛ, pʉɔ-mɑ́mɑ́ kɑnúꞋ jí yɔ́p pɔ ŋɡɔ nu yi pɔ́p kwɑŋɛ́nɛ ɡʉ ńnɛn, ŋ́ɡɔ́ɔ ńcẅɛɛtɛ mɑ́mɑ́ tʉ́n yi ɛ́ ɡẅɛɛnɛ kɑnúꞋ ŋki, ńtíi mɑ́mɑ́ kɑnúꞋ ńdɔk mbɑ́ŋtɛ pɔ kwɑꞋ mbʉʉ-ŋɡɔŋ-Kɛlɛ̂t.

ŊwɑꞋnɛ-Gɑŋntúu Yɛ́su Kɛlístɔ 27:7

Fɛfʉ̈ɔt ɡɛ pɛk lɔk mɛlɛ́Ꞌlɑ́Ꞌ tɛ ńzɑ́ɑ, ŋ́kɛ́ ńnɛn pɔ ndɑ̌ɑ ndɑɑ. Tɛ ŋ́ɡɔ ńjʉ́ɔ tʉ́sɔŋ-Sníidɛ, mbɔ pɛk jʉ́ɔ ŋɡʉ̈ɔ́Ꞌ tɛꞋ. Fɛ́m tɔꞋ wɛ́k nɛɡʉ ndʉ́ŋndʉŋ tɛ ndɑꞋ. Pɛk tsʉ́Ꞌ ḿbɑŋtɛ ńdɔk pɔ Shʉ́-kɛlɛ̂tɛ ŋ́ɡʉ, ɛ́ pɛn ḿbɔ́ yɛcɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ. Pɛk kúu zúꞋu, ńnɑ́Ꞌ ńdʉ̈ɔ́Ꞌ fɛ́m ńdɔk wɛ Sɑlɛmɔnɛ, ŋ́ɡʉ. Ɛ́ pɔ́ zʉꞋ-tsɛ́tsɑ́Ꞌ-Kɛlɛ̂t yi ɛ́ kɑ sẅiklɛnɛ ŋ́kúu ŋki.

1 Kɔlɛ̂ŋtɛ 12:10

Ɛ́ tɔ́ nǔu wɛcɔ́ ŋu yɛ́ pɔ́fɑꞋ yi ɑ lɔknɛ ŋ́ɡɑ́ fuꞋ níinɛ-ŋɡɑŋ ɛ́ pɔ́ ŋɡɑŋ nɛɡɛ mɛnu mɑ̌ɑmɑɑnɛ, ńtɔ́ nǔu wɛcɔ́ ŋ́ɡɑ́ fuꞋ níinɛ yɛ́ ɛ́ pɔ́ nɛcẅi Ŋkʉʉ ẅí ɛ́ fúnɛ mbɔ̌ Sɛ́, ńtɔ́ nǔu wɛcɔ́ ŋ́ɡɑ́ pɔ́fɑꞋ yɛ́ ɑ jí yúu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ mbɑ yi ɛ́ fúnɛ mbɔ̌ mɛzẅikŋɛ kɛpɔŋ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ sẅiŋɛ mɛsẅíŋɛ mi ɑ kɑ zíꞋnɛ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ jí shʉ́ nɛlɔk ŋ́kyɛ́Ꞌtɛ mîmɑ́ mɛsẅíŋɛ.

1 Kɔlɛ̂ŋtɛ 12:28

Sɛ́ kɑ tsʉ́Ꞌ nɛniitɛ cúꞋlɛ yɛ́, ḿbiitɛ ńzɑ́p ɡɑŋntúu, ḿbɑ́ɑtɛ ńzɑ́p pɑcẅiŋkʉʉ pi pɔ́p fúnɛ mbɔ̌ wɛ́, ḿbɑ́ɑtɛ ńtík pɑzíꞋ pʉɔ nɛ́ nu-Sɛ́, pɛ́ fú nǔu pɔ́p ńjʉ́ɔ pʉɔ pinɛ ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ, ḿbɑ́ɑtɛ ńjʉ́ɔ pʉɔ pi ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ ɡɑŋɡɔɔ fíitɛ, pɛ́ fú nǔu pɔ́p ńjʉ́ɔ pʉɔ pi yɔ́p pɔ́fɑꞋ ɛ́ nɛcẅɛ́lɛ pɛcɔ́ pʉɔ mbɑ pʉɔ pi pɔ́p niitɛ́nɛ cúꞋlɛ, tɛ mbɑ pʉɔ pi ɑ kɑ ɡɑ́nɛ fuꞋ níinɛ yɔ́p ɛ́ pɔ́ pɑ́Ꞌ pɔ́p ɡʉ ɛ́sẅíŋɛ mɛsẅíŋɛ mi pɔ́p ŋkɑɑ zíꞋ.

Ŋɡɑlɑ̂t 1:17

Ŋ kɛ́ mbɔɔ pʉʉ Yɛlúsɑlɛm, ńjʉ́ɔ pʉɔ pi pɔ́p kɑ piitɛ́nɛ ḿbɔ́ ɡɑŋntúu-Yɛ́su lɑ n tɔ́ yɑ́ɑ pɔ́; tɛ ńtsʉ́Ꞌ pɔ́Ꞌɔ, mbɔ ŋ kɑ ɡʉ pɔ tsɛt ŋɡɔŋ-Alɑbîi, ŋ́ɡɛ ḿbɛn ḿbɛn tʉ́sɔŋ-Ndɑ́mɑ́s.

Ŋɡɑlɑ̂t 4:25

Ɛ́ pɛn ḿbɔ́ ŋɡɔ lík-Aŋɡɑɑ cẅɛ́Ꞌnɛ nǔu yɛ sinɑyi, nɛŋkɔ́Ꞌ ni ɛ́ ŋɡɔŋ Alɑbîi. Aŋɡɑɑ lɔk pɑ́Ꞌɑ ḿbɔ́ tʉ́sɔŋ-Yɛlúsɑlɛm wɛ ŋkɔ̂ɔnɛ, ɛ́ yi pɔ́p pʉɔ pɛ́ pɛtsʉʉ pɔ́ pɔ pɛkwɑɑ-nɛpʉ́ʉ.

Tîtɛ 1:12

KwɑꞋ wɛcɔ́ ŋu-ŋɡɔŋ-Kɛlɛ̂t ẅí ɑ mbɔ̌ pɔ́p ḿbɔ́ pɑ́Ꞌ ŋɡɛ́mndʉ̈ɔ́Ꞌ, ɑ kɑ cú ŋɡɔ: «Pʉɔ-Kɛlɛ̂t pɔ́ pɔ ɡɑŋcɔtnu, ḿbɔ́ pɔ pɛpɑ́lɛ́ mɛnɑɑ, ḿbɔ́ pɔ pɛlɔ́ŋ, yɔ́p nu pɔ́ pɔ yúu mi ɛ́ ɡʉ ŋ́kúu nɛpɛm pɔ́p.»

Tîtɛ 1:5

Ŋ kɑ nɑ́ wú ŋɡɔŋ-Kɛlɛ̂t nɛpɔ́ yi ɔ ɡʉ ńtsʉ́Ꞌ mɛkŋɛ ńtɛ́ɛ cúꞋlɛ-pʉɔ Kɛlístɔ, ḿbɛn ńzɑ́p pɑcẅɛ́ɛmbi tsɛt mbɑ wɛ́t tʉ́sɔŋ lɑ́, ńtsʉ́Ꞌ nɛzɑ́p, ńzɑ́p pɔ pɑ́Ꞌ ŋ kɑ cúnɛ mbɔ̌ ɡu.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.