ŊwɑꞋnɛ-Gɑŋntúu Yɛ́su Kɛlístɔ 19:35 - Kɑɑ Fí

³⁵ Wɛcɔ́ ŋu ẅi ɑ tʉ́sɔŋ, yɛ́ fɑꞋ pɔ́ nɛŋwɑꞋnɛ yúu, ɡɔ́ ńdẅiklɛ ŋ́ɡɛ tɛ lɑ́Ꞌ nɑ́Ꞌ. A cú mbɔ̌ pɔ́p ŋɡɔ: «Pʉɔ-Ɛ́fɛ̂zɛ, wɔ̌ tsɛtsɛt pɛkŋɛ ḿbɔ́ ḿmuŋɛ ŋɡɔ tʉ́sɔŋ-Ɛ́fɛ̂zɛ pyɛ́pnɛ mɑ́mɑ́ ndɑ́sɛ́-Altɛ́mís, tɛ mbɑ tɛ́tɔ́k wɛ ẅi ɑ kɑ fúnɛ nɛpú ḿvu?

ŊwɑꞋnɛ-Gɑŋntúu Yɛ́su Kɛlístɔ 19:35 교차 참조

Jɑ̂ŋ 9:31

Pɛkŋɛ pɛtsʉʉ jí ŋɡɔ Sɛ́ kɑ́ pɔ́ ńzúꞋ ŋɡi-ŋu kɛpɔŋ pɔ́, lɑ́ ḿbɔ́ yi ŋu lɑɑ ŋ́ɡɛ mɛkuꞋ-Sɛ́, ḿbɛn ḿbɔ́ ŋ́ɡɛ yúu mi Sɛ́ sɛ́ ŋ́kɔŋ, mbɔ Sɛ́ ɡʉ ńzúꞋ ŋɡi yɛ.

ŊwɑꞋnɛ-Gɑŋntúu Yɛ́su Kɛlístɔ 18:19

Pɔ́p ɡʉ tɛ ŋ́kúu Ɛ́fɛ̂zɛ ńcẅɛt tsɛt kɑnúꞋ, Pɔ̂l nɑ́ Pɛlɛsɛkɑ pɔ́p Akilɑs, ŋ́ɡʉ ŋ́kúu ndɑ́-cúꞋlɛ-pɑyúdɑ, nɛsẅíi pɑyúdɑ nɛ́ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:26

Lɑ́, pʉʉ sɛ́ ńjʉ́ɔ yʉ́ʉ ḿbɛn ḿbɔ́ ńzúꞋ yúu mi ŋu wɔ ẅí pɛ́ fúŋnɛ ŋɡɔ Pɔ̂l sɛ́ ńcú. A sɛ́ ɛ́sẅíi pʉɔ ŋɡɔ mɛsɛ́ mi pɛ́ lɔknɛ pɔ mbɔ́ ńniitɛ kɑ́ pɔ́ Sɛ́ pɔ́. A cú pɔ́Ꞌɔ, tɛ nɛzɑ́ɑ pʉɔ zɑꞋnɛ pɛ́m. Ɛ́ kɑ́ pɔ́ pɔ ndɑꞋ Ɛ́fɛ̂zɛ pɔ́. Ɛ́ tsʉ́Ꞌ pɔ mɔ́zʉꞋ ɛ́ pɔ́ pɔ pɑk-ŋɡɔŋ-Azîi tsʉʉ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 19:34

Lɑ́ lɑ́Ꞌ zúꞋ ŋɡɔ ɑ ŋu-pɑyúdɑ, ńzɛ́plɛ ŋ́ɡíɛt nɛ ŋɡi tɛnnɛ, nǔu yúu nɛm yɛ́pɑ́, ŋɡɔ: «Altɛmîs, sɛ́-pʉɔ-Ɛ́fɛ̂zɛ ɡúꞋ.»

ŊwɑꞋnɛ-Gɑŋntúu Yɛ́su Kɛlístɔ 19:36

Mbɔ ŋu pɔɔ sẅiŋɛ yɔ lúꞋ. Ɛ́ yɛ́tɛ́ lɑ́ n cú ŋɡɔ pʉʉ nɑ́Ꞌ, ŋ́ɡɔ ŋ́ɡɛ nu ŋ́kwɑŋɛ.

Ɛ́fɛ̂zɛ 2:12

Pʉʉ pɛn ŋ́kẅíitɛ ŋɡɔ ɛ́ kɑ pɔ́ ŋkɑ́ ɛ̂yɑ́, pʉʉ pɔɔ ḿbɔ́ ńjí ŋɡɔ wɛcɔ́ ŋu ɡú ḿbɔ́ Nzɑ́Ꞌŋkʉ, tɛ pɛ́ ɡẅɛɛ nɛzẅíꞋlɛ wɛ́ pɔ́. Pʉʉ pɔ́ tsɛtsɛt pʉɔ-Íslɑyɛ̂l ḿbɔ́ pɔ pɛɡʉʉ, pʉʉ pɔɔ nu nǔu kɑɑ yɔ́p pɛ Sɛ́ ɡẅɛɛ tɛ mbɑ nǔu yúu mi Sɛ́ kɑ kɑꞋnɛ mbɔ̌ pɔ́p. Pʉʉ kɑ pɔ́ yʉ́ʉ ndǔ yɔ mbí, ḿbɔɔ ḿbɔ́ ńzẅíꞋlɛ yɛcɔ́ yúu pɔ́, ḿbɛn kɛ́ mbɔɔ ńjí Sɛ́ pɔ́.

1 Timɔtɛ́ɛ 4:2

Ɛ́ lɔk ḿbɔ́ ŋɡɔ mîmɑ́ mɛnu ɡʉ ńdɑ́Ꞌ cẅɛt ntsu-pʉɔ pi pɔ́p cɔtnɛ nu, ḿbɔ́ pɛŋkɔŋmík, mbɔ pɔ́p kɑ sʉk mɔ́ tɛ mbʉʉ yɔp pɔ ńtswɑ́ɑ wɔ́p pɔ́p pɔɔ ŋkii ńzúꞋ pɔ́.