ŊwɑꞋnɛ-Gɑŋntúu Yɛ́su Kɛlístɔ 19:13 - Kɑɑ Fí

¹³ Pɛcɔ́ pɑyúdɑ pɛn ḿbɔ́ yɔ́p zúꞋu, ḿbɔ́ pʉɔ pí pɔ́p ḿbɔ́ ńnɛn ńzuŋ mɛzẅikŋɛ kɛpɔŋ nǔu pʉɔ, ɡɛ ńdɔɔ shʉ́ nɛlɔk lík-Tsɑpʉɔ Yɛ́su ńzuŋ mɛzẅikŋɛ kɛpɔŋ nǔu pʉɔ, ḿbɔ́ ńcú mbɔ̌ mɛzẅikŋɛ kɛpɔŋ ŋɡɔ: «N dɔk lík-Yɛ́su ẅi Pɔ̂l cúnɛ lɑ́, ńcú ŋɡɔ pʉʉ ńcẅɛt!»

ŊwɑꞋnɛ-Gɑŋntúu Yɛ́su Kɛlístɔ 19:13 교차 참조

Mɑtʉ̈ɔ 12:27

Pʉʉ cú ŋɡɔ n dɔk pɔ mɛtʉʉ-Bɛlzɛbul lɑ ńdɔk ńzuŋ mɛzẅikŋɛ kɛpɔŋ, tɛ pɑ́Ꞌ pʉ́ʉ pʉɔ pɛn ńzuŋ yɔ́p mɛzẅikŋɛ kɛpɔŋ lii, pɔ́p pɛn ńdɔk yɔ́p mɛtʉʉ ɡɔ́ lɑ́ ńzuŋ? KwɑꞋ pʉɔ pʉ́ʉ ɛ̂pɑ́ nyɛt wʉ́ʉ ŋɡɔ pʉʉ cú pɑ́Ꞌɑ ɛ́fɑɑnɛ fɑɑnɛ́nɛ.

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑ́lɛ́kúshi 5:7

ńdɔk ŋɡi tɛnnɛ ŋ́ɡíɛt ŋɡɔ: «Yɛ́su mɔ́ɔ-Sɛ́ ẅi ɑ piꞋnɛ mbɑ kʉ̈ɔ́ lɑ́, ɔ cẅɛ́ɛ kʉ̈ɔ́ mbɔ̌ mɔ? Sɛ́sẅíi, n dɔk lík-Sɛ́ ḿbuꞋ mbɔ́ mbɔ̌ wu ŋɡɔ, ɔ pɑ́ɑ nɛníꞋ wɑ́ɑ tsɛt ŋɡʉ̈ɔ́Ꞌ?»

Mɑ́lɛ́kúshi 9:38

Jɑ̂ŋ nɑ́ŋ tɛ ńcú mbɔ̌ Yɛ́su ŋɡɔ: «Tɑ̌ɑ wɛk, pɛk lɑ́Ꞌ ńjʉ́ɔ wɛcɔ́ ŋu pɔ́ ńdɔk lík yú ńzuŋ mɛzẅikŋɛ kɛpɔŋ nǔu pʉɔ, pɛk lɔɔ nɛtɔꞋ wɛ́, mbíꞌŋɡɔ ɑ kɑ́ pɔ́ yɛ́ nzʉʉ ɡu pɑꞋ pɛk pɔ́.»

Lúkɑ́shi 11:19

Tɛ pɑ́Ꞌ pʉ́ʉ pʉɔ pɛn ńzuŋ yɔ́p mɛzẅikŋɛ kɛpɔŋ lɑɑ, tɛ pɔ́p pɛn ńdɔk mɔ́p mɛtʉʉ ɡɔ́ lɑ ńzuŋ? KwɑꞋ pʉɔ pʉ́ʉ ɛ̂pɑ́ ńnyɛt wʉ́ʉ ŋɡɔ pʉʉ cú pɑ́Ꞌ ɛ́fɑɑnɛ fɑɑnɛ́nɛ.

Lúkɑ́shi 9:49

Jɑ̂ŋ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Tɑ̌ɑ wɛk, pɛk lɑ́Ꞌ ńjʉ́ɔ wɛcɔ́ ŋu pɔ́ ńdɔk lík yú ńzuŋ mɛzẅikŋɛ kɛpɔŋ nǔu pʉɔ, pɛk lɔ́ɔ nɛtɔꞋ wɛ́, mbíꞋŋɡɔ ɑ kɑ́ pɔ́ yɛ́ nzʉʉ wu pɑꞋ pɛk pɔ́.»

ŊwɑꞋnɛ-Gɑŋntúu Yɛ́su Kɛlístɔ 19:14

Yɔ nu pɑ́Ꞌɑ, pɔ́ɔ-tɑ́tndɑ́-pɑnɔŋpɔꞋ-pɑyúdɑ sɑɑmbɑ́, lík yɛ́ pɔ́ ŋɡɔ Sɛ́vɑ, kɑ pɔ́nɛ ŋ́ɡɛ.

2 Kɔlɛ̂ŋtɛ 11:4

N cú pɑ́Ꞌɑ mbíꞋŋɡɔ mɔ sɛ́ ńjʉ́ɔ ŋɡɔ ŋu pɔ́ tɛ ńtɔ́, ɛ́sẅíi wʉ́ʉ nɛ́ nu nǔu wɛcɔ́ Yɛ́su, ɑ kɛ́ mbɔɔ ẅi pɛk kɑ cúnɛ nu nǔu wɛ́ pɔ́, pʉʉ ɡɔ́ɔ ḿbɛ́m, ḿbɛn ḿbɔ́ ńjʉ́ɔ, ŋu tɔ́ ńcú nu ndɛꞋ nǔu Zẅikŋɛ Lɛ́ɛnɛ́nɛ, kɛ pɔ nǔu Ŋkʉʉ Sʉ́Ꞌnɛ ɔɔ, ɛ́ pɔɔ ḿbuutɛ nǔu mɛnu mi pʉʉ kɑ piitɛnɛ ḿbɛ́m pɔ́, pʉʉ pɛ́m pɛ́mnɛ.