ŊwɑꞋnɛ-Gɑŋntúu Yɛ́su Kɛlístɔ 18:6 - Kɑɑ Fí

⁶ Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 18:6 교차 참조

Mɑtʉ̈ɔ 10:14

Pʉʉ lɑɑ ŋ́kúu njɛ́Ꞌ-ŋu kɛ pɔ tsɛt yɛcɔ́ tʉ́sɔŋ ɔɔ, pɛ́ lʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ ɛ́fú zúꞋu ŋ́ɡʉ, ŋ́ɡɔ ŋ́ɡʉ ḿbúꞋ pɛ́pɛ́p nǔu mɛku mʉ́ʉ ḿmɛꞋ.

Mɑtʉ̈ɔ 21:41

Pɛ́ pʉ̈ɔt ŋɡɔ: «A ɡʉ ńtɔ́ ŋ́ɡɛ pɛ́ jẅítɛ pɛfút ɛ̂pɑ́, ḿbɛn ńníꞋ ŋkɑ́Ꞌ mbɔ̌ pɛcɔ́ pʉɔ pɛndɛꞋ, pínɛ ɛ́ ɡʉ ŋ́ɡɛ kuꞋ ŋkɑ́ yi pɛ́ kíɛnɛ mɛluꞋ, pɔ́p ɡɑ́ mɛ́.»

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Mɑtʉ̈ɔ 22:10

Pɛtsiindɑ́ pɛ́ pɑ́ ɡʉ ńtʉ́ʉ nǔu mɛtú-ndúŋ, ńjʉ́ɔ mbɑ wɔ̌ lɑ́, ɛ́fúŋ wɛ́, kɛ ɑ pɔ́ ŋu sʉ́Ꞌnɛ ɔɔ, kɛ ŋu kɛpɔŋ ɔɔ. Pɛ́ tɛmtɛ ńníꞋ wɔ́p pɔ tsɛt ndɑ́-ndínɑ, tɛ ɛ́ lúu.

Mɑtʉ̈ɔ 27:25

Pʉɔtsʉʉ pʉ̈ɔt ŋɡɔ: «Mɛci ŋu wɑ́ ńtúŋ nǔu pɛk tɛ mbɑ nǔu mbɔ́ŋkʉ̈ɔ́ pɛk.»

Mɑtʉ̈ɔ 8:11

Mɔ ńzɛɛ ḿbɛn ɛ́sẅíi wʉ́ʉ ŋɡɔ pʉɔ tɛ ńzɑ́ɑ ɡʉ ńdɑ́Ꞌ ɛ́fú mɛshʉ́ mɛshʉ́ ndǔ tsɛ́tsɑ́Ꞌ, ńtɔ́ ŋ́kúu tsɛt ŋɡɔŋ fí ẅi Sɛ́ sɑ́Ꞌnɛ, pɔ́p pɛ́ Ábɛlɛhɑ̂m, nɛ́ Ɛsɑk, mbɑ Yɑkɔ̂p tɛmtɛ ńjʉ́ ndínɑ.

Lúkɑ́shi 22:65

Pɔ́p kɑ pɔ́ pɔ́Ꞌɔ, ḿbɛn ḿbɔ́ ŋ́kẅiꞋ ńnyɑklɛ wɛ́.

Lúkɑ́shi 9:5

Mbɑ ɡʉ̈ɔ́ lɑ́ yi pʉʉ ŋ́kúu zúꞋu pɛ́ lʉꞋ nɛcẅɛ́ɛ wʉ́ʉ, pʉʉ fú zúꞋu, ŋ́ɡɔ ŋ́ɡʉ, ŋ́kwɛt pɛ́pɛ́p-mɛku pʉʉ nɛlɔk ɛ́sẅíi wɔ́p ŋɡɔ ɛ́ tsʉꞋ ńdíŋɛ pɔ wɔ́p.»

ŊwɑꞋnɛ-Gɑŋntúu Yɛ́su Kɛlístɔ 13:51

Pɔ̂l pɔ́p Pɑnɛpɑ́ɑshi ɡɔ́ ɛ́fú lɑ́Ꞌ ɛ̂yɑ́ ńcẅɛt, ḿbúꞋ pɛ́pɛ́p nǔu mɛku mɔ́p nɛlɔk ɛ́sẅíi wɔ́p ŋɡɔ ɛ́ tsʉ́Ꞌ ńdíŋɛ pɔ wɔ́p, ŋ́ɡɔ́ɔ ŋ́ɡʉ nɛ́ Ikɔnyɔm.

ŊwɑꞋnɛ-Gɑŋntúu Yɛ́su Kɛlístɔ 26:11

Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 26:20

Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

Pʉɔ-Lɔ́mɑ 3:29

Ɛ́ pɛꞋnɛ ḿbɔ́ pɔ́Ꞌɔ, mbɔ Sɛ́ tsʉ́Ꞌ ḿbɔ́ pɔ wɛ pɑyúdɑ zɛ́nɛ pɔ́p, lɑ́ ɑ pɛn ḿbɔ́ Sɛ́-pʉɔ pinɛ pɔ́p kɑ́ pɔ́ pɑyúdɑ pɔ́.

1 Timɔtɛ́ɛ 5:22

Kɔɔ ɡwɛtnɛ nɛzɑ́p mbɔ́ tú-ŋu, níꞋ fɑꞋ-cúꞋlɛ-pʉɔ-Kɛlístɔ mbɔ̌ wɛ́. Zɛɛ ḿbiitɛ ńtsɑꞋ wɛ́ sʉ́Ꞌnɛ, ḿbɔ́k ŋɡɑŋ nɛɡɛ nu kɛpɔŋ, ɛ́ tsʉ́Ꞌ yú. Pɑ́ɑ mbɑ kʉ̈ɔ́ lɑ́ yi mbɔ ɛ́ pʉ́ʉpɛ wú.

2 Timɔtɛ́ɛ 2:25

A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

1 Pyɛ̂ 4:14

Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,

1 Pyɛ̂ 4:4

Ɛ́ pɛn ḿbɔ́ nǔu ŋkɔ̂ɔnɛ pɑkɛ́jí Sɛ́ tsʉ́Ꞌ ńjʉ́ɔ yʉʉ ntɛ́ ḿmɑɑ mɑɑnɛ, mbíꞋŋɡɔ pʉʉ pɛ́pɔ́p kɑ́ pɛ́t ńtɛmtɛ ku ńnɛn nɛɡɛ mɛnu mi pɔ́p ɡɛnɛ ɛ́ pɔ́ pɔ mɛnu sʉ́ʉ pɔ́. Pɔ́p kɛ ńtsʉ́Ꞌ ńzɔɔtɛ wʉ́ʉ zɔɔtɛnɛ.