ŊwɑꞋnɛ-Gɑŋntúu Yɛ́su Kɛlístɔ 18:22 - Kɑɑ Fí

²² KɑnúꞋ ɡɛ ŋ́kúu Sɛ́zɑlɛ̂ Pɔ̂l pfúu ḿbʉʉ nɛ́ Yɛlúsɑlɛm, ńcɛꞋlɛ cúlɛ-pʉɔ-Kɛlístɔ lɑ́ ḿbɛn ɛ́fú zúꞋu ŋ́ɡʉ nɛ́ Antíyɔshɛ,

ŊwɑꞋnɛ-Gɑŋntúu Yɛ́su Kɛlístɔ 18:22 교차 참조

ŊwɑꞋnɛ-Gɑŋntúu Yɛ́su Kɛlístɔ 10:1

Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.

ŊwɑꞋnɛ-Gɑŋntúu Yɛ́su Kɛlístɔ 10:24

Yîyɑ́ lɛ́Ꞌ lɛɛ, pɔ́p ɡɔ́ ŋ́kúu tʉ́sɔŋ-Sɛ́zɑlɛ̂, mbɔ Kɔ̂lnɛ́ɛ ńdɑ́Ꞌmɔ́ ńcúꞋlɛ njẅɛtndɑ́ yɛ́ tɛ mbɑ pɛsúu nɛpɛ pɛ́ ńdɔk ńzẅíꞋlɛ́ Pyɛ̂.

ŊwɑꞋnɛ-Gɑŋntúu Yɛ́su Kɛlístɔ 11:11

Ɛ́ ɡɔ́ɔ ḿbɔ́ pɔ ŋkɑ́ yîyɑ́, pʉɔ pɛtɑ́t tɔ́ ndɑ́ zʉꞋ yí pɛk kɑ pɔ́nɛ zúꞋu. Mbɔ pɛ́ fú Sɛ́zɑlɛ̂ ńtúu wɔ́p mbɔ̌ mɔ.

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 14:26

ɛ́fú zúꞋu ŋ́kúu tsɛt wɛcɔ́ mɑ́mɑ́ kɑnúꞋ, yi ɛ́ ɡʉ nɛ́ Antíyɔshɛ. Antíyɔshɛ pɔ́ zʉꞋ yí pɛ́ kɑ fúnɛ zúꞋu, fɛ́ɛ wɔ́p mbɔ̌ Sɛ́ ŋɡɔ ɑ cẅɛ́lɛ́ wɔ́p, lɑ́ pɔ́p nɛn ɛ́fɑꞋ fɑꞋ yi ɛ́ mɛnɛ lɑɑ.

ŊwɑꞋnɛ-Gɑŋntúu Yɛ́su Kɛlístɔ 15:23

Pɛ́ ɡɛ ŋwɑꞋnɛ yí pɔ́p ɡʉ ńdɔk ŋ́ɡʉ, ŋ́ŋwɑꞋnɛ tsɛtú ŋɡɔ: «Pɛk pɑpɛ́m Yɛ́su, pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ Yɛlúsɑlɛm, pɛk pɔ́ɔpɛ́mɑ́ pʉ́ʉ pɛk cɛꞋlɛ wʉ́ʉ pɛtsʉʉ, pʉʉ pɔ́ɔpɛ́mɑ́ pi pʉʉ kɑ́ pɔ́ pɑyúdɑ pɔ́, pʉʉ ẅi pʉʉ ńtswɛ́nɛ tʉ́sɔŋ-Antíyɔshɛ, tɛ mbɑ pɛcɔ́ pʉɔ pí pɔ́p nǔu pɑk-ŋɡɔŋ Siliyɑ, tɛ mbɑ pʉɔ pí pɔ́p nǔu pɑk-ŋɡɔŋ-Silísíyɑ.

ŊwɑꞋnɛ-Gɑŋntúu Yɛ́su Kɛlístɔ 15:30

Pɛ́ ŋwɑꞋnɛ pɑ́Ꞌɑ, ńdɔk ńtúu pʉɔ pɔ. Pɔ́p ɡʉ ŋ́kúu tʉ́sɔŋ-Antíyɔshɛ, ńcúꞋlɛ pʉɔ-Kɛlístɔ pɛtsʉʉ, ŋ́ɡɑ́ ŋwɑꞋnɛ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 15:35

Pɔ̂l pɔ́p Pɑnɛpɑ́ɑshi tsʉ́Ꞌ ńnɑ́ŋ yɔ́p pɔ zúꞋu. Pɔ́p nɛzɑ́ɑ pʉɔ pɔ́ ŋ́kɑ́t ńzíꞋ pʉɔ nɛ́ yúu, ḿbɛn ḿbɔ́ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 15:4

Pɔ́p ɡʉ tɛ ŋ́kúu Yɛlúsɑlɛm, ɡɑŋntúu-Yɛ́su pɔ́p pɑcẅɛ́ɛ mbi tsɛt cúlɛ-pʉɔ-Kɛlístɔ mbɑ pʉɔ-Kɛlístɔ tsʉʉ kúkŋɛ wɔ́p. Pɔ̂l pɔ́p Pɑnɛ́pɑ́ɑshi pɛ́ɛtɛ mbɑ kʉ̈ɔ́ lɑ́ yi Sɛ́ kɑ lɔknɛ wɔ́p ŋ́ɡɛ, ɛ́sẅíi wɔ́p.

ŊwɑꞋnɛ-Gɑŋntúu Yɛ́su Kɛlístɔ 23:23

Tɑ́tndɑ́-pɛtɑ́tndɑ́-ntsɔ pɛn ŋ́ɡʉ nǔu pɛtɑ́tndɑ́-ntsɔ pɛ́, ńtsɔ́Ꞌ pɛ́ pɛ́pɑ́, ńcú mbɔ̌ pɔ́p ŋɡɔ pɔ́p niitɛ pɑlʉ̈ɔ́Ꞌntsɔ ŋkʉ yɛ́pɑ́, ŋ́ɡɛ pɑkɔ́Ꞌ lʉ̈ɔ́ mɛɡɛ́msɑɑmbɑ́, nɛ́ pɑɡẅɛɛ mɛkɔŋ ŋkʉ yɛ́pɑ́. Pɔ́p tʉ́ʉ pɑ́Ꞌ nɛm yɛ́nɛ́pfúꞋu nɛtúꞋ ɡʉ ŋ́ɡɛ ŋ́ɡɔ ŋ́kuꞋ pɔ́p lɔ sɛ́ ŋ́ɡʉ nɛ́ tʉ́sɔŋ-Sɛ́zɑlɛ̂.

ŊwɑꞋnɛ-Gɑŋntúu Yɛ́su Kɛlístɔ 25:1

Pɛ́ kɑ tsẅíkŋɛ Fɛstus nɛsɑ́Ꞌ yîyɑ́ pɑk-ŋɡɔŋ ɛ́ lɛɛ lɛ́Ꞌ pɛtɑ́t, ɑ fú tʉ́sɔŋ-Sɛ́zɑlɛ̂ ɛ̂wɑ́ ḿbʉʉ ŋ́ɡʉ Yɛlúsɑlɛm.

ŊwɑꞋnɛ-Gɑŋntúu Yɛ́su Kɛlístɔ 25:9

Fɛstus pɛn ḿbɔ́ ńdɔɔ nɛɡɛ pɑ́Ꞌ nu ɡʉ ḿbɔŋ pɑyúdɑ, ḿbíkŋɛ Pɔ̂l ŋɡɔ: «Tɛ ɛ́ lɑɑ ḿbɔ́ ɔ pɛ́m ḿbɛn Yɛlúsɑlɛm ńjí ŋɡɔ Ŋ ɡʉ ŋ́ŋɑk ntsɑŋ yú?»

ŊwɑꞋnɛ-Gɑŋntúu Yɛ́su Kɛlístɔ 8:40

Ɛ́ ɡʉ nǔu Filîp, ɑ ɡɔ́ ńjʉ́ɔ, ḿbɔ́ tʉ́sɔŋ-Azɔ́d, ɛ́fú zúꞋu, ŋ́ɡɔ ŋ́kúu tʉ́sɔŋ-Sɛ́zɑlɛ̂, ńnɛn ńcẅi Ŋkʉʉ Sʉ́Ꞌnɛ tsɛt mɛtʉ́sɔŋ tsʉʉ mi ɑ lɛɛnɛ zúꞋu.