ŊwɑꞋnɛ-Gɑŋntúu Yɛ́su Kɛlístɔ 18:2 - Kɑɑ Fí

² ŋ́ɡʉ tɛ ŋ́kúu zúꞋu, ńjʉ́ɔ wɛcɔ́ ŋu-Yúdɑ ẅi pɛ́ fúŋnɛ wɛ́ ŋɡɔ Akilɑs. Mbɔ pɛ́ kɑ pí wɛ́ tsɛt pɑk-ŋɡɔŋ-Pɔ̂ŋ. Pɔ́p nzwɛ́ wɛ Pɛlɛsîl pɛ́t lɑ́ ńtɔ́, ɛ́fú nɛ́ ŋɡɔŋ-Itɑlî. Mbɔ Kɑ́sɑ Kɛlɔ̂dɛ kɑ cú ŋɡɔ pɑyúdɑ tsʉʉ fú tʉ́sɔŋ-Lɔ́mɑ ŋ́ɡʉ. Pɔ̂l ɡʉ ŋ́ɡwɑ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 18:2 교차 참조

ŊwɑꞋnɛ-Gɑŋntúu Yɛ́su Kɛlístɔ 11:28

Wɛcɔ́ tɑ́Ꞌ ŋu pɔ́ tsɛtsɛt pɔ́p, pɛ́ fúŋ wɛ́ ŋɡɔ Aɡɑbus. Zẅikŋɛ-Sɛ́ cú, ɑ zɑ́Ꞌ njí ńcú ŋɡɔ: «Wɛcɔ́ mɑ́mɑ́ cʉ́ ŋ́ɡɛ ḿvu ndǔ tsɛ́tsɑ́Ꞌ tsʉʉ». Ńcú pɔ́Ꞌɔ, ẅîwɑ́ cʉ́ kɑ tsúŋ ḿvu ŋkɑ́ yi Kɛlɔ̂dɛ tsʉ́Ꞌnɛ ḿbɔ́ Kɑ́sɑ ɡwɛ́-Pɑlɔ́mɑ.

ŊwɑꞋnɛ-Gɑŋntúu Yɛ́su Kɛlístɔ 18:18

Pɔ̂l nɑ́Ꞌ ḿbɛn ńzɛ ńnɑ́ŋ Kɔlɛ̂ŋntɛ. Lɑ́ ńdɛɛmɛ pɔ́ɔpɛ́mɑ́, ŋ́ɡʉ Sɛnkɛ́lɛ́ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ. Pɔ̂l pɔ́p Pɛlɛsîl ŋ́ɡɛ Akilɑs ɡʉnɛ. Pɔ̂l ɡɔ́ ŋ́kúu kɑnúꞋ, ŋ́kɔ́ɔ tú yɛ́ ńdɔk ńcú ŋɡɔ ɑ ɡɛ yúu mi ɑ kɑ kɑꞋnɛ mbɔ̌ Sɛ́ tɛ ńdẅiklɛ.

ŊwɑꞋnɛ-Gɑŋntúu Yɛ́su Kɛlístɔ 18:26

A cú nu-Sɛ́ ndɑ́-cúꞋlɛ-pɑyúdɑ, ɛ́sɑ́ɑnɛ sɑ́ɑnɛ́nɛ. Pɛlɛsîl pɔ́p Akilɑs zúꞋ sẅiŋɛ yɛ́ ńdɔk wɛ́ ŋ́ɡʉ, ńniitɛ ńdɛꞋlɛ wɛ́ nɛ́ nu ŋ́ɡɑ́ nǔu sɛ̂ndúŋ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 2:9

Pʉɔ pinɛ pɔ́p fúnɛ Pɑ́ltɛ mbɑ pɛ́ Mɛdɛs, ŋ́ɡɛ pɛ́ Ɛlɑm tsɛtsɛt pɛkŋɛ zɑꞋnɛ. Mbɑ pʉɔ pinɛ pɔ́p nɑ́ŋnɛ Mɛzɔpɔtɑmîi ŋ́ɡɛ pi pɔ́p Judɛ̂. Pʉɔ-Kɑpɑdɔs mbɑ pʉɔ-Pɔ̂ŋ ŋ́ɡɛ pʉɔ nǔu pɑk-ŋɡɔŋ Azîi pɔ́ pɔ sɛ́.

ŊwɑꞋnɛ-Gɑŋntúu Yɛ́su Kɛlístɔ 27:1

Pɛ́ ɡɛ ḿbɔ́ tɛ ńzɑ́p ŋɡɔ pɛk ɡʉ ŋ́kúu mɑ́mɑ́ kɑnúꞋ, ŋ́ɡʉ tsɛt ŋɡɔŋ-Itɑlî, ńníꞋ Pɔ̂l pɔ́p pɛcɔ́ ɡɑŋtsɑ́ŋ mbɔ̌ wɛcɔ́ tɑ́tndɑ́-ntsɔ. Lík yɛ́ pɔ́ ŋɡɔ Julíyus. A pɔ́ wɛcɔ́ tɑ́Ꞌ ŋu nǔu ku-pɑlʉ̈ɔ́Ꞌntsɔ pinɛ pɔ́p ḿbɔ́nɛ pɛ́ Kɑ́sɑ.

ŊwɑꞋnɛ-Gɑŋntúu Yɛ́su Kɛlístɔ 27:6

Ŋ́kúu zúꞋu pɔ́Ꞌɔ, tɑ́tndɑ́-ntsɔ ẅí pɛk pɛpɔ́p nɛnnɛ lɑ́, jʉ́ɔ wɛcɔ́ mɑ́mɑ́ kɑnúꞋ tʉ́sɔŋ-Alɛkzɑŋndɛlii, ńdɔk shʉ́-ŋɡɔŋ-Itɑ́líyɑ ŋ́ɡʉ. A ɡɛ pɛk kúu tsɛt ẅîwɑ́ kɑnúꞋ ŋ́ɡʉ.

1 Kɔlɛ̂ŋtɛ 16:19

MɛcúꞋlɛ-pʉɔ-Kɛlístɔ mi ɛ́ nǔu shʉ́-Azîi cɛꞋlɛ wʉ́ʉ. Akilɑs pɔ́p Pɛlɛsɛkɑ mbɑ cúꞋlɛ-pʉɔ-Kɛlístɔ yi ɛ́ jʉ́nɛ ndɑ́ pɔ́p lɔk lík-Tsɑpʉɔ ńcɛꞋlɛ wʉ́ʉ tɛꞋ.

2 Timɔtɛ́ɛ 4:19

CɛꞋlɛ Pɛlɛsîl pɔ́p Akilɑs ŋ́ɡɑ́ mbɔ̌ mɔ. ŃcɛꞋlɛ mbɑ pʉɔ-njɛ́Ꞌ-Ɔnɛzifɔɔ.

Ɛ́bɛlʉʉ 13:24

Pʉʉ cɛꞋlɛ pɑtsiinɛ wʉ́ʉ kɛ́ vuꞋ wɛcɔ́, ńcɛꞋlɛ mbɑ pʉɔ-Sɛ́ pɛ́tsʉʉ. Pʉɔ pɛ́ Itɑ́lîi cú ŋɡɔ n cɛꞋlɛ wʉ́ʉ.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.