ŊwɑꞋnɛ-Gɑŋntúu Yɛ́su Kɛlístɔ 18:10 - Kɑɑ Fí

¹⁰ mbíꞋŋɡɔ pûu nɛnnɛ. Wɛcɔ́ ŋu kɑ́ kuꞋ nɛɡẅɛɛ wú tɛ ŋ́ɡɛ nu kɛpɔŋ nǔu ɡu pɔ́. N cú pɑ́Ꞌɑ, mbíꞌŋɡɔ pʉɔ pi pɔ́p pɑ́ɑ, tʉ́sɔŋ zɑꞋnɛ tɛ ńzɑ́ɑ.»

ŊwɑꞋnɛ-Gɑŋntúu Yɛ́su Kɛlístɔ 18:10 교차 참조

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Mɑtʉ̈ɔ 10:30

Ɛ́ ɡʉ nǔu pʉʉ, mbɔ Sɛ́ sɛ́ ńjí ndwɛn-mɛnuk-tú mʉ́ʉ.

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Lúkɑ́shi 21:18

Lɑ́, yɛcɔ́ tɑ́Ꞌ nuk kɛ́ ḿbɔɔ tsɔ́Ꞌnɛ tú pʉʉ tɛ ḿbɛ́ pɔ́.

Jɑ̂ŋ 10:16

M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

ŊwɑꞋnɛ-Gɑŋntúu Yɛ́su Kɛlístɔ 15:14

Símɔ lɔ sɛ́ nɛkẅíitɛ wɛkŋɛ nɛ́ nu yí Sɛ́ kɑ ɡɛnɛ nǔu pʉɔ pí pɔ́p kɑ́ pɔ́ pɑyúdɑ pɔ́. Yîyɑ́ nu pɔ́ ŋɡɔ tɛ ɛ́fú nzɛnɛ, Sɛ́ zɑ́p ŋɡɔ ɑ ɡʉ ŋ́ɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńtsɔ́Ꞌ pʉɔ ńdɔk ŋ́ɡɛ pʉɔ pí pɔ́p pɛ́.»

ŊwɑꞋnɛ-Gɑŋntúu Yɛ́su Kɛlístɔ 15:18

Ɛ́ pɔ́ mɛnu mí ɑ kɑ lɑ́Ꞌmɔ́ ŋ́ɡɛ pɛ́ jí.

ŊwɑꞋnɛ-Gɑŋntúu Yɛ́su Kɛlístɔ 18:11

Pɔ̂l tswɛ́ Kɔlɛ̂ŋntɛ tɑ́Ꞌ ŋɡuꞋ nɛ́ pɛsɑŋ pɛ́nɛ́túkú, ḿbɔ́ ńzíꞋ pʉɔ nɛ́ nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 18:9

Ɛ́ pɔ́ yɛcɔ́ nɛtúꞋ, Tsɑpʉɔ cú ńníɛꞋ mík-Pɔ̂l ńcú mbɔ̌ wɛ́ tsɛt njʉɔ ŋɡɔ: «Pɑ́ɑ nɛcʉɔꞋ! Sẅíi nu yɑ́ɑ sẅíinɛ, kɔɔ nɑ́Ꞌ,

Pʉɔ-Lɔ́mɑ 8:31

Mbɔ pɛkŋɛ pɛn ŋ́kẅiꞋ kʉ̈ɔ́ nǔu nu yi pɛkŋɛ cúnɛ lɑɑ? Pɑ́Ꞌ Sɛ́ lɑɑ ḿbɔ́ nǔu yɛkŋɛ ɡúŋ, mbɔ wɔ̌ pɛn ŋ́kuꞋ nǔu pɛkŋɛ?

2 Kɔlɛ̂ŋtɛ 12:9

ḿbúꞋ mbɔ́ mbɔ̌ wɛ́ pɔ́Ꞌɔ, ɑ tsɔ́Ꞌ ŋɡɔ, mɔ sɛ́ ńdíŋɛ wú, ńcẅɛ́lɛ wú, yú kuꞋ pɔ́Ꞌɔ, mbíꞋŋɡɔ ɔ pɔ́ tɛ ḿbɔ́ ḿbɔ́t pɔ́tnɛ lɑ ńdɔk ŋ́ɡɑ́ shʉ́ pɑ́Ꞌ mɑ́ɑ mɛtʉʉ ɡʉ tsuŋ ɛ́fɑꞋ. Ɛ́ yɛ́tɛ́ lɑ́ ŋ kɔŋ nɛpiitɛ ńdɔk pɑ́Ꞌ ḿbɔ́t pɔ́tnɛ ŋ́kɑꞋmɛ. Pɔ́Ꞌɔ, ńjí ŋɡɔ mɛtʉʉ-Kɛlístɔ ɡʉ ńtɔ́ ḿbɔ́ nǔu mɔ.

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

2 Timɔtɛ́ɛ 4:22

Tsɑpʉɔ pɔ́ nɛ́ ɡu! Ḿbɔ́ ńníꞋ mbɔ́tnɛ yɛ́ tʉ́m pʉʉ pɛtsʉʉ.