ŊwɑꞋnɛ-Gɑŋntúu Yɛ́su Kɛlístɔ 17:5 - Kɑɑ Fí

⁵ Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 17:5 교차 참조

Mɑtʉ̈ɔ 27:18

Pilɑtɔ kɑ pɔ́ ńcú pɔ́Ꞌɔ, mbíꞋŋɡɔ ɑ ńtsuŋ ḿbɔ́ ńjí ŋɡɔ pɛ́ kɔ́Ꞌ pɔ lɔ́ŋ nǔu Yɛ́su lɑ ɛ́fɛn wɛ́.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:2

Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 17:13

Lɑ́ pɑyúdɑ pɛ́ Tɛsɑlɔnik nɑ́ŋ tɛ ńzúꞋ pɑ́Ꞌ Pɔ̂l Mbɛlɛ́ɛ, ḿbɔ́ ŋ́kẅiꞋ ɛ́sẅíi nu-Sɛ́, ńnɑ́ɑtɛ ńtɔ́ zúꞋu, ńzɛ nɛmɑꞋ vɑꞋ ńdɔk ńníꞋ mɛtʉʉ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 17:6

ŋ́kúu zúꞋu, ḿbɔɔ wɔ́p jʉ́ɔ, ŋ́ɡẅɛɛ Jɑ́sɔŋ pɔ́p pɛcɔ́ pɔ́ɔpɛ́mɑ́ ńdɔk wɔ́p ŋ́ɡʉ tɛ ŋ́kúu mbi pɑsɑ́Ꞌlɑ́Ꞌ, pɑyúdɑ lɔk ŋɡi tɛnnɛ ńcú ŋɡɔ: «Pʉɔ pɔnɛ mɑꞋ vɑꞋ zʉꞋ tsʉʉ. Ɛ́ pʉ́ɔlɑ́ pɔ́p lɔknɛ ńtɔ́ tɛ ŋ́kúu zɑꞋnɛ lɑɑ!

ŊwɑꞋnɛ-Gɑŋntúu Yɛ́su Kɛlístɔ 17:7

Jɑ́sɔŋ ŋkɛmɑ́ɑ ŋ́kúkŋɛ wɔ́p njɛ́Ꞌ yɛ́. Pɔ́p sɛ́ ḿbɔ́ ŋ́ɡwɑ́k nɛpʉ́ʉ-Kɑ́sɑ, ńcú ŋɡɔ wɛcɔ́ fɔɔ ɡú, pɛ́ fúŋ wɛ́ ŋɡɔ Yɛ́su.»

ŊwɑꞋnɛ-Gɑŋntúu Yɛ́su Kɛlístɔ 17:9

Ɛ́ pɔ́ tɛ pɑsɑ́Ꞌ lɑ́Ꞌ píkŋɛ mbɔ̌ Jɑ́sɔŋ pɔ́p pɛcɔ́ pɔ́ɔpɛ́mɑ́ ŋɡɔ pɔ́p nɔŋ mbʉɔꞋ-ŋkɑ́p sɛ́ lɑ́ pɛ́ nɑ́ wɔ́p. Ɛ́ pɔ́ ŋkɑ́p yi vɑꞋ lɑɑ ḿbɛn ḿvu tʉ́sɔŋ pɔ́p pɛ́ yiyɑ́ ŋkɑ́p.

ŊwɑꞋnɛ-Gɑŋntúu Yɛ́su Kɛlístɔ 18:12

Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,

ŊwɑꞋnɛ-Gɑŋntúu Yɛ́su Kɛlístɔ 19:40

mbɔ pʉʉ ɡɛ pɑ́Ꞌɑ tɛ pɛ́ zɑ́p ntsɑŋ tú pɛkŋɛ ŋɡɔ pɛkŋɛ mɑꞋ vɑꞋ. Pɔ́Ꞌɔ, ɛ́fú nǔu mɛnu mi ɛ́ ɡɛnɛ lɔ́Ꞌnɛ. MbíꞋŋɡɔ pɛ́ lɑɑ ḿbíkŋɛ wɛkŋɛ, pɛkŋɛ pɔɔ kuꞋ nɛsẅíi yúu mi ɛ́ ɡɛnɛ lɑ́ lɑ́Ꞌ ŋɑ́ɑmɛ zɑꞋnɛ ndɛn wɔ pɔ́.»

ŊwɑꞋnɛ-Gɑŋntúu Yɛ́su Kɛlístɔ 7:9

«Pɛmɑ̂ɑŋɡɑpnjẅɛt pɛkŋɛ ɡɛ ńdíŋɛ mɔ́ɔmɑ́ wɔp Yɔsɛ̂p ŋ́kɛ́n wɛ́ tɛ ɛ́fɛn wɛ́. A tsʉ́Ꞌ ŋkwɑɑ tsɛt ŋɡɔŋ-Ɛɡíptɔ.» Lɑ́ Sɛ́ kɛ́ ḿbɔ́ nɛ́ jʉ́,

Pʉɔ-Lɔ́mɑ 16:21

Timɔtɛ̂ɛ ẅí pɛknɛ fɑꞋnɛ, cɛꞋlɛ wʉ́ʉ. Lusius mbɑ Jɑsɔn mbɑ Sɔsipɑtɛɛ, pi pɛk pɛpɔ́p tɛmtɛ ḿbɔ́ pɑyúdɑ pɔ́p cɛꞋlɛ wʉ́ʉ ɡúu.

1 Kɔlɛ̂ŋtɛ 3:3

mbíꞌŋɡɔ mbʉʉ yʉ́ʉ pɛ́t ɛ́sɑ́Ꞌ wʉ́ʉ, kɛ́ɡʉ̈ɔꞋ zɛɛ ḿbɛ́t ḿbɔ́ pɔ tsɛtsɛt pʉʉ, pʉʉ pɛ́t ńzɔŋ nu zɔŋnɛ. Mbʉʉ yʉ́ʉ kɑ́nɛ pɔ́ ńdɔk ḿbɛ́t ɛ́sɑ́Ꞌ wʉ́ʉ pɔ́ ɔɔ? Pʉʉ kɑ́ pɔ́ ńdɔk pɔ́Ꞌɔ, ḿbɛ́t ŋ́ɡɛ pɔ pɑ́Ꞌ pʉɔ ndǔmbí ɡɛnɛ pɔ́ ɔɔ?

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

Ŋɡɑlɑ̂t 5:26

Kɔɔ pɛkŋɛ ŋɑ́Ꞌtɛ mbʉʉ, Kɔɔ pɛkŋɛ tɑ́k fɛꞋ tsɛtsɛt pɛkŋɛ, kɔɔ pɛkŋɛ ɡẅɛɛ kɛ́ɡʉ̈ɔꞋ tsɛtsɛt pɛkŋɛ. A 5.9 ɛ́ pɔ́ ŋɡɔ: Mɔ́zʉꞋ fɛntɛ ɡɛ fɑlîn tsɛpnɛ kɔ́Ꞌ.

1 Tɛsɑlɔník 1:6

Pʉʉ kɑ pɛ́ɛ fʉꞋ nǔu pɛk, mbɑ nǔu Tsɑpʉɔ. Pɛ́ zɛɛ ḿbɔ́ ńnyɛt wʉ́ʉ nɛ́ ŋɡʉ̈ɔ́Ꞌ tɛꞋ lɑ́, pʉʉ lɔk tsɑ́ɑtɛ yí ɛ́ fúnɛ mbɔ̌ Zẅikŋɛ Lɛ́ɛnɛ́nɛ, ḿbɛ́m sẅiŋɛ-tsɑpʉɔ.

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?