27 Sɛ́ ɡɛ pɔ́Ꞌɔ, nɛpɔ́ yi pʉɔmɛsɔŋ ɡʉ ńdɔɔ wɛ́. Tɛ mbɑ pɑ́Ꞌ pɔ́p lɑɑ ńdɔɔ wɛ́ pɔ ŋkẅɛpmɛ ŋkẅɛpmɛ, mbɔ lɛ́Ꞌcɔ́ pɔ́p kɛ́ ńjʉ́ɔ wɛ́ jʉ́ɔnɛ. Pɛkŋɛ zɛɛ ŋ́ɡɔ ńnɑ́ŋ pɑ́Ꞌɑ, ɑ zɛɛ ḿbɔ́ nɛjɔ́ŋ mbɑ wɔ̌ lɑ́ tsɛtsɛt pɛkŋɛ.
Lɑ́, Sɛ́ kɛ ḿbɔɔ nɑ́ kɛ́ lɔk mɛfɑꞋ sʉ́Ꞌnɛ mɛ́ ńnyɛt wɔ́p ŋɡɔ ɑ ɡú pɔ́, ḿbɔ́ ɛ́fú tʉ́nɛ́pú ńtúu mbʉŋ mbɔ̌ pɔ́p, ŋ́ɡɛ yúu zɛ́m, pɔ́p lɑk nǔu ŋkɑ́ yi ɛ́ sɛ́ ḿbíkŋɛ. A lɔk ŋ́ɡɛ pɔ́p ɡẅɛɛ yúu pɛjʉ́ tɛ tʉ́m yɔ́p pɔŋ, ḿbɛn ńnɑ́ŋ ńtsɑ́ɑtɛ tsɑ́ɑtɛnɛ.»
Pʉɔ pí pɔ́p kɑ́ pɔ́ pɑyúdɑ pɔ jʉ́ɔ pɔ́Ꞌɔ, ńdɔɔ Tsɑpʉɔ. Ɔ́ɔŋ, n cú túu nɛ́ túu yi mɔ ŋ́ɡɛ ɛ́fúŋ wɔ́p ŋɡɔ pɔ́p tsʉ́Ꞌ pʉɔ pɑ́ɑ. Mɔ Tsɑpʉɔ Sɛ́ cúnɛ pɔ́Ꞌɔ. A lɔk pɑ́Ꞌɑ ŋ́ɡɛ mɛnu mí ɑ kɑ zɑ́pnɛ.
Ɛ́ zɛɛ ŋ́ɡɔ́ ḿbɔ́, mbɔ tɛ fúnɛ pɑ́Ꞌ Sɛ́ kɑ niitɛ́nɛ ndǔmbí, pɛ́ fú pɔ nǔu yúu mi ɑ kɑ niitɛ́nɛ, ńjí ŋɡɔ ɑ Sɛ́, tɛ mbɑ pɑ́Ꞌ pɛ́ kɑ́ pɔ́ ńjʉ́ɔ wɛ́ nɛ́ mík pɔ́. Pɛ́ jí mɛtʉʉ mɛ́ mi ɛ́ ŋ́ɡʉ ńdɑ́Ꞌ ḿmɛ pɔ́. Ɛ́ lɛɛ pɔ́Ꞌɔ, mbɔ pʉɔmɛsɔŋ pɔɔ lɑ́Ꞌ ńcú ŋɡɔ pɔ́p ŋkɑɑ ḿbɔ́ ńjí Sɛ́ pɔ́ pɔ́.
Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?
