ŊwɑꞋnɛ-Gɑŋntúu Yɛ́su Kɛlístɔ 17:24 - Kɑɑ Fí

²⁴ Sɛ́ ẅi ɑ kɑ niitɛ́nɛ mbí ŋ́ɡɛ yúu mi ɛ́ tsɛtú. Jʉ́ pɔ́nɛ Tsɑpʉɔ tʉ́nɛ́pú mbɑ ndǔ tsɛ́tsɑ́Ꞌ. A lɔɔ ńtswɛ́ tsɛt mɛzʉꞋ-sɛ́ mi pʉɔmɛsɔŋ lɔknɛ mbɔ́ mɔ́p ŋ́kút pɔ́.

ŊwɑꞋnɛ-Gɑŋntúu Yɛ́su Kɛlístɔ 17:24 교차 참조

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 5:34

Lɑ́, n cúnɛ mbɔ̌ pʉʉ ŋɡɔ: «Kɔɔ pʉʉ cú nu tɛ ńdɔk lík-Sɛ́ ŋ́kɑɑ. Kɔɔ pʉʉ lɔk tʉ́nɛ́pú ŋ́kɑɑ, mbíꞌŋɡɔ ɛ́ zʉꞋ kɔꞋ-nɛfɔɔ-Sɛ́.

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

Jɑ̂ŋ 1:1

Píimbí kɑ ɡɔ́ ńzɛ, sẅiŋɛ pɔ́ pɔ ɡú, yîyɑ́ sẅiŋɛ pɔ́p Sɛ́ m̄bɔ́nɛ ɡú. Ɛ́ pɛn ḿbɔ́ pɔ Sɛ́.

ŊwɑꞋnɛ-Gɑŋntúu Yɛ́su Kɛlístɔ 14:15

«Pɛsúu pɛk, pʉʉ lɔɔ nɛɡɛ kʉ̈ɔ́ pɑ́Ꞌɑ? Pɛk kɛ́ ḿbɔ́ pɔ pʉɔmɛsɔŋ pɑ́Ꞌ pʉʉ! Pɛk tɔ́ pɔ nɛcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉʉ, ɛ́ pɔ́ ŋɡɔ pʉʉ mɛꞋ mɛsɛ́ mʉ́ʉ mi ɛ́ kɑ́ kuꞋ yɛcɔ́ yúu pɔ́, ɛ́shɔtnɛ ńtɔ́ ŋ́kẅɛ́ɛtɛ Sɛ́ ẅi ɑ ntʉʉ. Jʉ́ kɑ ɡɛnɛ nɛpʉ́ pɔ́p tsɛ́tsɑ́Ꞌ, mbɑ ŋki Mi, tɛ mbɑ yúu tsʉʉ yí ɛ́ tsɛtú.

ŊwɑꞋnɛ-Gɑŋntúu Yɛ́su Kɛlístɔ 4:24

Pɔ́p zúꞋ pɔ́Ꞌɔ, ŋ́ɡɔ́ɔ ńcúꞋlɛ sɛ́ ńdɔk tɑ́Ꞌ ntsu ńzɛ nɛcɛꞋlɛ Sɛ́ ńcú ŋɡɔ: «Tsɑpʉɔ, ɡu kɑ niitɛ́nɛ nɛpú pɔ́p tsɛ́tsɑ́Ꞌ, ńniitɛ ŋki, ńniitɛ mbɑ kʉ̈ɔ́ lɑ́ yi ɛ́ nǔu mɔnɛ mɛzʉꞋ.

ŊwɑꞋnɛ-Gɑŋntúu Yɛ́su Kɛlístɔ 7:48

Ɛ́ kɛ́ ḿbɔɔ ńdɔk ńcú ŋɡɔ Sɛ́ ẅi ɑ piꞋnɛ mbɑ kʉ̈ɔ́ lɑ́ lɑɑ ḿbɔ́ ɑ nɑ́ŋ tsɛt zʉꞋ yi pʉɔmɛsɔŋ kútnɛ pɔ́. Wɛcɔ́ Ncẅiŋkʉʉ wɛ kɑ zɛɛ ńcú ŋɡɔ:

Pʉɔ-Lɔ́mɑ 1:19

mbíꞋŋɡɔ yúu mi mbɔ pɛ́ jí nǔu Sɛ́, pɔ́p pɛn ḿbɔ́ ńjí yɔ́p. Sɛ́ kɑ sɑ́ɑnɛ sɑ́ɑnɛ́nɛ ńnyɛt wɔ́p nɛ́ yúu ɛ̂mɑ́.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

Ɛ́bɛlʉʉ 3:4

Mbɑ yɛ́tɛ́ ndɑ́ lɑ́ zɛɛ ŋ́ɡẅɛɛ ŋu ẅí ɑ kɑ kútnɛ, lɑ́ ŋu ẅí ɑ kɑ ɡɛnɛ yúu tsʉʉ ɑ Sɛ́.

Mɛnu ɛ́ ńdɑ́Ꞌ ńcẅɛt 20:11

M bɛn ńjʉ́ɔ yɛcɔ́ mɑ́mɑ́ kɔꞋ-nɛfɔɔ tʉ́ʉ, ḿbɔ́ fúfú, n jʉ́ɔ mbɑ ŋu ẅí ɑ nɑ́ŋnɛ ndǔ. Tsɛ́tsɑ́Ꞌ pɔ́p nɛfɑŋ puu ɛ́fú mbi yɛ́ ŋ́kʉɔ. Yɔ́p zʉꞋ pɔɔ pɛn ḿbɔ́ zúꞋu pɔ́.