ŊwɑꞋnɛ-Gɑŋntúu Yɛ́su Kɛlístɔ 17:18 - Kɑɑ Fí

¹⁸ Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:18 교차 참조

Mɑ́lɛ́kúshi 9:14

Yɛ́su ɡɔ́ ḿbɛn nzʉʉ zʉꞋ yí pfuꞋ ɡɑŋku pɛ́ zúꞋu, ńjʉ́ɔ lɑ́Ꞌ tʉ̈ɔ́Ꞌlɛ wɔ́p ńníꞋ sɔŋ, ɡɑŋku pɛ́ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ zúꞋu ńzɔŋ yɛcɔ́ nu.

Lúkɑ́shi 11:53

Yɛ́su ɡɔ ɛ́fú ndɑ́ ńcẅɛt, pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́ mbi, ńtsʉ́ꞌ mbɔ́ ḿbíkŋɛ wɛ́ nɛ́ mɛnu pɔ ɛ́fyɛ́tnɛ fyɛ́tnɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 26:23

Pɛ́ kɑ cú ŋɡɔ, Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ŋ́ɡɛ ńtɔ́, ńjʉ́ɔ ŋɡʉ̈ɔ́Ꞌ, ŋɡɔ jʉ́ ɡʉnɛ ŋ́ɡɛ ḿbɔ́ nduŋmbi ŋu nɛzẅíimɛ nǔu nɛvú, ŋɡɔ jʉ́ ɡʉnɛ ŋ́ɡɛ ńcú sẅiŋɛ yi ɛ́ ɡʉ kyɛꞌ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́, pɔ́p luk.»

ŊwɑꞋnɛ-Gɑŋntúu Yɛ́su Kɛlístɔ 4:2

Nu tsuŋ ḿbɔ́ ḿbʉ́k wɔ́p tɛꞋ, mbíꞋŋɡɔ Pyɛ̂ pɔ́p Jɑ̂ŋ kɑ pɔ́ ńzíꞋ lɑ́Ꞌ ŋɡɔ Sɛ́ ɡʉ ŋ́ɡɛ ńzẅíimɛ pʉɔ nǔu nɛvú pɔ ndʉ́ŋndʉŋ pɑ́Ꞌ ɑ kɑ zẅíimɛnɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 5:42

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 6:9

Pɛcɔ́ ntɑ́Ꞌ pʉɔ ɡɛ ńzɛ nɛzɔŋ nu yí Ɛtiyɛ̂n cúnɛ. Yɛcɔ́ ɡúŋ pɔ́ pɑyúdɑ pi pɔ́p fúnɛ Silɛ̂nɛ mbɑ Alɛkzɑŋndɛlîi, ḿbɔ́ pʉɔ pi pɔ́p tsɛtsɛt ndɑ́-cúꞋlɛ yi pɛ́ kɑ pɔ́ ɛ́fúŋ ŋɡɔ: «Ndɑ́-cúꞋlɛ-Pɑcẅɛtndɑ́-kwɑɑ.» Yɛcɔ́ ɡúŋ pɔ́ pɑyúdɑ pi pɔ́p fúnɛ tsɛt ŋɡɔŋ-Silisî mbɑ nǔu pɑk-ŋɡɔŋ Azîi.

Pʉɔ-Lɔ́mɑ 1:22

Pɔ́p tɔ́ pɔ nɛsɑ́Ꞌ ŋɡɔ pɔ́p jí nu, ńtsʉ́Ꞌ pɛpɑ́lɛ́.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

1 Kɔlɛ̂ŋtɛ 4:10

Nu-Kɛlístɔ ɡɛ pɛk tsʉ́Ꞌ pɛpɑ́lɛ́. Lɑ́ ŋ́kɛ́ ŋ́ɡʉ nǔu pʉʉ, mbɔ pʉʉ kɑ kɛ́mɔ́ ńdɛɛ nǔu Kɛlístɔ ńjí nu. Pɛk pɔ́ pɛpɔ́t pʉɔ. Pʉʉ ɡẅɛɛ mɛtʉʉ. Pɛ́ ɡɛ mɛkuꞋ mʉ́ʉ, ḿbɛn ńtɔ́ nǔu pɛk ŋ́ɡwɑ́k wɛ́k ɡwɑ́knɛ.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.