12 Pʉɔ tɛ ńzɑ́ɑ tsɛtsɛt pɔ́p fú pɔ́Ꞌɔ, ńzɑ́p tʉ́m yɔ́p nǔu Yɛ́su. Tɛ mbɑ pɑŋɡɛ́-Ŋɡɛlɛ́k pinɛ pɔ́p ɡɑŋyúu, mbɑ mbɛ́ɛnɛ tɛ ńzɑ́ɑ pɛn ńzɑ́p yɔ́p.
Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.
Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,
Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.
Pɔ̂l pɔ́p Pɑnɛpɑ́ɑshi pɛtsʉʉ kúu Ikɔnyɔm, mɛnu pɛn ńdɛɛtɛ pɔ ndʉ́ŋndʉŋ pɑ́Ꞌ ɛ́ kɑ lɛɛtɛ́nɛ Antíyɔshɛ. Pɔ́p ɡʉ ndɑ́-cúꞋlɛ-pɑyúdɑ ɛ́sẅíi nu-Yɛ́su. Lɑ́ nɛzɑ́ɑ pɑyúdɑ, tɛ mbɑ pʉɔ pí pɔ́p kɑ́ pɔ́ pɑyúdɑ pɔ́ pɛ́m nu yɛ́.
Pɔ́p kɑ pɔ́ ŋ́ɡúꞋlɛ Sɛ́ tɛꞋ. Lɑ́Ꞌ tsʉʉ kɔŋ yɔ́p ntɛ́ nɛnɑ́ŋ. Ɛ́ pɔ́ lɛ́Ꞌ tsʉʉ, Tsɑpʉɔ pɔ́ ńdɔk pʉɔ pi ɑ ɡɛnɛ pɔ́p luk, ńdɔk ŋ́kẅiꞋ nɔɔ yɔ́p.
Pɔ́ɔpɛ́mɑ́, pʉʉ pi Sɛ́ kɑ tsɔ́Ꞌnɛ wʉ́ʉ, pʉʉ jʉ́ɔ ntɛ́ yi pʉʉ lɔknɛ ḿbɔ́, pʉɔ pi pɛ́ ndǔmbí ńjʉ́ɔ ŋɡɔ pɔ́p pɑjínu, pɔ́p kɑ́ pɔ́ tsɛtsɛt pʉʉ tɛ ńzɑ́ɑ pɔ́. Pɑɡẅɛɛ mɛtʉʉ kɑ́ pɔ́ tsɛtsɛt pʉʉ tɛ ńzɑ́ɑ pɔ́. Pɑfú nǔu mɛtsɛ́nndɑ́-pɛmɑ́ pʉɔ pɛn ŋ́kɛ́ mbɔɔ tsɛtsɛt pʉʉ tɛ ńzɑ́ɑ pɔ́.
Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.
Ẅi ɑ ŋɡɑŋyúu tsɑ́ɑtɛ yɛ́ mbíꞋŋɡɔ Sɛ́ kɑ kɔk ndɛn wɛ́, lɑ ɑ jí ŋɡɔ ɑ ɡʉ ńdɑ́Ꞌ ḿmɛ yɛ́ pɔ pɑ́Ꞌ tɔ̌ɔtɔ̌ɔ mɛ nǔu nɛɡíi lɑ́.
Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.
