ŊwɑꞋnɛ-Gɑŋntúu Yɛ́su Kɛlístɔ 17:11 - Kɑɑ Fí

¹¹ Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

ŊwɑꞋnɛ-Gɑŋntúu Yɛ́su Kɛlístɔ 17:11 교차 참조

Mɑtʉ̈ɔ 13:23

Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ nu-pʉɔ pínɛ pɔ́p zúꞋnɛ sẅíŋɛ-Sɛ́ tɛ ńtsuŋ ńzúꞋ. Pɔ́p pɑ́Ꞌ mɛtsɛ́n-yúu mi mɛcɔ́ ɡɑ́nɛ mɛmbɑŋ ŋkʉ, mɛcɔ́ ɡɑ́ mɛɡɛ́mɛ́nɛ́ntúkú, mɛcɔ́ ɡɑ́ mɛɡɛ́mɛ́ntɑ́t.

Lúkɑ́shi 1:2

ŋ́ŋwɑꞋnɛ kwɑꞋ pɑ́Ꞌ pʉɔ pi pɔ́p kɑ jʉ́ɔnɛ pɑ́Ꞌ nu yɔ kɑ zɛnɛ, ḿbɛn ńjʉ́ɔ pɑ́Ꞌ ɛ́ kɑ nɛnnɛ pɔ́Ꞌɔ.

Lúkɑ́shi 11:3

ḿbɔ́ lɛ́Ꞌ tsʉʉ, ŋ́ɡɑ́ yɛk yúu jʉ́ yi ɛ́ ɡɛ kuꞋ nǔu pɛk lɔ́Ꞌnɛ

Lúkɑ́shi 16:29

Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Pɔ́ɔpɛ́mɑ́ pú ɡẅɛɛ Mɔ̌sɛ̂ɛ, ḿbɛn ŋ́ɡẅɛɛ mɛ pɛŋɡɛ́mndʉ̈ɔ́Ꞌ-Sɛ́. Pɔ́p zúꞋ wɔ́p.»

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Jɑ̂ŋ 3:21

Lɑ́, ŋu ẅí ɑ sɛ́ ńnɛn nǔu sɛ̂ndúŋ-nu-nɛ́nẅín, ɑ ńtɔ́ zʉꞋ yí kyɛꞌ zúꞋu, ńjí ŋɡɔ pɛ́ ɡʉ ńjʉ́ɔ ŋɡɔ ŋɡɛnɛ mɛnu mɛ́ fú pɔ nǔu pɑ́Ꞌ ɑ sɛ́ ńzúꞋ ntsu-Sɛ́.

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

ŊwɑꞋnɛ-Gɑŋntúu Yɛ́su Kɛlístɔ 11:1

Gɑŋntúu-Yɛ́su, pɔ́p pɔ́ɔpɛ́mɑ́ pi pɔ́p Judɛ̂ lɛɛ tɛ ńzúꞋ pɛ́ pɔ́ ńcú ŋɡɔ, Pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ ḿbɛ́m yɔ́p nu-Sɛ́.

ŊwɑꞋnɛ-Gɑŋntúu Yɛ́su Kɛlístɔ 17:1

Pɔ̂l pɔ́p Sílɑs lɔ sɛ́ ńdɛɛ wɛ́ tʉ́sɔŋ-Afípɔlíyɑ mbɑ wɛ́ Apɔlɔ́nîi, ŋ́ɡʉ tɛ ŋ́kúu tʉ́sɔŋ-Tɛsɑlɔ́ník, ńjʉ́ɔ tɑ́Ꞌ ndɑ́-cúꞋlɛ-pɑyúdɑ pɔ́ zúꞋu.

ŊwɑꞋnɛ-Gɑŋntúu Yɛ́su Kɛlístɔ 2:41

Pʉɔ tɛ ńzɑ́ɑ kɑ zúꞋ nu yí Pyɛ̂ cúnɛ, ḿbɛ́m, pɛ́ nuꞋ wɔ́p ŋki. Pɛ́ kɑ nuꞋ pʉɔ ŋki lɛ́Ꞌ ɛ̂yɑ́ tɛ mbɔ ɛ́ pɔ́ yúu ntsɑ́Ꞌ yɛ́tɑ́t. Pɔ́p kẅiꞋ tsɛtsɛt pɑpɛ́m Yɛ́su.

1 Tɛsɑlɔník 1:6

Pʉʉ kɑ pɛ́ɛ fʉꞋ nǔu pɛk, mbɑ nǔu Tsɑpʉɔ. Pɛ́ zɛɛ ḿbɔ́ ńnyɛt wʉ́ʉ nɛ́ ŋɡʉ̈ɔ́Ꞌ tɛꞋ lɑ́, pʉʉ lɔk tsɑ́ɑtɛ yí ɛ́ fúnɛ mbɔ̌ Zẅikŋɛ Lɛ́ɛnɛ́nɛ, ḿbɛ́m sẅiŋɛ-tsɑpʉɔ.

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

2 Tɛsɑlɔník 2:10

A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.

Jɑ̂k 1:21

Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.