33 Pɔ ŋkɑ́ yîyɑ́ ŋkɑ́ yîyɑ́, pɔ kwɑꞋ nɛtúꞋ ɛ̂wɑ́, mbyɛ́p ndɑ́tsɑ́ŋ lɔk wɔ́p ŋ́kúu tsɛt wɛcɔ́ lûmndɑ́, ɛ́suk mɛfʉ́ŋ mɔ́p, ńcɔꞋ. Pɔ́p ɡɔ́ɔ ńnuꞋ wɔ́p njẅɛtndɑ́ yɛ tsɛt ŋki.
ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.
Yɛ́su zúꞋ, ńcú ŋɡɔ: «Sɛ́ ɡɛ yɔ ndɑ́ luk lɔ́Ꞌnɛ, mbíꞋŋɡɔ Sɑkíyɔ pɛn ḿbɔ́ yɛ́ wɛcɔ́ mɔ́ɔ-Ábɛlɛhɑ̂m!
Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.
Pɛ́ tswɑ́ɑ wɔ́p kwɑꞋ sʉ́Ꞌnɛ, ŋ́ɡʉ ḿmɑꞋ wɔ́p ndɑ́tsɑ́ŋ, ńcú mbɔ̌ mbyɛ́p ndɑ́tsɑ́ŋ ŋɡɔ ɑ niitɛ ḿbyɛ́p wɔ́p kwɑꞋ sʉ́Ꞌnɛ.
Tʉʉ túꞋ ɡɛ ḿbɔ́ ŋ́kuꞋ, Pɔ̂l pɔ́p Sílɑs pɔ́ ńcɛꞋlɛ Sɛ́, ńzɔp ŋki ńdɔk ŋ́ɡúꞋlɛ wɛ́. Pɛcɔ́ ɡɑŋtsɑ́ŋ pɔ́ ńzúꞋ,
Pɔ̂l pɔ́p Sílɑs sẅíi nu-Tsɑpʉɔ mbɔ̌ pɔ́p pɛ́ njẅɛtndɑ́ yɛ́.
Ɔ́ɔŋ, n dikŋɛ kʉ̈ɔ́, kɔꞋndɑ́-Stɛfɑnɑs kɑ pɛn ńcẅɛ́ɛ ŋki mbɔ̌ mɔ, ɛ́ kɑ́ pɔ́ ndɑꞋ pɔ́Ꞌɔ pɔ́, mbɔ mɔ ŋ́kɑɑ pɛn ńjí wɛcɔ́ ŋu tsɛtsɛt pʉʉ ẅi ɑ kɑ cẅɛ́ɛnɛ ŋki mbɔ̌ mɔ pɔ́.
Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.
MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.
Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.
