ŊwɑꞋnɛ-Gɑŋntúu Yɛ́su Kɛlístɔ 16:19 - Kɑɑ Fí

¹⁹ Pʉɔ pí pɔ́p kɑ zúunɛ wɛ́, jʉ́ɔ ŋɡɔ pɔ́p kɑ́ pɛn ŋ́kuꞋ nɛlɔk wɛ́ ńdɛp ŋkɑ́p pɔ́, ŋ́ɡɔ́ɔ ŋ́kɛ́ ŋ́ɡẅɛɛ Pɔ̂l pɔ́p Sílɑs, ɛ́shuŋ wɔ́p ńdɔk ŋ́ɡʉ ndǔ zɑ́n.

ŊwɑꞋnɛ-Gɑŋntúu Yɛ́su Kɛlístɔ 16:19 교차 참조

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:5

Pɑyúdɑ mbɑ pʉɔ pí pɔ́p kɑ́ pɔ́ pɑyúdɑ pɔ́, pɔ́p pɛkɛ́m-lɑ́Ꞌ pɔ́p, zɑ́p ŋɡɔ pɔ́p ɡʉ ńdɔk mɛtʉʉ ŋ́kúu nǔu, ńtɛ́m ɡɑŋntúu-Yɛ́su-ɛ̂pɑ́ nɛ́ mɛŋɡɔꞋ ńjẅí.

ŊwɑꞋnɛ-Gɑŋntúu Yɛ́su Kɛlístɔ 15:22

Gɑŋntúu-Yɛ́su, pɔ́p pɑcẅɛ́ɛ mbi ŋ́ɡɛ ŋɡɔŋ mɛcúꞋlɛ-pʉɔ-Kɛlístɔ tsʉʉ mi ɛ́ Yɛlúsɑlɛm ɡɔ́ɔ ŋ́kɛ́ ńzɑ́p ŋɡɔ ɛ́ pɔŋ pɛ́ ɡʉ tsɛtsɛt pɔ́p, ńtsɔ́Ꞌ pɛcɔ́ ntɑ́Ꞌpʉɔ, ńtúu wɔ́p pɛ́ Pɔ̂l pɔ́p Pɑnɛpɑ́ɑshi Antíyɔshɛ. Ŋkwɑŋɛ pɔ́Ꞌɔ ńtsɔ́Ꞌ Jẅidɛ ẅí pɛ́ pɛnnɛ ɛ́fúŋ wɛ́ ŋɡɔ Mbɑlsɑbɑs, ḿbɛn ńtsɔ́Ꞌ Sílɑs. Pʉɔ pɔnɛ pɛ́pɑ́ pɔ́ pʉɔ pi pɔ́p cúnɛ nu pɛ́ zúꞋ.

ŊwɑꞋnɛ-Gɑŋntúu Yɛ́su Kɛlístɔ 15:26

ɛ́ pʉɔ pi pɔ́p kɑ pɛ́mnɛ nɛpfú ntɛ́ nu-Tsɑpʉɔ wɛkŋɛ Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 15:40

Pɔ̂l tsʉ́Ꞌ ńtsɔ́Ꞌ yɛ́ Sílɑs, pɔ́pmɛ ɡɔ́ ŋ́ɡʉ, pɔ́ɔpɛ́mɑ́ fɛ́ɛ wɔ́p mbɔ̌ Tsɑpʉɔ ŋɡɔ ɑ cẅɛ́lɛ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 16:16

Pɛk fú lɛ́Ꞌ ɛ̂yɑ́ ńcẅɛt ḿbɔ́ ŋ́ɡʉ zʉꞋ yi pɛ́ cɛꞋlɛ́nɛ Sɛ́ zúꞋu, wɛcɔ́ mɔ́ɔ mɑŋɡɛ́ ẅi ɑ ḿbɔ́nɛ ŋkwɑɑ tɔ́ ńzɑ́Ꞌ wɛ́k. Mbɔ yɛcɔ́ zẅikŋɛ kɛpɔŋ kɑ kúu nǔu wɛ́, ŋ́ɡɛ ɑ kuꞋ nɛsẅíi pʉɔ nɛ́ mɛnu mi ɛ́ ɡʉ ńtɑ́ɑ lɑ́ ŋ́ɡɛ wɔ́p. Pɑzúu wɛ́ pɔ́ ńdɔk wɛ́ ńdɛp ŋkɑ́p tɛ ɛ́ zɑ́ɑ zɑ́ɑnɛ.

ŊwɑꞋnɛ-Gɑŋntúu Yɛ́su Kɛlístɔ 16:20

Ńtík wɔ́p mbi pɑsɑ́Ꞌlɑ́Ꞌ ńcú mbɔ̌ pɑlɔ́mɑ pí pɔ́p kɑ pɔ́nɛ ɛ́sɑ́Ꞌ lɑ́Ꞌ ŋɡɔ: «Pʉɔ pɔnɛ sɛ́ ḿmɑꞋ tɑkŋɛ tsɛt tʉ́sɔŋ yɛkŋɛ, ḿbɛn ḿbɔ́ pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 16:25

Tʉʉ túꞋ ɡɛ ḿbɔ́ ŋ́kuꞋ, Pɔ̂l pɔ́p Sílɑs pɔ́ ńcɛꞋlɛ Sɛ́, ńzɔp ŋki ńdɔk ŋ́ɡúꞋlɛ wɛ́. Pɛcɔ́ ɡɑŋtsɑ́ŋ pɔ́ ńzúꞋ,

ŊwɑꞋnɛ-Gɑŋntúu Yɛ́su Kɛlístɔ 16:29

Mbyɛ́p ndɑ́tsɑ́ŋ zúꞋ ńcú pɛ́ lɔk kyɛꞌ ńtɔ́. A lɔk ŋ́kʉɔ ŋ́kúu tsɛt ndɑ́tsɑ́ŋ. Ḿbɔ́ ńcʉ̈ɔꞋ tɛ ŋ́ɡwɛt ɡwɛtnɛ, ńcúŋ ńnɔɔ mɛku-Pɔ̂l pɔ́p Sílɑs,

ŊwɑꞋnɛ-Gɑŋntúu Yɛ́su Kɛlístɔ 17:6

ŋ́kúu zúꞋu, ḿbɔɔ wɔ́p jʉ́ɔ, ŋ́ɡẅɛɛ Jɑ́sɔŋ pɔ́p pɛcɔ́ pɔ́ɔpɛ́mɑ́ ńdɔk wɔ́p ŋ́ɡʉ tɛ ŋ́kúu mbi pɑsɑ́Ꞌlɑ́Ꞌ, pɑyúdɑ lɔk ŋɡi tɛnnɛ ńcú ŋɡɔ: «Pʉɔ pɔnɛ mɑꞋ vɑꞋ zʉꞋ tsʉʉ. Ɛ́ pʉ́ɔlɑ́ pɔ́p lɔknɛ ńtɔ́ tɛ ŋ́kúu zɑꞋnɛ lɑɑ!

ŊwɑꞋnɛ-Gɑŋntúu Yɛ́su Kɛlístɔ 21:30

VɑꞋ puu ńjʉ́ tʉ́sɔŋ tsʉʉ. Lɑ́Ꞌ fú mɛshʉ́ mɛshʉ́ ńnɑ́ɑtɛ ŋ́kʉɔ ńtɔ́. Pɔ́p kẅiꞋ ŋ́kúꞋlɛ Pɔ̂l, ɛ́shuŋ wɛ́ ńdɔk ɛ́fú tsɛt ZʉꞋ-nɔŋpɔꞋ ńcẅɛt tɛ ŋ́kúu píi, pɛ́ ɡɔ́ɔ ńjʉ́ɔꞋ mɛtsupuꞋ.

ŊwɑꞋnɛ-Gɑŋntúu Yɛ́su Kɛlístɔ 8:3

Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

2 Kɔlɛ̂ŋtɛ 6:5

kɛ pɔ ŋkɑ́ yi pɛ́ sɛ́ ńtswɑ́ɑ wɛ́k ɔɔ, kɛ pɔ ŋkɑ́ yi pɛ́ níꞋnɛ wɛ́k tsɑ́ŋ ɔɔ, kɛ pɔ ŋkɑ́ yi pɛ́ tsʉ́ʉnɛ́nɛ lɑ́Ꞌ ḿmɑꞋ nzʉʉ pɛk ɔɔ, kɛ nǔu ŋkɑ́ yi pɛk tʉ́ʉnɛ nǔu mɛfɑꞋ mi ɛ́ tɛn tɛnnɛ ɔɔ, kɛ nǔu ŋkɑ́ yi pɛk sɛ́ ńdɛ́ kɛ́ lɛ́ ɔɔ, mbɑ nǔu ŋkɑ́ yi pɛk sɛ́ ńnɑ́ŋ kɛ́ ŋ́kwɛ́t yúu.

Filipɛ 1:30

Yîyɑ́ ŋɡʉ̈ɔ́Ꞌ ɛ́ ntsɔ ẅí pʉʉ sɛ́ ḿmɑꞋ, mbɔ pʉʉ kɑ jʉ́ɔ pɑ́Ꞌ m mɑꞋnɛ yɑ́ɑ. Mɔ sɛ́ ḿbɛ́t ḿmɑꞋ pɔ wɛ́tɛ́.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

1 Timɔtɛ́ɛ 6:10

MbíꞋŋɡɔ nɛtsɑ́ɑ pɔ nɛɡẅɛɛ ŋkɑ́p, ɛ́ lɔk mɛnu ntɛ́ nɛ́ ntɛ́ ńtɔ́. Pɛcɔ́ pʉɔ tsɛtsɛt pɔ́p kɑ ḿmɛꞋ mɔ́ mbʉʉ yɔp nǔu nu-ŋkɑ́p, ɛ́fɑɑnɛ sɛ̂ndúŋ, mbɔɔ pɛn ńzɑ́p tʉ́m nǔu Sɛ́ pɔ́, ńdɔk ɛ́fúŋ ŋɡʉ̈ɔ́Ꞌ zɑ́ɑnɛ ńníꞋ nǔu pɔ́p.

Jɑ̂k 2:6

Lɑ́ ŋ́ɡʉ nǔu pʉʉ, mbɔ pʉʉ kɑ cɔŋ ndɛn-pɛpúŋ. Lɑ́ pɛɡɑŋyúu kɑ́ pɔ́nɛ ɛ́fíɛt wʉ́ʉ pɔ́ ɔɔ? Pɔ́p kɑ́ pɔ́nɛ ńdɔk wʉ́ʉ ńnɛn mɛndɑ́tsɑ́ŋ pɔ́ ɔɔ?