ŊwɑꞋnɛ-Gɑŋntúu Yɛ́su Kɛlístɔ 16:16 - Kɑɑ Fí

¹⁶ Pɛk fú lɛ́Ꞌ ɛ̂yɑ́ ńcẅɛt ḿbɔ́ ŋ́ɡʉ zʉꞋ yi pɛ́ cɛꞋlɛ́nɛ Sɛ́ zúꞋu, wɛcɔ́ mɔ́ɔ mɑŋɡɛ́ ẅi ɑ ḿbɔ́nɛ ŋkwɑɑ tɔ́ ńzɑ́Ꞌ wɛ́k. Mbɔ yɛcɔ́ zẅikŋɛ kɛpɔŋ kɑ kúu nǔu wɛ́, ŋ́ɡɛ ɑ kuꞋ nɛsẅíi pʉɔ nɛ́ mɛnu mi ɛ́ ɡʉ ńtɑ́ɑ lɑ́ ŋ́ɡɛ wɔ́p. Pɑzúu wɛ́ pɔ́ ńdɔk wɛ́ ńdɛp ŋkɑ́p tɛ ɛ́ zɑ́ɑ zɑ́ɑnɛ.

ŊwɑꞋnɛ-Gɑŋntúu Yɛ́su Kɛlístɔ 16:16 교차 참조

ŊwɑꞋnɛ-Gɑŋntúu Yɛ́su Kɛlístɔ 16:13

Lɛ́Ꞌnji-pɑyúdɑ pɔ́, pɛk fú tʉ́sɔŋ ńcẅɛt, ŋ́ɡʉ tɛ ŋ́kúu mbʉʉ yɛcɔ́ ŋki, ḿbɔ́ ŋ́kwɑŋɛ yɛ́k pɔ ŋɡɔ pɛk ɡʉ ŋ́ɡʉ tɛ ŋ́kúu zúꞋu, ɛ́ ɡɛ ŋɡɔ́ku ɔɔ pɛk jʉ́ɔ zʉꞋ yí pɑyúdɑ cúꞋlɛ́nɛ zúꞋu ńcɛꞋlɛ Sɛ́. Ŋ́kẅɛ́ɛtɛ pɛcɔ́ pɑŋɡɛ́ zúꞋu, ńnɑ́ŋ yɛ́k sɛ́ ńcú nu-Sɛ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 16:18

A kɛ́ ŋ́ɡɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɔ̂l ɡɑɑpɛ tsɛtsɛt ńzɑ́ŋ lɔ́ŋ, ɛ́shɔtnɛ ńcú mbɔ̌ zẅikŋɛ kɛpɔŋ ŋɡɔ: «N dɔk lík-Yɛ́su Kɛlístɔ ńcú ŋɡɔ ɔ fú nǔu mɑŋɡɛ́ wɑ́ ńcẅɛt!» Zẅikŋɛ kɛpɔŋ ɡɔ́ɔ ɛ́fú nǔu wɛ́ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 16:19

Pʉɔ pí pɔ́p kɑ zúunɛ wɛ́, jʉ́ɔ ŋɡɔ pɔ́p kɑ́ pɛn ŋ́kuꞋ nɛlɔk wɛ́ ńdɛp ŋkɑ́p pɔ́, ŋ́ɡɔ́ɔ ŋ́kɛ́ ŋ́ɡẅɛɛ Pɔ̂l pɔ́p Sílɑs, ɛ́shuŋ wɔ́p ńdɔk ŋ́ɡʉ ndǔ zɑ́n.

ŊwɑꞋnɛ-Gɑŋntúu Yɛ́su Kɛlístɔ 19:24

Ɛ́ ɡɔ́ ḿbɔ́ wɛcɔ́ tɑ̌ɑlɑɑ pɔ́ ɡú pɛ́ fúŋ wɛ́ ŋɡɔ Ndɛlmɛ́tɛ́lẅís, ɑ júk ńdɔk tʉ́n-ŋkɑ́p ńtẅí pɛcɔ́ pɔ́ɔ-mɛndɑ́ ńdɔk fʉꞋ mɑ́mɑ́ ndɑ́ yɛcɔ́ sɛ́ yi pɛ́ kɑ pɔ́ ɛ́fúŋ yîyɑ́ sɛ́ nɛ́ Altɛmîs, ńtẅí pɛ́ fɛn, ɛ́ ɡɑ́ ŋkɑ́p mbɔ̌ wɛ́ mbɑ mbɔ̌ pɑtẅí tɛꞋ.

Ŋɡɑlɑ̂t 5:20

Pɑ́Ꞌ nɛɡúꞋlɛ yúu ŋɡɔ ɛ́ mɛsɛ́, pɑ́Ꞌ nɛɡẅɛɛ nɛkɑŋ, pɑ́Ꞌ nɛji mbuu, pɑ́Ꞌ nɛtɑ́k mɛfɛꞋ, pɑ́Ꞌ nɛɡẅɛɛ kɛ́ɡʉ̈ɔꞋ, pɑ́Ꞌ nɛcʉ̈ɔ́k, pɑ́Ꞌ nɛlɔɔ pɔ nɛtʉ́ʉ mbi nǔu mbɑ kʉ̈ɔ́ lɑ́, pɑ́Ꞌ nɛnɑ́ŋ pɔ fyɑkŋɛ fyɑkŋɛ́nɛ, pɑ́Ꞌ nɛɡɛ tɔŋ.

1 Timɔtɛ́ɛ 6:10

MbíꞋŋɡɔ nɛtsɑ́ɑ pɔ nɛɡẅɛɛ ŋkɑ́p, ɛ́ lɔk mɛnu ntɛ́ nɛ́ ntɛ́ ńtɔ́. Pɛcɔ́ pʉɔ tsɛtsɛt pɔ́p kɑ ḿmɛꞋ mɔ́ mbʉʉ yɔp nǔu nu-ŋkɑ́p, ɛ́fɑɑnɛ sɛ̂ndúŋ, mbɔɔ pɛn ńzɑ́p tʉ́m nǔu Sɛ́ pɔ́, ńdɔk ɛ́fúŋ ŋɡʉ̈ɔ́Ꞌ zɑ́ɑnɛ ńníꞋ nǔu pɔ́p.

2 Timɔtɛ́ɛ 3:8

Ndʉ́ŋndʉŋ pɑ́Ꞌ ɛ́ kɑ pɔ́ yɛcɔ́ ŋkɑ́, Jɑnɛ̂s pɔ́p Jɑ́mbɛlɛs lʉꞋ nu yi Mɔ̌sɛ̂ɛ ḿbɔ́ ńzíꞋ lɑ́, pîpɑ́ pʉɔ pɛn ḿbɔ́ ńdʉꞋ nu yi ɛ́ nɛ́nẅín, pɔ́p pʉɔ pi kwɑŋɛ yɔ́p kɑ́ pɔŋ, pɔ́p ŋkɑɑ zɑ́p tʉ́m nǔu Sɛ́ tɛ ɛ́sẅíi nu pɔ́.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.