ŊwɑꞋnɛ-Gɑŋntúu Yɛ́su Kɛlístɔ 15:11 - Kɑɑ Fí

¹¹ Yúu mi pɛkŋɛ pɛ tsʉʉ sɛ́ ńniitɛ ńjí, ɛ́ pɔ́ pɔ ŋɡɔ pɛkŋɛ kɑ ɡɔ́ ńduk, ńtẅɛꞋ pɔ pɑ́Ꞌ Tsɑpʉɔ Yɛ́su ɡɑ́nɛ fuꞋ níinɛ yɛkŋɛ. Ɛ́ pɔ́ pɔ ndʉ́ŋndʉŋ pɑ́Ꞌ ɛ́ lɛɛnɛ pɔ́Ꞌɔ, lɑ pɔ́p luk yɔ́p.»

ŊwɑꞋnɛ-Gɑŋntúu Yɛ́su Kɛlístɔ 15:11 교차 참조

Pʉɔ-Lɔ́mɑ 3:24

Lɑ́, pɑ́Ꞌ Yɛ́su Kɛlístɔ kɑ kɛ́mɔ́ ńtɔ́, ŋ́kíɛꞋ kʉ̈ɔ́Ꞌlɛ-nu kɛpɔŋ nǔu pʉɔ lɑ́, Sɛ́ tsʉ́Ꞌ fú nǔu ńdíŋɛ pʉɔ pɔ́p pɔ́ pʉɔ pinɛ pɔ́p ndʉ́ŋndʉŋ mbi yɛ́, ɛ́ pɔ́ yúu mi ɑ lɔknɛ ŋ́ɡɑ́ fuꞋ níinɛ yɔ́p.

Pʉɔ-Lɔ́mɑ 5:15

Lɑ́ ɛ́ lɑɑ ḿbɔ́ pɛ́ pɔɔ lɔk yúu mi ɛ́ fúnɛ nǔu mɛfɑɑnɛ-Adɑm ḿbɛ́ɛ fʉꞋ nǔu ndɛn fuꞋ yi Sɛ́ sɛ́ ŋ́ɡɑp mbɔ̌ pʉɔ pɔ níinɛ pɔ́, mɛfɑɑnɛ-tɑ́Ꞌ ŋu wɛ́mɔ́Ꞌ kɑ ɡɛ nɛvú kúu nǔu pʉɔ tsʉʉ tsʉʉ lɑ́, ntɛ́ yi Sɛ́ kɑ tsɑ́ɑnɛ pʉɔ ŋ́ɡɑ́ fuꞋ níinɛ yɔ́p pɔ́Ꞌɔ, pɛn ŋ́ɡɔ́ɔ ŋ́ɡúꞋ ńdɛɛ ẅîwɑ́ nɛpɔ́ tɛꞋ. FuꞋ yi ɛ́ kɑ fúnɛ nǔu tɑ́Ꞌ ŋu ẅi ɑ Yɛ́su Kɛlístɔ, Sɛ́ lɔk ŋ́ɡɑ́ fuꞋ níinɛ-pʉɔ tɛ ńzɑ́ɑ ɛ́ ɡẅɛɛ ndɛn tɛꞋ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

1 Kɔlɛ̂ŋtɛ 16:23

Tsɑpʉɔ wɛkŋɛ níꞋ mbɔ́tnɛ nǔu pʉʉ pɛ́tsʉʉ.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Ŋɡɑlɑ̂t 1:6

Ɛ́ kʉꞋnɛ wɑ́ɑ tɛꞋ nǔu pɑ́Ꞌ Sɛ́ kɑ lɛɛnɛ nǔu Kɛlístɔ, ɛ́fúŋ wʉ́ʉ, ŋ́ɡɑ́ fuꞋ fɛ̌ɛ yʉ́ʉ, ŋ kɑ cẅɛt tsɛtsɛt pʉʉ, pʉʉ shɔtnɛ nzʉʉ wɛ́, tɛ ńtsʉ́Ꞌ ńzúꞋ pɔ yɛcɔ́ Ŋkʉʉ sʉ́Ꞌnɛ wɛ ndɛꞋ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Tîtɛ 2:11

Ɛ́ pɑ́Ꞌ pʉɔ-Kɛlístɔ ɡẅɛɛnɛ nɛɡɛ, mbíꞋŋɡɔ Sɛ́ kɑ tsuŋ ńnyɛt mbɔ̌ pʉɔ ŋɡɔ ɑ ŋu-pɔŋtʉ́m, ŋ́kuꞋ nɛɡɛ ŋɡɔ pʉɔ tsʉʉ luk.

Mɛnu ɛ́ ńdɑ́Ꞌ ńcẅɛt 5:9

Pɛlʉ́m pɑ́, pɔ́p mɛyúumɛku mɑ́ pɔ́ ńzɔp zɔpŋki fí ńcú tsɛtú ŋɡɔ: Ɔ kuꞋ ŋu ẅí ḿbɔ́ ɔ cẅɛ́ɛ ŋwɑꞋnɛ, ŋ́kuꞋ ŋu ẅí ḿbɔ́ ɔ ŋíɛꞋ ŋɛmɛ-ŋwɑ́Ꞌ yi pɛ́ kɑ lɔknɛ ńdɑt. Pɛ́ kɑ jẅí wú ńdɔk ńnɔŋ pɔꞋ. Ɔ kɑ tswɛt mɛci mú ńdɔk ńtsúꞋ pʉɔ, ńtsúꞋ tɛ mbɑ pʉɔ pí pɔ́p nǔu yɛ́tɛ́ njẅɛtndɑ́ lɑ́, tɛ mbɑ pʉɔ pi pɔ́p sẅiŋɛ́nɛ yɛ́tɛ́ sẅiŋɛ lɑ́, tɛ mbɑ yɛ́tɛ́ ntɛ́ lɑ́, tɛ mbɑ pɛ́ wɛ́tɛ́ ŋɡɔŋ lɑ́, ńtsúꞋ wɔ́p pɔ́Ꞌɔ, pɔ́p pɛn mbɔ̌ Sɛ́.