ŊwɑꞋnɛ-Gɑŋntúu Yɛ́su Kɛlístɔ 15:10 - Kɑɑ Fí

¹⁰ Ŋkɔ̂ɔnɛ, pʉʉ pɛn ŋ́ɡɛ ŋɡɔ́ku ḿbɔ́ ŋ́kwɑꞋlɛ Sɛ́? Pʉʉ lɔɔ nɛtíi piꞋ yi pɛtɑ́t pɛkŋɛ ŋ́kɑɑ ŋ́kuꞋ nɛtíi pɔ́, kwɑꞋ pɛkŋɛ pɛn ḿbɔɔ nǔu kuꞋ, ńzɑ́p tú pɔ́p kɛkʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 15:10 교차 참조

Mɑtʉ̈ɔ 23:4

Pɔ́p cúꞋlɛ piꞋ yi ɛ́ jɔtnɛ tɛꞋ, ńzɑ́p ŋkɑmbʉ̈ɔꞋ-pʉɔmɛsɔŋ, lɑ́ ńdʉꞋ nɛpɔ́ yi kwɑꞋ pɔ́p ɡʉ sǐi ńdɔk mɔ́ncɛꞋ tɔ̂pɔ́ ŋ́ŋɑ́Ꞌ mbɑ ŋɑ́Ꞌnɛ.

Mɑtʉ̈ɔ 4:7

Yɛ́su tsɔ́Ꞌ mbɔ̌ wɛ́ ŋɡɔ: «Pɛ́ kɑ pɛn ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ḿbɑ́ɑ ŋu nɛkwɑꞋnɛ Tsɑpʉɔ Sɛ́ wɛ kwɑꞋnɛ́nɛ ŋɡɔ ɑ ɡɛ yúu nǔu wɛ́.”»

ŊwɑꞋnɛ-Gɑŋntúu Yɛ́su Kɛlístɔ 5:9

Pyɛ̂ cú mbɔ̌ wɛ́ ŋɡɔ: «Pʉʉ lɔk yɛ́tɛ́ sʉktʉ́m lɑ ńtɔ́ ŋ́kwɑꞋlɛ Zẅikŋɛ-Tsɑpʉɔ? ZúꞋ pɑ́Ꞌ pʉɔ ntsundɑ́ ńnɛntɛ, pɔ́p fú nɛtẅíi ndúu mu. Lɑ́ pɔ́p ɡʉ ńtíi wú ɡúu ńdɔk ŋ́ɡʉ ńtẅíi nǔu.»

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

Ɛ́bɛlʉʉ 3:9

Sɛ́ cú ŋɡɔ: «Pɛ́ mɑ̂ɑŋɡɑpnjẅɛt pʉʉ kɑ tsʉ́ʉnɛ wɑ́ɑ kɔ̂ŋtɛt, ŋɡɔ ŋ ɡɛ yúu mbɔ̌ pɔ́p ńdɔk ńdɔɔ nɛjʉ́ɔ pɑ́Ꞌ ŋ ɡʉ ŋ́ɡɛ, ńtsʉ́ʉnɛ wɑ́ɑ pɑ́Ꞌɑ tɛ mbɑ pɑ́Ꞌ pɔ́p jʉ́ɔnɛ yúu mi mɔ ŋ́ɡɛ ńjʉ́ɔ nǔu ŋɡuꞋlɑ́Ꞌ mɛɡɛ́mɛ́nɛ́kwɑ.»

Ɛ́bɛlʉʉ 9:9

Ɛ́ mbɔ̌ pɛkŋɛ nǔu ŋkɔ̂ɔnɛ ḿbɔ́ lii yi pɛ́ lɔknɛ nyɛt wɛkŋɛ nɛ nu. Yîyɑ́ nu pɔ́ ŋɡɔ: Yúu mi pɛ́ ɡɑ́nɛ mbɔ̌ Sɛ́ pɔ́p pɔꞋ ẅi pɛ́ nɔŋnɛ mbi yɛ́, ḿbɔ́ ɛ́ pɔɔ ɡɛ tɛ tʉ́m-ŋu ẅí ɑ ɡúꞋlɛ́nɛ Sɛ́ nǔu yîyɑ́ ntɛ́, kɛ́ ḿbɛ́t ḿbɔ́ ŋ́ŋɑk wɛ́ ŋɑknɛ pɔ́.