9 A pɔ́ yɛcɔ́ lɛ́Ꞌ, ḿbɔ́ ńzẅíꞋlɛ sẅiŋɛ yí Pɔ̂l ḿbɔ́ ńcú. Pɔ̂l tík mík nǔu wɛ́, ńjʉ́ɔ ɑ pɔ́ ńzɑ́p tʉ́m nǔu Sɛ́ tɛ ḿbɔ́ yi ɛ́ lɑɑ ḿbɔ́ Sɛ́ ɡɛ ɑ fíitɛ.
Pɔ́Ꞌɔ, Yɛ́su pɔɔ kíi ŋ́ɡɛ mɛŋkʉꞋnɛ mɛnu zúꞋu tɛ ɛ́ zɑ́ɑ pɔ́, mbíꞋŋɡɔ pɔ́p ŋ́kɑɑ zɑ́p tʉ́m nǔu wɛ́ pɔ́.
Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.
Yɛ́su zúꞋ yɔ sẅiŋɛ yí ɛ́ cẅɛtnɛ ntsu-tɑ́tndɑ́-ntsɔ ŋ́ɡʉ̈ɔꞋtɛ wɛ́, ɛ́shɔtnɛ ńcú mbɔ̌ lɑ́Ꞌ yi ɛ́ nzʉʉ yɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ tsɛt ŋɡɔŋ Pɑíslɑyɛ̂l, ŋ kɑ́ jʉ́ɔ wɛcɔ́ ŋu ẅí ɑ zɑ́pnɛ tʉ́m nǔu mɔ pɑ́Ꞌ jʉ́ pɔ́.
Yɛ́su shɔtnɛ, ńjʉ́ɔ wɛ́, ńcú mbɔ̌ wɛ́ ŋɡɔ: «Mɑ́ɑ, kɔɔ pɔ́k, ntɛ́ yi ɔ lɔknɛ ńzɑ́p tʉ́m yú nǔu mɔ lɑɑ, ɡɛ ɔ fíitɛ.» A ɡɔ́ɔ ɛ́fíitɛ pɔ ŋkɑ́ ɛ̂yɑ́ ŋkɑ́ ɛ̂yɑ́.
Yɛ́su cú mbɔ̌ wɛ́ ŋɡɔ: «PɑꞋ ɔ zɑ́b tʉ́m nǔu mɔ lɑ́, ɔ fíitɛ, tsʉꞋ ŋ́ɡʉ yú ɡʉnɛ.» Fumík ɡɔ́ɔ ńzɛ nɛpɛn ńjʉ́ɔ zʉꞋ, ńcʉ́ɔ nzʉʉ Yɛ́su pɔ́p pɛ́pɔ́p ɡʉ.
A jʉ́ɔ ntɛ́ yi mbɛ́ɛnɛ ɛ̂yɑ́ lɔknɛ ńzɑ́p tʉ́m nǔu wɛ́, ńcú mbɔ̌ ŋɡɑŋkẅíꞋlɛ ŋɡɔ: «Mɔ́ɔ wɑɑ, pɛ́ likŋɛ mɛnu kɛpɔŋ mú ŋ́ɡɑ́ mbɔ̌ wu.»
Yɛ́su pɛn ńzɑ́p mbɔ́ nǔu mík-ŋu ɛ̂wɑ́, ɑ tsuŋ ńdíŋɛ zʉꞋ, mbɔ ɑ fíitɛ, tɛ ḿbɔ́ ńcʉ nút ńjʉ́ɔ mbɑ kʉ̈ɔ́ lɑ́.
A pʉꞋ tú yɛ́, ńdíŋɛ Cʉ̈ɔꞋ-Sɛ́, ḿbɔ́ ḿbɔ́k, ńcú mbɔ̌ wɛ́ ŋɡɔ: «Ɛ́ kʉ̈ɔ́ Tsɑpʉɔ?» Cʉ̈ɔꞋ-Sɛ́ tsɔ́Ꞌ mbɔ̌ wɛ́ ŋɡɔ: «Sɛ́ zúꞋ pɑ́Ꞌ ɔ júknɛ ńcɛꞋlɛ wɛ́, ḿbɛn ńjʉ́ɔ mbɑ yúu mi ɔ sɛ́ ŋ́ɡɛ nǔu pɛpúŋ ńdɔk ńcẅɛ́lɛ́ wɔ́p. Sɛ́ kɑ́ likŋɛ wú pɔ́.
Pyɛ̂ pɔ́p Jɑ̂ŋ tík mík nǔu wɛ́. Pyɛ̂ cú mbɔ̌ wɛ́ ŋɡɔ: «Líŋɛ wɛk.»
