ŊwɑꞋnɛ-Gɑŋntúu Yɛ́su Kɛlístɔ 14:19 - Kɑɑ Fí

¹⁹ Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:19 교차 참조

ŊwɑꞋnɛ-Gɑŋntúu Yɛ́su Kɛlístɔ 13:14

Pɔ̂l pɔ́p Pɑnɛpɑ́ɑshi tsʉ́Ꞌ nzʉʉ ɛ́fú tʉ́sɔŋ-Pɛljɛ, ńdɔk mɛku ŋ́ɡʉ nɛ́ tʉ́sɔŋ-Antíyɔshɛ yi ɛ́ mbʉʉ Pisidîi. Lɛ́Ꞌnji-pɑyúdɑ ɡɛ ŋ́kuꞋ, pɔ́p ɡʉ ndɑ́-cúꞋlɛ, ŋ́kɔkŋɛ ńnɑ́ŋ sɛ́.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 14:1

Pɔ̂l pɔ́p Pɑnɛpɑ́ɑshi pɛtsʉʉ kúu Ikɔnyɔm, mɛnu pɛn ńdɛɛtɛ pɔ ndʉ́ŋndʉŋ pɑ́Ꞌ ɛ́ kɑ lɛɛtɛ́nɛ Antíyɔshɛ. Pɔ́p ɡʉ ndɑ́-cúꞋlɛ-pɑyúdɑ ɛ́sẅíi nu-Yɛ́su. Lɑ́ nɛzɑ́ɑ pɑyúdɑ, tɛ mbɑ pʉɔ pí pɔ́p kɑ́ pɔ́ pɑyúdɑ pɔ́ pɛ́m nu yɛ́.

ŊwɑꞋnɛ-Gɑŋntúu Yɛ́su Kɛlístɔ 14:18

Pɔ́p kɑ zúꞋ yɔ sẅiŋɛ, Pɔ̂l pɔ́p Pɑnɛpɑ́ɑshi lɑ́Ꞌ ńjʉ́ɔ ŋɡʉ̈ɔ́Ꞌ nzʉʉ pɔ́p tɛꞋ, tɛ lɑ́Ꞌ pɔ́tnɛ ńnɑ́ŋ. Lɑ mbɔɔ kii ńnɔŋ pɔꞋ mbi pɔ́p pɔ́.

ŊwɑꞋnɛ-Gɑŋntúu Yɛ́su Kɛlístɔ 14:2

Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 14:21

Pɔ̂l pɔ́p Pɑnɛpɑ́ɑshi kúu Ndɛlbɛ, ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ, tɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ. Pɔ́p fú zúꞋu, ḿbɛn ḿbɛn Listɛlɛ pɔ́p Ikɔnyɔm, ŋ́ɡʉ ɡʉnɛ tɛ ŋ́kúu Antíyɔshɛ ẅi ɛ́ mbʉʉ Pisidîi,

ŊwɑꞋnɛ-Gɑŋntúu Yɛ́su Kɛlístɔ 14:26

ɛ́fú zúꞋu ŋ́kúu tsɛt wɛcɔ́ mɑ́mɑ́ kɑnúꞋ, yi ɛ́ ɡʉ nɛ́ Antíyɔshɛ. Antíyɔshɛ pɔ́ zʉꞋ yí pɛ́ kɑ fúnɛ zúꞋu, fɛ́ɛ wɔ́p mbɔ̌ Sɛ́ ŋɡɔ ɑ cẅɛ́lɛ́ wɔ́p, lɑ́ pɔ́p nɛn ɛ́fɑꞋ fɑꞋ yi ɛ́ mɛnɛ lɑɑ.

ŊwɑꞋnɛ-Gɑŋntúu Yɛ́su Kɛlístɔ 14:4

Pʉɔ pí pɔ́p tʉ́sɔŋ sɑ́ɑnɛ, ŋ́ɡɑptɛ nji yɛ́pɑ́. Tɑ́Ꞌ nji cʉ́ɔ nzʉʉ-pɑyúdɑ. Yɛcɔ́ cʉ́ɔ nzʉʉ-pɑpɛ́m Yɛ́su.

ŊwɑꞋnɛ-Gɑŋntúu Yɛ́su Kɛlístɔ 14:5

Pɑyúdɑ mbɑ pʉɔ pí pɔ́p kɑ́ pɔ́ pɑyúdɑ pɔ́, pɔ́p pɛkɛ́m-lɑ́Ꞌ pɔ́p, zɑ́p ŋɡɔ pɔ́p ɡʉ ńdɔk mɛtʉʉ ŋ́kúu nǔu, ńtɛ́m ɡɑŋntúu-Yɛ́su-ɛ̂pɑ́ nɛ́ mɛŋɡɔꞋ ńjẅí.

ŊwɑꞋnɛ-Gɑŋntúu Yɛ́su Kɛlístɔ 15:26

ɛ́ pʉɔ pi pɔ́p kɑ pɛ́mnɛ nɛpfú ntɛ́ nu-Tsɑpʉɔ wɛkŋɛ Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 17:13

Lɑ́ pɑyúdɑ pɛ́ Tɛsɑlɔnik nɑ́ŋ tɛ ńzúꞋ pɑ́Ꞌ Pɔ̂l Mbɛlɛ́ɛ, ḿbɔ́ ŋ́kẅiꞋ ɛ́sẅíi nu-Sɛ́, ńnɑ́ɑtɛ ńtɔ́ zúꞋu, ńzɛ nɛmɑꞋ vɑꞋ ńdɔk ńníꞋ mɛtʉʉ lɑ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 22:20

Pɛ́ kɑ ɡɔ́ ńtswɛt mɛci Ɛtiyɛ̂n mbɔ ɑ kɑ pɔ́ ɛ́sẅíi pʉɔ nɛ́ nu yi ɑ jínɛ nǔu ɡu, m bɔ́ yɑ́ɑ sɛ́. Pɛk pʉɔ pi pɔ́p kɑ jẅínɛ wɛ́ kɑ pɔ́ tɑ́Ꞌ ntsu; lɑ́ pɔ́p pɔ́ ńtɛ́mtɛ wɛ́ nɛ́ mɛŋɡɔꞋ ńjẅí, m bɔ́ ḿbyɛ́p mɛndẅí mɔ́p.”

ŊwɑꞋnɛ-Gɑŋntúu Yɛ́su Kɛlístɔ 7:58

ɛ́shuŋ wɛ́, ńdɔk wɛ́ ɛ́fú tʉ́sɔŋ ńcẅɛt, ńzɛ nɛlɔk mɛŋɡɔꞋ ńtɛ́mtɛ wɛ́ nɛjẅí wɛ́. Ɛ́ ɡɔ́ ḿbɔ́, mbɔ pʉɔ pi pɔ́p lɑ́Ꞌnɛ ńzúꞋ sẅiŋɛ-Ɛtiyɛ̂n, lɑ́Ꞌ ɛ́sɔt mɛndẅí-fɑ́k mɔ́p, ńdẅɛꞋ mbɔ̌ wɛcɔ́ mɔ́ɔsuu ẅí pɛ́ fúŋnɛ wɛ́ ŋɡɔ Sɔ̂l.

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

1 Kɔlɛ̂ŋtɛ 15:31

Pɔ́ɔpɛ́mɑ́ pɑ́ɑ, lɛ́Ꞌ tsʉʉ n cẅɛt ntsu-nɛvú cẅɛtnɛ, n cú pɑ́Ꞌɑ, yúu mi n dɔknɛ ńzɑ́Ꞌ ŋkwɑɑ ŋɡɔ ɛ́ nɛ́nẅín, ɛ́ pɔ pɑ́Ꞌ n dɔknɛ wʉ́ʉ ŋ́kɑꞋmɛ tɛꞋ, ńdɛɛ nǔu pɑ́Ꞌ pɛkŋɛ nzʉʉ Tsɑpʉɔ wɛkŋɛ Yɛ́su Kɛlístɔ.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,

2 Kɔlɛ̂ŋtɛ 11:25

ɛ́ ŋkɑ́ yɛ́tɑ́t pɑ́Ꞌ Pɑlɔ́mɑ kɑ lɔknɛ kɛm-yúu ńtswɑ́ɑ wɑ́ɑ, pɛ́ kɑ lɔk mɛŋɡɔꞋ ńtɛ́mtɛ wɑ́ɑ tɑ́Ꞌ ŋkɑ́, ńdɔɔ nɛjẅí wɑ́ɑ, ɛ́ ŋkɑ́ yɛ́tɑ́t pɑ́Ꞌ ɛ́ kɑ tsʉ́Ꞌnɛ mɔ́zʉꞋ, sɛtímɑ lɔk wɑ́ɑ ɛ́fʉ̈ɔ́t ŋki. Ŋ kɑ lɛ́ ndǔ ŋki tɛ ḿbɛn ńjúk.

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

1 Tɛsɑlɔník 2:14

Pɔ́ɔpɛ́mɑ́, ŋɡʉ̈ɔ́Ꞌ yi ɛ́ kɑ kúunɛ pʉɔ-Kɛlístɔ Judɛ̂ pi pɔ́p kɑ zɑ́pnɛ tʉ́m nǔu Kɛlístɔ, ńcúꞋlɛ ńtsʉ́Ꞌ pʉɔ-Sɛ́, kɑ kúu wʉ́ʉ ɡúu. N cú mbíꞋŋɡɔ pʉɔ lɑ́Ꞌ pʉ́ʉ kɑ nyɛt wʉ́ʉ nɛ́ ŋɡʉ̈ɔ́Ꞌ, ɛ́ pɔ́ pɑ́Ꞌ pɑyúdɑ, pʉɔ-lɑ́Ꞌ pɔ́p ɡúu, kɑ nyɛtnɛ wɔ́p nɛ́ ŋɡʉ̈ɔ́Ꞌ.

2 Timɔtɛ́ɛ 3:11

Ɔ sɛ́ ńjí pɑ́Ꞌ pʉɔ kɑ tsɔ́Ꞌnɛ ku yɑ́ɑ kɛpɔŋ, ńjí pɑ́Ꞌ ŋ kɑ jʉ́ɔnɛ ŋɡʉ̈ɔ́Ꞌ pɔ́Ꞌɔ tʉ́sɔŋ-Antíyɔshɛ mbɑ Ikɔnyɔm mbɑ Listɛlɛ. Pɔ́p ŋkɑɑ tsɔ́Ꞌ ku yɑ́ɑ kɛpɔŋ nɛ́ yɛ́tɛ́ ntɛ́ pɔ́. Lɑ́ Tsɑpʉɔ kɛ ɛ́fú tsɛtú ńcẅɛɛtɛ wɑ́ɑ cẅɛɛtɛ́nɛ,