ŊwɑꞋnɛ-Gɑŋntúu Yɛ́su Kɛlístɔ 14:15 - Kɑɑ Fí

¹⁵ «Pɛsúu pɛk, pʉʉ lɔɔ nɛɡɛ kʉ̈ɔ́ pɑ́Ꞌɑ? Pɛk kɛ́ ḿbɔ́ pɔ pʉɔmɛsɔŋ pɑ́Ꞌ pʉʉ! Pɛk tɔ́ pɔ nɛcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉʉ, ɛ́ pɔ́ ŋɡɔ pʉʉ mɛꞋ mɛsɛ́ mʉ́ʉ mi ɛ́ kɑ́ kuꞋ yɛcɔ́ yúu pɔ́, ɛ́shɔtnɛ ńtɔ́ ŋ́kẅɛ́ɛtɛ Sɛ́ ẅi ɑ ntʉʉ. Jʉ́ kɑ ɡɛnɛ nɛpʉ́ pɔ́p tsɛ́tsɑ́Ꞌ, mbɑ ŋki Mi, tɛ mbɑ yúu tsʉʉ yí ɛ́ tsɛtú.

ŊwɑꞋnɛ-Gɑŋntúu Yɛ́su Kɛlístɔ 14:15 교차 참조

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Jɑ̂ŋ 5:26

Ɛ́ pɔ́Ꞌɔ mbíꞋŋɡɔ Sɛ́ Tɑ́t ẅi ɑ nɛsɑ́Ꞌ-kwɑꞋ luk, ɑ kɑ ɡɑ́ mîmɑ́ mɛtʉʉ mbɔ̌ mɔ́ɔ nɛ.

Jɑ̂ŋ 7:18

Ŋu lɑɑ ḿbɔ́ ńcú nu, ḿbɔ́ yi ɛ́ pɔ́ pɔ sẅiŋɛ yɛ́, mbɔ ɑ lɔɔ pɔ wɛ nɛɡúꞋ. Lɑ́ ḿbɔ́ yi ŋu lɑɑ ḿbɔ́ ńdɔɔ nɛɡúꞋ Sɛ́ ẅí ɑ kɑ túunɛ wɛ́, mbɔ ŋɡɑŋ sẅíi nu nɛ́nẅín, yɛcɔ́ nu ŋɔ́Ꞌnɛ ŋɔ́Ꞌnɛ́nɛ pɔɔ nǔu wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:26

Lɑ́ Pyɛ̂ pʉꞋ wɛ́, ńcú ŋɡɔ: «Lɔ sɛ́, mɔ yɑ́ɑ pɔ ŋumɛsɔŋ pɑ́Ꞌ ɡu.»

ŊwɑꞋnɛ-Gɑŋntúu Yɛ́su Kɛlístɔ 13:32

Pɛk yɛ́k, pɛk tʉ́ʉ pɑꞋnɛ, ḿbɔ́ ḿbʉ́ wʉ́ʉ nɛ́ yîyɑ́ nu sʉ́Ꞌnɛ. Ɛ́ pɔ́ nu yí Sɛ́ kɑ lɑ́Ꞌnɛ ŋ́kɑꞋ mbɔ̌ pɛmɑ́ŋɡɑpnjẅɛt-pɑíslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 14:21

Pɔ̂l pɔ́p Pɑnɛpɑ́ɑshi kúu Ndɛlbɛ, ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ, tɛ pʉɔ tɛ ńzɑ́ɑ tsʉ́Ꞌ pʉɔ-Kɛlístɔ. Pɔ́p fú zúꞋu, ḿbɛn ḿbɛn Listɛlɛ pɔ́p Ikɔnyɔm, ŋ́ɡʉ ɡʉnɛ tɛ ŋ́kúu Antíyɔshɛ ẅi ɛ́ mbʉʉ Pisidîi,

ŊwɑꞋnɛ-Gɑŋntúu Yɛ́su Kɛlístɔ 14:7

ńnɛn ḿbɔ́ ńcẅi pɔ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 16:30

ḿbɛn ŋ́ɡɛ pɔ́p pɛ́ pɔ́p fú tsɛt ndɑ́tsɑ́ŋ ńcẅɛt, ɑ píkŋɛ wɔ́p ŋɡɔ: «Pɛ́ ndɛ, m bɔ́ ŋ́ɡɛ ŋɡɔ́ku lɑ́ ńduk?»

ŊwɑꞋnɛ-Gɑŋntúu Yɛ́su Kɛlístɔ 27:10

«Pɛsúu pɑ́ɑ, mɔ sɛ́ ńjʉ́ɔ ŋɡɔ pɛkŋɛ lɑɑ ḿbɛn ŋ́ɡʉ mbi, mbɔ ɛ́ nɛɡɑ́ tú. Mbɔ mɑ́mɑ́ kɑnúꞋ ŋ́ɡɛ yúu-mɛtɑ́ɑ mi ɛ́ tsɛtú ḿbʉ́ʉpɛ. Lɛ́Ꞌcɔ́ pɛkŋɛ ɡúu pɔɔ luk.»

ŊwɑꞋnɛ-Gɑŋntúu Yɛ́su Kɛlístɔ 27:21

Pʉɔ nɑ́ŋ njí nǔu mɛlɛ́Ꞌ tɛńzɑ́ɑ. Pɔ̂l lɔ sɛ́, ńtʉ́ʉ mbi pʉɔ tsʉʉ ńcú ŋɡɔ: «Pɛsúu pɑ́ɑ, pʉʉ ḿbɔ́ pɛ́Ꞌɛ ńzúꞋ ntsu wɑ́ɑ, mbɔ pɛkŋɛ ŋkɑɑ kɛ́ ɛ́fú Kɛlɛ̂t ŋ́ɡʉ zʉꞋ pɔ́. Mbɔ mɑ́mɑ́ kɑnúꞋ ŋkɑɑ pʉ́ʉpɛ, yúu-mɛtɑ́ɑ pɛn ŋ́kɛ́ mbɔɔ kúu pɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 27:25

Pɛsúu pɑ́ɑ, pʉʉ sʉk! N tɛ́m ŋkwɛn yɑɑ ŋ́ɡɑ́ mbɔ̌ Sɛ́. Nu yi Sɛ́ lɑ́Ꞌnɛ ńcú mbɔ̌ mɔ lɑɑ, ɛ́ ɡʉ ḿbuutɛ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 4:24

Pɔ́p zúꞋ pɔ́Ꞌɔ, ŋ́ɡɔ́ɔ ńcúꞋlɛ sɛ́ ńdɔk tɑ́Ꞌ ntsu ńzɛ nɛcɛꞋlɛ Sɛ́ ńcú ŋɡɔ: «Tsɑpʉɔ, ɡu kɑ niitɛ́nɛ nɛpú pɔ́p tsɛ́tsɑ́Ꞌ, ńniitɛ ŋki, ńniitɛ mbɑ kʉ̈ɔ́ lɑ́ yi ɛ́ nǔu mɔnɛ mɛzʉꞋ.

ŊwɑꞋnɛ-Gɑŋntúu Yɛ́su Kɛlístɔ 7:26

Njí ɡɛ ŋ́kiɛ, ɑ pɛn ḿbɛn zúꞋu, ḿbɔ́ ńtɔ́, pʉɔ-Íslɑyɛ̂l pɛ́pɑ́ pɔ́ ńtswɑ́ɑnɛ ŋkɔt. A pɔ́ ɛ́fɑk wɔ́p, ńcú mbɔ̌ pɔ́p ŋɡɔ: «Pɛsúu pɑ́ɑ, pʉʉ pɔ́ɔpɛ́mɑ́, ḿbɛn ɛ́shɔtnɛ ńtswɑ́ɑnɛ ŋkɔt tsɛtsɛt pʉʉ mɛlɑ́Ꞌ kʉ̈ɔ́?»

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

1 Tɛsɑlɔník 1:9

Pɛ́ nɑ́ŋ ɛ́sẅíi ntɛ́ yi pʉʉ kɑ lɔknɛ ńcẅɛ́ɛ wɛ́k, ŋkɑ́ yi pɛk kɑ tɔ́nɛ tsɛtsɛt pʉʉ, mbɑ ntɛ́ yi pʉʉ kɑ lɔknɛ ńtɛ́m ŋkwɛn nǔu yúu mi pɛ́ ɡúꞋlɛnɛ ŋɡɔ ɛ́ mɛsɛ́, ɛ́shɔtnɛ ńdíŋɛ Sɛ́ kɛ́ kúp sẅiŋɛ, ńtsʉ́Ꞌ ɛ́fɑꞋ pɔ mbɔ̌ wɛ́ ẅi ɑ ntʉʉ.

1 Timɔtɛ́ɛ 3:15

nɛpɔ́ yi n dɑɑ mbɔɔ fɛ́Ꞌnɛ ńtɔ́ pɔ́, ɔ fúŋ yɔ ŋwɑꞋnɛ, ńzúꞋ pɑ́Ꞌ pʉɔ-Sɛ́ ɡẅɛɛnɛ nɛnɛn pɔ́Ꞌɔ, tsɛt cúꞋlɛ-pɔ́ɔ-Sɛ́. Yîyɑ́ cúꞋlɛ pɔ́ yi pʉɔ-Sɛ́ ẅi ɑ ntʉʉ. CúꞋlɛ ɛ̂yɑ́ tík ntɔ́ɔ nǔu nu nɛ́nẅín pɑ́Ꞌ ntɔ́ɔ-ndɑ́.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

Jɑ̂k 5:17

Ɛlîi kɑ pɔ́ pɔ ŋumɛsɔŋ pɑ́Ꞌ pɛkŋɛ, ɑ kɑ cɛꞋlɛ Sɛ́ nɛ́ tʉ́m yɛ́ tsʉʉ ŋɡɔ kɔɔ mbʉŋ lɔ́, Sɛ́ ɡɛ mbʉŋ pɔɔ lɔ́ tɛ ɛ́ pɔ́ ŋɡuꞋ yɛ́tɑ́t nɛ́ pɛsɑŋ pɛ́nɛ́ntúkú.

Mɛnu ɛ́ ńdɑ́Ꞌ ńcẅɛt 14:7

A ḿbɔ́ ńdɔk ŋɡi tɛnnɛ ńcú ŋɡɔ: «Pʉʉ pɔ́k Sɛ́, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ ŋkɑ́ yi ɑ ɡʉ ŋ́ŋɑk pʉɔmɛsɔŋ ɛ́ pɑ́Ꞌ mbɔ ɛ́ kuꞋ. Pʉʉ ɡúꞋlɛ ŋu ẅí ɑ kɑ niitɛ́nɛ nɛpú, ńniitɛ tsɛ́tsɑ́Ꞌ, ńniitɛ ŋki kɛ́ nɛpɑt, ńniitɛ mbɑ sɑ́Ꞌŋki.»

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɛnu ɛ́ ńdɑ́Ꞌ ńcẅɛt 19:19

M bɛn ńjʉ́ɔ ŋkʉꞋnɛ nɑɑ ɛ̂wɑ́, ńjʉ́ɔ pɛfɔɔ ndǔ tsɛ́tsɑ́Ꞌ mbɑ mɛnɔɔ-pɑlʉ̈ɔ́Ꞌntsɔ pɔ́p. Mbɔ pɔ́p cúꞋlɛ nɛmɑꞋ ŋu ẅí ɑ nɑ́ŋnɛ ndǔ lʉ́ɔ pɔ́p nɔɔ-pɑlʉ̈ɔ́Ꞌntsɔ pɛ́ nɛ́ ntsɔ.

Mɛnu ɛ́ ńdɑ́Ꞌ ńcẅɛt 22:9

Lɑ́ ɑ cú mbɔ̌ mɔ ŋɡɔ: Kɔɔ ɡɛ pɑ́Ꞌɑ. M bɛn ḿbɔ́ yɑ́ɑ pɔ wɛcɔ́ ŋɡɑŋku wu nǔu fɑꞋ, mbɑ wɛ pɔ́ɔpɛ́mɑ́ pú pɑyúdɑ pɑcẅiŋkʉʉ-Sɛ́, mbɑ wɛ pʉɔ pi pɔ́p ɡẅɛɛnɛ mɛnu mi ɛ́ tsɛt yɔ ŋwɑꞋnɛ. Ŋ́ɡúꞋlɛ pɔ Sɛ́.

Mɛnu ɛ́ ńdɑ́Ꞌ ńcẅɛt 4:11

Ɔ ŋu ẅí ɔ kuꞋnɛ mbɑ̌ɑ Tsɑpʉɔ wɛk, ḿbɔ́ Sɛ́ yɛk, Ɔ kuꞋ pɑ́Ꞌ ɛ́ lɑɑ ḿbɔ́ pɛ́ ɡɑ́ nɛɡúꞋ mbɔ̌ ɡu, ŋ́ɡɑ́ mɛkuꞋ mbɔ̌ ɡu, pɑ́Ꞌ ɛ́ lɑɑ ḿbɔ́ ɡu ɡẅɛɛnɛ mɛtʉʉ. Ɛ́ mbíꞋŋɡɔ ɔ kɑ ɡɛ kʉ̈ɔ́ lɑ́ ɛ́ pɔ́ ɡú, ɡu kɑ kɔŋnɛ lɑ mîmɑ́ mɛyúu cẅɛt ndǔmbí, ɡu pɛnnɛ ḿbɔ́ ŋ́kɔŋ lɑ ɛ́ pɔ́ ɡú.