49 Sẅiŋɛ-tsɑpʉɔ pɛn ḿbɔ́ ɛ́sɑt yîyɑ́ pɑk-ŋɡɔŋ tsʉʉ.
Lɑ́ pɔ́p jɛ́Ꞌ tɛ ŋ́kúu píi ńdɔk lík-Yɛ́su ɛ́sɑt zʉꞋ tsʉʉ nǔu yîyɑ́ pɑk-lɑ́Ꞌ.
Ɛ́ kɛ ŋ́ɡʉ nǔu sẅíŋɛ-Sɛ́, ɛ́ pɔ́ ŋ́kẅiꞋ ɛ́sɑt zʉꞋ ŋ́ɡʉ pɔ nɛ́ mbi.
Ŋɡɔmnɑɑ jʉ́ɔ yúu mi ɛ́ lɛɛnɛ, ńzɑ́p tʉ́m yɛ́ nǔu Yɛ́su. Ɛ́ ɡɔ́ ḿbɔ́, mbɔ nu-Tsɑpʉɔ yi pɛ́ sẅíinɛ wɛ́, níꞋ mɛtʉʉ mɛ́ tɛꞋ.
ŋ́ɡɛ pɔ pɔ́Ꞌɔ, nǔu ŋɡuꞋlɑ́Ꞌ yɛ́pɑ́. Tɛ pʉɔ tsʉʉ pi pɔ́p ńtswɛ́nɛ tsɛt pɑk-ŋɡɔŋ-Azîi ɛ̂wɑ́, kɛ ɑ ŋu-Yúdɑ ɔɔ, kɛ ɑ kɑ́ pɔ́ ŋu-Yúdɑ pɔ́ ɔɔ, ɑ zúꞋ nu-Tsɑpʉɔ.
Lɑ́, pʉʉ sɛ́ ńjʉ́ɔ yʉ́ʉ ḿbɛn ḿbɔ́ ńzúꞋ yúu mi ŋu wɔ ẅí pɛ́ fúŋnɛ ŋɡɔ Pɔ̂l sɛ́ ńcú. A sɛ́ ɛ́sẅíi pʉɔ ŋɡɔ mɛsɛ́ mi pɛ́ lɔknɛ pɔ mbɔ́ ńniitɛ kɑ́ pɔ́ Sɛ́ pɔ́. A cú pɔ́Ꞌɔ, tɛ nɛzɑ́ɑ pʉɔ zɑꞋnɛ pɛ́m. Ɛ́ kɑ́ pɔ́ pɔ ndɑꞋ Ɛ́fɛ̂zɛ pɔ́. Ɛ́ tsʉ́Ꞌ pɔ mɔ́zʉꞋ ɛ́ pɔ́ pɔ pɑk-ŋɡɔŋ-Azîi tsʉʉ tsʉʉ.
Sẅiŋɛ-Sɛ́ kɑ pɔ́ ŋ́kẅiꞋ ɛ́sɑt pɔ zʉꞋ. Nɔɔ-pɑzɑ́p tʉ́m nǔu Yɛ́su pɔ́ ŋ́kẅiꞋ ńzɑ́ɑ Yɛlúsɑlɛm. PɑnɔŋpɔꞋ tɛ ńzɑ́ɑ zɑ́p tʉ́m nǔu Yɛ́su.
Ŋɡɔŋ pʉɔ pi pɔ́p ḿbɔ́nɛ tʉ́sɔŋ-Jɔp, zúꞋ yɔ nu yi ɛ́ lɛɛnɛ, pʉɔ tɛ ńzɑ́ɑ zɑ́p tʉ́m nǔu Tsɑpʉɔ.
