ŊwɑꞋnɛ-Gɑŋntúu Yɛ́su Kɛlístɔ 13:46 - Kɑɑ Fí

⁴⁶ Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 13:46 교차 참조

Mɑtʉ̈ɔ 10:6

Pʉʉ ɡʉ ńdɔɔ Pɑíslɑyɛ̂l, pɔ́p púunɛ pɑ́Ꞌ mɛnjinjɔ.

Mɑtʉ̈ɔ 21:41

Pɛ́ pʉ̈ɔt ŋɡɔ: «A ɡʉ ńtɔ́ ŋ́ɡɛ pɛ́ jẅítɛ pɛfút ɛ̂pɑ́, ḿbɛn ńníꞋ ŋkɑ́Ꞌ mbɔ̌ pɛcɔ́ pʉɔ pɛndɛꞋ, pínɛ ɛ́ ɡʉ ŋ́ɡɛ kuꞋ ŋkɑ́ yi pɛ́ kíɛnɛ mɛluꞋ, pɔ́p ɡɑ́ mɛ́.»

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Jɑ̂ŋ 1:11

Ɛ́ kɑ tɔ́ kwɑꞋ ŋɡɔŋ pɔ́p, pʉɔ-ŋɡɔŋ wɔ́p pɔɔ wɛ́ kúkŋɛ.

Jɑ̂ŋ 4:22

Pʉʉ ɡúꞋlɛ Sɛ́ kɛ́ jí wɛ́. Lɑ́, Pɛk pɑyúdɑ pɛk ɡúꞋlɛ Sɛ́ ẅi pɛk sɛ́ ńjí, mbíꞋŋɡɔ Sɛ́ lɛɛ nǔu pɑyúdɑ lɑ ŋ́ɡɛ pʉɔ luk.

ŊwɑꞋnɛ-Gɑŋntúu Yɛ́su Kɛlístɔ 13:14

Pɔ̂l pɔ́p Pɑnɛpɑ́ɑshi tsʉ́Ꞌ nzʉʉ ɛ́fú tʉ́sɔŋ-Pɛljɛ, ńdɔk mɛku ŋ́ɡʉ nɛ́ tʉ́sɔŋ-Antíyɔshɛ yi ɛ́ mbʉʉ Pisidîi. Lɛ́Ꞌnji-pɑyúdɑ ɡɛ ŋ́kuꞋ, pɔ́p ɡʉ ndɑ́-cúꞋlɛ, ŋ́kɔkŋɛ ńnɑ́ŋ sɛ́.

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 13:5

Pɔ́p ɡʉ tɛ ŋ́kúu zúꞋu, ńcẅɛt tsɛt kɑnúꞋ tʉ́sɔŋ-Sɑlɑminɛ, ḿbɔ́ ɛ́sẅíi nu-Sɛ́ tsɛt mɛndɑ́-cúꞋlɛ-pɑyúdɑ. Pɔ́p pɛ́ Jɑ̂ŋ Mɑ́lɛ́kúshi kɑ ɡɛnɛ ɑ pɔ́ ńcẅɛ́lɛ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 19:9

Lɑ́, pɛcɔ́ pʉɔ tʉʉ pɔ tú, ńdʉꞋ nɛpɛ́m, ńtʉ́ʉ pɔ mbi lɑ́Ꞌ ŋ́ɡwɑ́k nu nǔu sɛ̂ndúŋ-Yɛ́su ẅi Pɔ̂l sɛ́ ńcú. Pɔ̂l ɡɔ́ɔ ŋ́kɛ́ ńnɑ́ wɔ́p, ɛ́fɑk pʉɔ pi pɔ́p pɛ́mnɛ nɛtsʉ́Ꞌ pʉɔ-Kɛlístɔ, ńdɔk ŋ́ɡʉ nɛ́ zʉꞋ-sɛkút wɛk ŋu ẅi pɛ́ fúŋnɛ ŋɡɔ Tilɑnus, ḿbɔ́ ńzíꞋ wɔ́p nɛ́ yúu lɛ́Ꞌ tsʉʉ,

ŊwɑꞋnɛ-Gɑŋntúu Yɛ́su Kɛlístɔ 22:21

Lɑ́ Tsɑpʉɔ ńcú mbɔ̌ mɔ ŋɡɔ: Lu, n túu wú pɑ́Ꞌɑ ŋɡɑ sɛsɑ, tsɛtsɛt pʉɔ ntɛ́ nɛ́ ntɛ́ pi pɔ́p kɑ́ pɔ́ pɑyúdɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 26:20

Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

ŊwɑꞋnɛ-Gɑŋntúu Yɛ́su Kɛlístɔ 3:26

Ɛ́ yɛ́tɛ́ lɑ́ Sɛ́ kɑ ɡɔ́ ńtsɔ́Ꞌ ŋɡɑŋfɑꞋ wɛ́ ńtúu, ńzɛɛ ḿbiitɛ ntɛ́ pɔ tú yʉ́ʉ, ńtúu wɛ́ ŋɡɔ ɑ tɔ́ ńníꞋ mbɔ́tnɛ nǔu pʉʉ, ŋ́ɡɛ mbɑ wɔ̌ lɑ́ tsɛtsɛt pʉʉ mɛꞋ mɛfɑꞋ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 4:13

Pʉɔ pinɛ pɔ́p kɑ nɑ́ŋnɛ sɛ́ ḿbɔ́ ŋ́ŋɑk wɔ́p, jʉ́ɔ ntɛ́ yi Pyɛ̂ pɔ́p Jɑ̂ŋ lɔknɛ ńcú nu kɛ́ pɔ́k ɛ́ kʉꞋnɛ wɔ́p, mbíꞋŋɡɔ pɔ́p kɑ pɔ́ ńjí ŋɡɔ pɔ́p pɔ pɛmɛɛ pʉɔ, mbɔ pɔ́p ŋkɑɑ kɛ́ ńzíꞋ sɛkút tɛꞋ pɔ́. Pɔ́p ɡɔ́ɔ ŋ́kɛ́ ńdii ŋɡɔ pɔ́p ɡɛ pɔ́ꞌɔ, mbíꞌŋɡɔ pɔ́p pɛ́ Yɛ́su kɑ pɔ́ ńtɛmtɛ ku ńnɛn.

ŊwɑꞋnɛ-Gɑŋntúu Yɛ́su Kɛlístɔ 7:51

Ɛtiyɛ̂n kɑ pɛ́ɛtɛ tɛ ɛ́ kuꞋ, ɑ cú mbɔ̌ pɑsɑ́Ꞌlɑ́Ꞌ ŋɡɔ: «Pʉʉ tʉʉ tú tɛꞋ. Tʉ́m yʉ́ʉ pɔ́p kwɑŋɛ nu yʉ́ʉ pɔ́ pɔ wɛ pʉɔ pi pɔ́p kɑ́ jí Sɛ́ pɔ́. Pʉʉ pɛn mɔ́ ńdʉꞋ nu yí Zẅikŋɛ-Sɛ́ cúnɛ, ńdɔk ŋ́ɡɛ pɔ pɑ́Ꞌ pɛmɑ́ŋɡɑpnjẅɛt pʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 2:10

Ŋ́kɛ́ ŋ́ɡʉ nǔu ŋu ẅí ɑ ɡɛnɛ nu sʉ́Ꞌnɛ, mbɔ Sɛ́ ŋ́ɡɑ́ nɛɡúꞋ mbɔ̌ wɛ́, ŋ́ɡɑ́ mɛkuꞋ mbɔ̌ wɛ́, ḿbɛn ŋ́ɡɑ́ mbɔ́tnɛ, ńtsʉ́Ꞌ nɛɡɑ́, ńzɛ nǔu ŋu-Pɑyúdɑ ḿbɑ́ɑtɛ ŋ́ɡɑ́ mbɔ̌ ŋu ẅí ɑ kɑ́ pɔ́ ŋu-Pɑyúdɑ pɔ́,

Filipɛ 1:14

Ŋ kɑ pɔ́ tɛ ŋ́kúu tsɑ́ŋ, nɛlʉ́m pɔ́ɔpɛ́mɑ́ jʉ́ɔ pɔ́Ꞌɔ, ŋ́kẅiꞋ ńzɑ́p tʉ́m yɔ́p nǔu Tsɑpʉɔ. Lɑ́ pɔ́p sɛ́ ɛ́sʉk ɛ́sẅíi nu-Sɛ́ ŋkɔ̂ɔnɛ kɛ́ pɔ́k.

Ɛ́bɛlʉʉ 11:34

ḿbík mɛtʉʉ-ntʉʉ múk, ńduk níi-ntsɔ tɛ pɛ́ pɔɔ lɔk ńjẅí wɔ́p pɔ́, ŋ́ɡɔɔ ḿbɛn fíitɛ tɛ ḿbɔŋ, ńtʉ́ʉ tɛt-ntsɔ, ḿbɔ́ pɑlʉ̈ɔ́Ꞌ ŋ́ɡwɑt, ńzuŋ ɡɑŋntsɔ pi pɔ́p fúnɛ mɛntsɔ́ mɛntsɔ́ tsɛt mɛlɑ́Ꞌ ndɛꞋ.