ŊwɑꞋnɛ-Gɑŋntúu Yɛ́su Kɛlístɔ 13:45 - Kɑɑ Fí

⁴⁵ Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

ŊwɑꞋnɛ-Gɑŋntúu Yɛ́su Kɛlístɔ 13:45 교차 참조

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 27:18

Pilɑtɔ kɑ pɔ́ ńcú pɔ́Ꞌɔ, mbíꞋŋɡɔ ɑ ńtsuŋ ḿbɔ́ ńjí ŋɡɔ pɛ́ kɔ́Ꞌ pɔ lɔ́ŋ nǔu Yɛ́su lɑ ɛ́fɛn wɛ́.

ŊwɑꞋnɛ-Gɑŋntúu Yɛ́su Kɛlístɔ 13:50

Lɑ́ pɑyúdɑ ɡɔ́ɔ ŋ́kɛ́ ńníꞋ mɛtʉʉ pɛcɔ́ pɑŋɡɛ́ pi pɔ́p tʉ́sɔŋ-Antíyɔshɛ ɛ̂wɑ́ ŋ́ɡẅɛɛ yúu. Mbɔ pɔ́p kɑ pɔ́ ńcɛꞋlɛ Sɛ́ pɑ́Ꞌ pɑyúdɑ, ńníꞋ mɛtʉʉ mbɑ pɛcɔ́ pɛkɛ́m pi pɔ́p tʉ́sɔŋ. Pɔ́p pɛ́ pɔ́p zɑ́ɑ sɔ́ɔ nǔu Pɔ̂l pɔ́p Pɑnɛpɑ́ɑshi, ńzuŋ wɔ́p tɛ pɔ́p fú lɑ́Ꞌ pɔ́p ŋ́kɛ́ ŋ́ɡʉ ɡʉnɛ.

ŊwɑꞋnɛ-Gɑŋntúu Yɛ́su Kɛlístɔ 14:19

Mbɑ pɔ́Ꞌɔ, pɛcɔ́ pɑyúdɑ ɡɔ́ɔ ŋ́ɡɛ ɛ́fú Antíyɔshɛ ẅí ɛ́ mbʉʉ Pisidîi, pɛcɔ́ fú tʉsɔŋ-Ikɔníyum, pɔ́p puu ńtɔ́ shɔt lɑ́Ꞌ tɛ pɔ́p tsʉ́Ꞌ ḿbɔ́ pɔ nǔu yɔp nzʉʉ. Pɔ́p pɛ́ pɔ́p lɔk mɛŋɡɔꞋ ńtɛ́mtɛ Pɔ̂l, tɛ ḿbɔ́ ŋ́kwɑŋɛ pɔ ŋɡɔ ɑ pfú, ɛ́shuŋ wɛ́ ńdɔk ɛ́fú tʉ́sɔŋ, ŋ́ɡʉ ḿmɛꞋ.

ŊwɑꞋnɛ-Gɑŋntúu Yɛ́su Kɛlístɔ 14:2

Lɑ́ pɛcɔ́ pɑyúdɑ lʉꞋ nɛpɛ́m, ńdẅɑklɛ pʉɔ pí pɔ́p kɑ́ pɔ́ pɑyúdɑ pɔ́, pɔ́p zɛ nɛlíŋɛ pɔ́ɔpɛ́mɑ́ kɛpɔŋ.

ŊwɑꞋnɛ-Gɑŋntúu Yɛ́su Kɛlístɔ 14:4

Pʉɔ pí pɔ́p tʉ́sɔŋ sɑ́ɑnɛ, ŋ́ɡɑptɛ nji yɛ́pɑ́. Tɑ́Ꞌ nji cʉ́ɔ nzʉʉ-pɑyúdɑ. Yɛcɔ́ cʉ́ɔ nzʉʉ-pɑpɛ́m Yɛ́su.

ŊwɑꞋnɛ-Gɑŋntúu Yɛ́su Kɛlístɔ 14:5

Pɑyúdɑ mbɑ pʉɔ pí pɔ́p kɑ́ pɔ́ pɑyúdɑ pɔ́, pɔ́p pɛkɛ́m-lɑ́Ꞌ pɔ́p, zɑ́p ŋɡɔ pɔ́p ɡʉ ńdɔk mɛtʉʉ ŋ́kúu nǔu, ńtɛ́m ɡɑŋntúu-Yɛ́su-ɛ̂pɑ́ nɛ́ mɛŋɡɔꞋ ńjẅí.

ŊwɑꞋnɛ-Gɑŋntúu Yɛ́su Kɛlístɔ 17:5

Lɑ́ pɑyúdɑ pinɛ pɔ́p lʉꞋnɛ jʉ́ɔ pɔ́Ꞌɔ, ŋ́kɔ́Ꞌ lɔ́ŋ, ŋ́ɡʉ mɛtú-ndúŋ-ńcúꞋlɛ pɑ kɛ́ kúu nǔu nu, pɔ́p pɛ́ pɔ́p kuutɛ lɑ́Ꞌ, ḿmɑꞋ vɑꞋ tʉ́sɔŋ. Pɔ́p ɡʉ ndɑ́-Jɑ́sɔŋ nɛlɔɔ Pɔ̂l pɔ́p Sílɑs pɑ́Ꞌ pɔ́p ɡʉ ŋ́ɡẅɛɛ wɔ́p ŋ́ɡʉ tík wɔ́p mbi lɑ́Ꞌ,

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 19:9

Lɑ́, pɛcɔ́ pʉɔ tʉʉ pɔ tú, ńdʉꞋ nɛpɛ́m, ńtʉ́ʉ pɔ mbi lɑ́Ꞌ ŋ́ɡwɑ́k nu nǔu sɛ̂ndúŋ-Yɛ́su ẅi Pɔ̂l sɛ́ ńcú. Pɔ̂l ɡɔ́ɔ ŋ́kɛ́ ńnɑ́ wɔ́p, ɛ́fɑk pʉɔ pi pɔ́p pɛ́mnɛ nɛtsʉ́Ꞌ pʉɔ-Kɛlístɔ, ńdɔk ŋ́ɡʉ nɛ́ zʉꞋ-sɛkút wɛk ŋu ẅi pɛ́ fúŋnɛ ŋɡɔ Tilɑnus, ḿbɔ́ ńzíꞋ wɔ́p nɛ́ yúu lɛ́Ꞌ tsʉʉ,

ŊwɑꞋnɛ-Gɑŋntúu Yɛ́su Kɛlístɔ 5:17

Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.

Pʉɔ-Lɔ́mɑ 1:29

Mɛnu mi Sɛ́ sɛ́ ḿbɔɔ ŋ́kɔŋ pɔ́ jʉ́ wɔ́p, pɔ́p ɡɛ mɛnu kɛpɔŋ, ŋ́ɡẅɛɛ kɛ́ɡʉ̈ɔꞋ, ḿbɔ́ pʉɔ ńcʉ̈ɔ́k lɔ́ŋ, nɛjʉ́ɔ yúu-ŋu ŋ́kɔ́Ꞌ lɔ́ŋ nǔu jʉ́ wɔ́p, pɔ́p jẅítɛ pʉɔ, ńnɑ́ŋ ńtɑ́k pɔ mɛfɛꞋ, ŋ́ɡẅɛɛ fúklɛ, kʉ̈ɔ́ lɑ́ sɑ́Ꞌ tú pɔ́p ɔɔ pɔ́p ɡɛ ɡɛnɛ, ńzɑ́p mɛnu tú-pʉɔ,

1 Kɔlɛ̂ŋtɛ 3:3

mbíꞌŋɡɔ mbʉʉ yʉ́ʉ pɛ́t ɛ́sɑ́Ꞌ wʉ́ʉ, kɛ́ɡʉ̈ɔꞋ zɛɛ ḿbɛ́t ḿbɔ́ pɔ tsɛtsɛt pʉʉ, pʉʉ pɛ́t ńzɔŋ nu zɔŋnɛ. Mbʉʉ yʉ́ʉ kɑ́nɛ pɔ́ ńdɔk ḿbɛ́t ɛ́sɑ́Ꞌ wʉ́ʉ pɔ́ ɔɔ? Pʉʉ kɑ́ pɔ́ ńdɔk pɔ́Ꞌɔ, ḿbɛ́t ŋ́ɡɛ pɔ pɑ́Ꞌ pʉɔ ndǔmbí ɡɛnɛ pɔ́ ɔɔ?

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,

Ŋɡɑlɑ̂t 5:21

Pɑ́Ꞌ nɛtík lík nǔu yúu pʉɔ, pɑ́Ꞌ nɛnɔ́ mɛluꞋ tɛ ḿbɑ́, pɑ́Ꞌ nɛcúꞋlɛ nǔu ndíinɑ nɛkwɛ́t yúu ŋ́ɡɛ mɛnu sʉ́ʉ, mbɑ pɑ́Ꞌ nɛɡɛ mɛcɔ́ mɛyúu mi ɛ́ fínɛ mi pɛ́ tʉ́ʉnɛ lɑɑ. Ŋ kɑ zɛɛ ɛ́sẅíi wʉ́ʉ, ŋ ɡʉ ḿbɛn ɛ́sẅíi wʉ́ʉ ŋɡɔ: Pʉɔ pi pɔ́p ɡɛnɛ yɔ ntɛ́ mɛnu kɛ́ lɑ́Ꞌ ɡẅɛɛ zʉꞋ nǔu nu nɛfɔɔ Sɛ́ pɔ́.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

2 Timɔtɛ́ɛ 3:11

Ɔ sɛ́ ńjí pɑ́Ꞌ pʉɔ kɑ tsɔ́Ꞌnɛ ku yɑ́ɑ kɛpɔŋ, ńjí pɑ́Ꞌ ŋ kɑ jʉ́ɔnɛ ŋɡʉ̈ɔ́Ꞌ pɔ́Ꞌɔ tʉ́sɔŋ-Antíyɔshɛ mbɑ Ikɔnyɔm mbɑ Listɛlɛ. Pɔ́p ŋkɑɑ tsɔ́Ꞌ ku yɑ́ɑ kɛpɔŋ nɛ́ yɛ́tɛ́ ntɛ́ pɔ́. Lɑ́ Tsɑpʉɔ kɛ ɛ́fú tsɛtú ńcẅɛɛtɛ wɑ́ɑ cẅɛɛtɛ́nɛ,

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?

1 Pyɛ̂ 4:4

Ɛ́ pɛn ḿbɔ́ nǔu ŋkɔ̂ɔnɛ pɑkɛ́jí Sɛ́ tsʉ́Ꞌ ńjʉ́ɔ yʉʉ ntɛ́ ḿmɑɑ mɑɑnɛ, mbíꞋŋɡɔ pʉʉ pɛ́pɔ́p kɑ́ pɛ́t ńtɛmtɛ ku ńnɛn nɛɡɛ mɛnu mi pɔ́p ɡɛnɛ ɛ́ pɔ́ pɔ mɛnu sʉ́ʉ pɔ́. Pɔ́p kɛ ńtsʉ́Ꞌ ńzɔɔtɛ wʉ́ʉ zɔɔtɛnɛ.

Jẅidɛ 1:10

Lɑ́ ŋ́ɡʉ nǔu pʉɔ pí pɔ́p sɔ́tɛ́nɛ ŋ́kúu tsɛtsɛt pʉʉ lɑ́, pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, ŋ́ɡʉ nǔu yi pɔ́p jínɛ nu nǔu ɛ́ mbɔ̌ pɔ́p ḿbɔ́ pɑ́Ꞌ nu-kɔ́Ꞌtú-nɑɑ ẅí jínu yɛ́ kɑ́ pɔ́ ɡú pɔ́, yúu mi pɔ́p jínɛ nǔu yɔ ntɛ́ ɡɛ pɔ́p fɑɑnɛ ndúŋ.