ŊwɑꞋnɛ-Gɑŋntúu Yɛ́su Kɛlístɔ 13:32 - Kɑɑ Fí

³² Pɛk yɛ́k, pɛk tʉ́ʉ pɑꞋnɛ, ḿbɔ́ ḿbʉ́ wʉ́ʉ nɛ́ yîyɑ́ nu sʉ́Ꞌnɛ. Ɛ́ pɔ́ nu yí Sɛ́ kɑ lɑ́Ꞌnɛ ŋ́kɑꞋ mbɔ̌ pɛmɑ́ŋɡɑpnjẅɛt-pɑíslɑyɛ̂l.

ŊwɑꞋnɛ-Gɑŋntúu Yɛ́su Kɛlístɔ 13:32 교차 참조

Lúkɑ́shi 1:19

Cʉ̈ɔꞋ-Sɛ́ pʉ̈ɔt ŋɡɔ: «Mɔ Ŋɡɑ́ɑpɛliyɑ, n zúꞋ pɔ mbɔ̌ Sɛ́. Jʉ́ túunɛ wɑ́ɑ ŋɡɔ n tɔ́ ɛ́sɑ́Ꞌ wɔ Ŋkʉʉ sʉ́Ꞌnɛ mbɔ̌ wu.

Lúkɑ́shi 2:10

Lɑ́ Cʉ̈ɔꞋ-Sɛ́ ɛ̂wɑ́ cú mbɔ̌ pɔ́p ŋɡɔ: «Kɔɔ pʉʉ pɔ́k! N tɔ́ pɔ nɛpʉ́ wʉ́ʉ nɛ́ nu sʉ́Ꞌnɛ, ɛ́ pɔ́ yi ɛ́ ɡɛ ŋ́ɡɑ́ mɑ́mɑ́ tsɑ́ɑtɛ tsɛt ŋɡɔŋ wʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

ŊwɑꞋnɛ-Gɑŋntúu Yɛ́su Kɛlístɔ 13:23

Sɛ́ pɛn ŋ́ɡʉ nǔu njẅɛtndɑ́-fɔɔ Ndɑvît, ŋ́ɡɛ pɛ́ pí Nzɑ́Ꞌŋkʉ pɑ́Ꞌ ɑ kɑ kɑꞋnɛ, ŋɡɑŋ pɔ́ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 13:38

Pɔ́ɔpɛ́mɑ́, jínɛ ŋɡɔ pɛ́ sẅíi wʉ́ʉ lɔ́Ꞌnɛ ŋɡɔ mbɔ Sɛ́ likŋɛ mɛnu kɛpɔŋ pʉɔ pɑꞋnɛ nɛtẅɛꞋ-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 14:15

«Pɛsúu pɛk, pʉʉ lɔɔ nɛɡɛ kʉ̈ɔ́ pɑ́Ꞌɑ? Pɛk kɛ́ ḿbɔ́ pɔ pʉɔmɛsɔŋ pɑ́Ꞌ pʉʉ! Pɛk tɔ́ pɔ nɛcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉʉ, ɛ́ pɔ́ ŋɡɔ pʉʉ mɛꞋ mɛsɛ́ mʉ́ʉ mi ɛ́ kɑ́ kuꞋ yɛcɔ́ yúu pɔ́, ɛ́shɔtnɛ ńtɔ́ ŋ́kẅɛ́ɛtɛ Sɛ́ ẅi ɑ ntʉʉ. Jʉ́ kɑ ɡɛnɛ nɛpʉ́ pɔ́p tsɛ́tsɑ́Ꞌ, mbɑ ŋki Mi, tɛ mbɑ yúu tsʉʉ yí ɛ́ tsɛtú.

ŊwɑꞋnɛ-Gɑŋntúu Yɛ́su Kɛlístɔ 26:6

Ŋkɔ̂ɔnɛ, yúu mi pɛ́ ŋɑknɛ wɑ́ɑ nǔu ɛ́ pʉ̈ɔ́lɑ́: Ḿbɔ́ yi Sɛ́ kɑ kɑꞋ nu mbɔ̌ pɛmɑ́ŋɡɑpnjẅɛt pɛkŋɛ, m bɛn ḿbɔ́ ńzẅíꞋlɛ pɑ́Ꞌ ɛ́ ɡʉ ŋ́ɡɛ puutɛ.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 5:42

Pɔ́p ɡʉ pɔ́Ꞌɔ, ḿbɔ́ lɛ́Ꞌ tsʉʉ tsɛt ZʉꞋ-nɔŋpɔꞋ, mbɑ tsɛt mɛndɑ́ mɛndɑ́, ḿbɔ́ ńzíꞋ pʉɔ nɛ́ yúu, ḿbɔ́ ɛ́sɑ́Ꞌ Ŋkʉʉ Sʉ́Ꞌnɛ, ńcú ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ.

Pʉɔ-Lɔ́mɑ 1:2

Ntí sɑk pɑ́Ꞌ Sɛ́ kɑ lɑ́Ꞌnɛ ŋkɑꞋ ẅîwɑ́ Ŋkʉʉ Sʉ́Ꞌnɛ tɛ ŋ́ɡɛ pɑcẅiŋkʉʉ pɛ́ pɛ́ ŋkɑ́mbi ŋwɑꞋnɛ tsɛt ŋwɑꞋnɛ yɛ́.

Pʉɔ-Lɔ́mɑ 10:15

Mbɔ pɛ́ pɛn ɛ́sẅíi nu-Tsɑpʉɔ ŋɡɔ́ku kɛ́ pɔ́ yi pɛ́ túu pʉɔ pi pɔ́p ɡʉ ɛ́sẅíi? Ɛ́ fí nu yi ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɑ́ntúu pɔ́ tɛ ńtɔ́, ɛ́sẅíi pʉɔ nɛ́ nu sʉ́Ꞌnɛ, tsɑ́ɑtɛ pɔ́ sɛ́ ŋkɑ́ ɛ̂yɑ́.»

Pʉɔ-Lɔ́mɑ 4:13

Yɛcɔ́ nu pɛn ḿbɔ́ ŋɡɔ Sɛ́ kɑ kɑꞋ mbɔ̌ Ábɛlɛhɑ̂m, mbɑ mbɔ̌ njẅɛt yɛ́ ŋɡɔ ɑ ɡʉ ńdɑ́Ꞌ ŋ́ɡɑ́ ŋɡɔŋ mbɔ̌ pɔ́p. Sɛ́ ŋ́kɑɑ ḿbɔ́ ŋ́kɑꞋ pɑ́Ꞌɑ, pɔ́ mbíꞋŋɡɔ Ábɛlɛhɑ̂m kɑ pɔ́ ŋ́ɡɛ yúu mi nɛpʉ́ʉ sɛ́ ḿbíkŋɛ pɔ́, ɛ́ kɑ fú pɔ nǔu pɑ́Ꞌ ɑ zɑ́pnɛ tʉ́m nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 9:4

Pɔ́p Pɑíslɑyɛ̂l. Mbɔ Sɛ́ kɑ kɑŋ wɔ́p ńdɔk wɔ́p ŋ́ɡɛ pɔ́ɔ pɛ́, ńnyɛt wɔ́p nɛ́ nɛɡúꞋ wɛ, ŋ́ɡɛ pɔ́p pɛpɔ́p ɡwɑt kɑɑ, ɑ ɡɑ́ nɛpʉ́ʉ nɛ́ mbɔ̌ pɔ́p, ɛ́sẅíi wɔ́p nɛ́ ntɛ́ yi pɔ́p ɡʉ ńdɔk ŋ́ɡúꞋlɛ wɛ́, ŋ́kɑꞋ mɛnu mbɔ̌ pɔ́p tɛ ɛ́ zɑ́ɑ zɑ́ɑnɛ.