ŊwɑꞋnɛ-Gɑŋntúu Yɛ́su Kɛlístɔ 13:16 - Kɑɑ Fí

¹⁶ Pɔ̂l lɔ sɛ́, ŋ́kɑꞋ pɔ́ yɛ́, ńcú ŋɡɔ: «Pɑíslɑyɛ̂l, tɛ mbɑ pʉʉ ẅi pʉʉ pɔ́knɛ Sɛ́, pʉʉ zúꞋ.»

ŊwɑꞋnɛ-Gɑŋntúu Yɛ́su Kɛlístɔ 13:16 교차 참조

Mɑtʉ̈ɔ 11:15

Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu ɑ zúꞋ.»

Lúkɑ́shi 1:22

A pɔ́ tɛ ńcẅɛt, ḿbɔɔ pɛn ŋ́kuꞋ nɛcú nu mbɔ̌ pɔ́p pɔ́, ńtsʉ́Ꞌ ńdɔk pɔ mbɔ́ ńdɛꞋlɛ nu. Pɔ́p ɡɔ́ɔ ńjí ŋɡɔ ɑ tɔ́ ndɑ́, Sɛ́ níɛꞋ mík mɛ́, ɑ jʉ́ɔ yɛcɔ́ ŋkʉꞋnɛ nu. A fú pɔ́Ꞌɔ, ńtsʉ́Ꞌ ḿbɔ́ pɔ cípúꞋ.

Lúkɑ́shi 1:50

«A lɔ ŋ́ɡɛ nu sʉ́Ꞌnɛ nǔu pʉɔ pi pɔ́p ɡɛ́mtɛnɛ wɛ́, ḿbɛn ŋ́ɡɛ nǔu pɔ́ɔ pɔ́p nǔu mɛzuŋ mɛzuŋ

Lúkɑ́shi 23:40

Wɛcɔ́ zúꞋ pɔ́Ꞌɔ, ŋ́kɑkŋɛ wɛ́ ŋɡɔ: «Pɛ́ tɛmtɛ ŋ́kẅii wɛkŋɛ pɛ́ ŋu wɑ́lɑ́ nǔu tʉ́ mbɑ́ŋtɛ pɑ́ŋtɛ́nɛ, ɔ jʉ́ɔ pɔ́Ꞌɔ, ɔ kɑ́ pɔ́k Sɛ́ pɔ́. Ɛ́ ɡʉ nǔu pûu, mbɔ pɛ́ kẅii wûu, ɛ́ pɔ́ kwɑꞋ nɛ́nẅín.

ŊwɑꞋnɛ-Gɑŋntúu Yɛ́su Kɛlístɔ 10:2

A pɔ́ ŋu, pɔ́p njẅɛt yɛ́ tsʉʉ ɡɛ mɛkuꞋ Sɛ́, ḿbɔ́ ńzúꞋ ntsu wɛ́. A pɛn ńcẅɛ́lɛ́ pɑyúdɑ pi pɔ́p pɛpúŋ tɛ ɛ́ zɑ́ɑ zɑ́ɑnɛ, ńnɑ́ŋ ńcɛꞋlɛ Sɛ́ ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 10:35

Ŋu lɑɑ ŋ́ɡɛ mɛkuꞋ-Sɛ́, ḿbɛn ŋ́ɡɛ yúu mi ɛ́ ndʉ́ŋndʉŋ mbi Sɛ́, ḿbɔ́ pɔ ŋu yɛ́tɛ́ ŋɡɔŋ ɔɔ, mbɔ nu yɛ́ ɡʉ ḿbɔŋ Sɛ́ pɔŋnɛ.

ŊwɑꞋnɛ-Gɑŋntúu Yɛ́su Kɛlístɔ 12:17

Pyɛ̂ mɑꞋtɛ pɔ́ ńdɔk ńcú ŋɡɔ pɔ́p nɑ́Ꞌ. Pɔ́p nɑ́Ꞌ, ɑ zɛ nɛpɛ́ɛtɛ ɛ́sẅíi wɔ́p pɑ́Ꞌ Tsɑpʉɔ lɑ́Ꞌnɛ ŋ́ɡɛ lɑ́ ɑ cẅɛt ndɑ́tsɑ́ŋ, ḿbɛn ńcú mbɔ̌ pɔ́p ŋɡɔ: «Pʉʉ ɡʉ ńdɛꞋlɛ yɔ nu, mbɔ̌ Jɑ̂k mbɑ mbɔ̌ pɛcɔ́ pɔ́ɔpɛ́mɑ́, ńcú pɔ́Ꞌɔ, ńcẅɛt, ŋ́ɡʉ nɛ́ zʉꞋ ndɛꞋ.»

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 19:33

Pɛcɔ́ pʉɔ fú tsɛtsɛt lɑ́Ꞌ, ŋ́kyɛ́Ꞌtɛ yúu mi ɛ́ lɛɛnɛ, ɛ́sẅíi wɛcɔ́ ŋu pɛ́ fúŋnɛ ŋɡɔ Lɑksɑ́ndɑ ẅi pɑyúdɑ lɑ́Ꞌnɛ ńtsʉ́ʉnɛ wɛ́ ńtík mbi. A kúu zúꞋu, ŋ́kɑꞋ pɔ́ yɛ́ ŋ́ɡɑ́ tʉ́, nɛlɔk ɛ́sẅíi lɑ́Ꞌ ŋɡɔ ɑ ɡẅɛɛ nu yi ɑ ɡʉ ńcú.

ŊwɑꞋnɛ-Gɑŋntúu Yɛ́su Kɛlístɔ 2:14

Pyɛ̂ pɔ́p ɡɑŋntúu ntsɔ̌pmɔꞋ ɡɔ́ɔ ŋ́kɛ́ ńdɔ sɛ́. Pyɛ̂ lɔk kwɑꞋ ŋɡi tɛnnɛ ńcú mbɔ̌ lɑ́Ꞌ ŋɡɔ: «Pʉʉ pɑyúdɑ, tɛ mbɑ pʉɔ tsʉʉ pinɛ pɔ́p Yɛlúsɑlɛm lɔ́Ꞌnɛ, pʉʉ zẅíꞋlɛ, mɔ ɛ́sẅíi wʉ́ʉ nɛ́ yúu mi ɛ́ yɛ́tɛ́.»

ŊwɑꞋnɛ-Gɑŋntúu Yɛ́su Kɛlístɔ 2:22

Pyɛ̂ pɛn ńcú ŋɡɔ: «Pɑíslɑyɛ̂l, pʉʉ tík mɛtúutɛ́ mʉ́ʉ ńzúꞋ nu yɔ yí mɔ ńcú lɑɑnɛ. Yɛ́su mɔ́ɔ-Nɑ̌zɑlɛt, ɑ pɑꞋnɛ ḿbɔ́ ŋu ẅí Sɛ́ kɑ tsuŋnɛ ńnyɛt mbɔ̌ pʉʉ ŋɡɔ jʉ́ kɑ túunɛ wɛ́. A kɑ lɔk pɑ́Ꞌ ɑ kɑ lɛɛnɛ nǔu wɛ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ, ŋ́ɡɛ ndɑɑkɑ́jʉ́ɔ, ḿbɛn ńnyɛt wʉ́ʉ nɛ́ mɛlii-mɛnu ntɛ́ nɛ́ ntɛ́. Tɛ pʉʉ tsuŋ ḿbɔ́ ńjí.

ŊwɑꞋnɛ-Gɑŋntúu Yɛ́su Kɛlístɔ 21:40

Tɑ́tndɑ́-pɛtɑ́tndɑ́-ntsɔ pɛ́m. Pɔ̂l tʉ́ʉ ndǔ mɛsɛtẅɛp, ŋ́kɑꞋ pɔ́ yɛ́ ŋ́ɡɑ́ tʉ́. ZʉꞋ ɡɔ́ɔ ńdɛ́ɛ, ɑ lɔk sẅíŋɛ-pɑyúdɑ ńcú mbɔ̌ lɑ́Ꞌ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 22:22

Pɑyúdɑ pi pɔ́p kɑ zẅíꞋlɛnɛ nu yi Pɔ̂l sɛ́ ńcú, tɛ ńzúꞋ ɑ cú pɑ́Ꞌ ɑ cúnɛ lɑɑ, kɑ ɡɔ́ɔ ŋ́kɑꞋ ŋɡi yɔ́p, ŋ́ɡɑ́ tʉ́ ńcú ŋɡɔ: «Pɛ́ ɡwɛ́tnɛ ŋu wɑ́. A kɑ́ ɡẅɛɛ nɛpɔ́ ɡú pɔ́,

ŊwɑꞋnɛ-Gɑŋntúu Yɛ́su Kɛlístɔ 3:12

Pyɛ̂ jʉ́ɔ pɑ́Ꞌ pɔ́p sɛ́ ńcúꞋlɛ nɛjɔ́ŋ pɔ́p pɔ́Ꞌɔ, ńcú mbɔ̌ lɑ́Ꞌ ŋɡɔ: «Pʉɔ-Íslɑyɛ̂l, pʉʉ mɑɑ pɑ́Ꞌ ɑ fíitɛ́nɛ mbíꞋkʉ̈ɔ́? Pʉʉ sɛ́ ńdíŋɛ wɛ́k pɔ pɑ́Ꞌ ŋkɑ́ yi pɛk lɔk pɔ mɛk mɛtʉʉ kɛ pɔ mɛk mɛfɑꞋ nzʉʉ Sɛ́ lɑ́ ńdɔk ŋ́ɡɛ wɔ ŋu nɛn ntɛ́ kʉ̈ɔ́?»

Mɛnu ɛ́ ńdɑ́Ꞌ ńcẅɛt 2:11

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, nɛpfú nǔu mbɑ́ɑtɛ yɛ́pɑ́ kɛ́ lɑ́Ꞌ ŋ́ɡẅɛɛ wɛ́ pɔ́.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 2:29

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ.

Mɛnu ɛ́ ńdɑ́Ꞌ ńcẅɛt 2:7

Ŋu lɑɑ ŋ́ɡẅɛɛ mɛtúutɛ, ɑ zúꞋ nu yí Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Mɔ ŋ́ɡɛ ŋ́ɡɑ́ ntɑ́ɑ ẅi ɛ́ fúnɛ nǔu tʉ́ yi ɛ́ ɡɛnɛ pɛ́ pɔ́ ɡú, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ɑ jʉ́. Yîyɑ́ tʉ́ pɔ́ tsɛt ŋkɑ́Ꞌ-Sɛ́.