13 Pɔ̂l pɔ́p pʉɔ pi pɔ́p pɛ́ pɔ́p ḿbɔ́nɛ, ŋ́kúu wɛcɔ́ mɑ́mɑ́ kɑnúꞋ tʉ́sɔŋ-Pɑfɔs, ŋ́ɡʉ nɛ́ tʉ́sɔŋ-Pɛljɛ yi ɛ́ tsɛt ŋɡɔŋ-Pɑnfilî. Jɑ̂ŋ Mɑ́lɛ́kúshi ɡʉ tɛ ŋ́kúu zúꞋu, ńnɑ́ wɔ́p ḿbɛn nɛ́ Yɛlúsɑlɛm.
Pyɛ̂ kwɑŋɛ, ŋ́ɡʉ nɛ́ ndɑ́-Mɑlíyɑ, mɑ́ pɛ́ Jɑ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Mɑ́lɛ́kúshi. Ɛ́ ɡɔ́ ḿbɔ́, mbɔ pʉɔ-Kɛlístɔ cúꞋlɛ tɛ ńzɑ́ɑ ḿbɔ́ ńcɛꞋlɛ Sɛ́.
Ɛ́ nɑ́Ꞌ ńnɑ́ŋ mɔ́zʉꞋ, Pɔ̂l cú mbɔ̌ Pɑnɛpɑ́ɑshi ŋɡɔ: «Pûu pɛn nzʉʉ, ńdíŋɛ pɔ́ɔpɛ́mɑ́ pi pɔ́p tsɛt mɛtʉ́sɔŋ mí pûu kɑ lɛɛnɛ zúꞋu ɛ́sẅíi nu-Tsɑpʉɔ, ńdíŋɛ ńjʉ́ɔ pɑ́Ꞌ pɔ́p kɑ tsʉ́Ꞌnɛ ḿbɔ́.»
Lɑ́ Pɔ̂l pɔɔ ŋ́kɔŋ pɔ́Ꞌɔ pɔ́, mbíꞌŋɡɔ ɑ kɑ lɑ́Ꞌ ḿmɛꞋ wɔ́pmɛ Pɑnfílî. Jɑ̂ŋ Mɑ́lɛ́kúshi ŋkɑɑ pɛn ńcʉ́ɔ nzʉʉ pɔ́p pɔ́p pɛ́pɔ́p fɑꞋ fɑꞋ pɔ́.
Pɑfú Filíjîi pɔ́p Pɑnfílî pɔ́p Ɛɡíptɔ, pɑfú Silɛ̂nɛ nǔu pɑk-ŋɡɔŋ-Líbîi, pɑfú Lɔ́mɑ mbɔ́ ńnɑ́ŋ zɑ́Ꞌnɛ pɔ́ pɔ sɛ́.
Ŋkwɑŋɛ pɔ́Ꞌɔ, mɔ́ɔ mɔ́ fɛfʉ̈ɔt nɑ́Ꞌ ɛ́fú shʉ́ ntsʉ́ʉ ńzɛ nɛtsʉꞌnɛ, pʉɔ-mɑ́mɑ́ kɑnúꞋ jí yɔ́p pɔ ŋɡɔ nu yi pɔ́p kwɑŋɛ́nɛ ɡʉ ńnɛn, ŋ́ɡɔ́ɔ ńcẅɛɛtɛ mɑ́mɑ́ tʉ́n yi ɛ́ ɡẅɛɛnɛ kɑnúꞋ ŋki, ńtíi mɑ́mɑ́ kɑnúꞋ ńdɔk mbɑ́ŋtɛ pɔ kwɑꞋ mbʉʉ-ŋɡɔŋ-Kɛlɛ̂t.
Ńnɛn pɔ pɔ́Ꞌɔ, ńdɛɛ mɑ́mɑ́ ŋki ẅi ɛ́ mbʉʉ-ŋɡɔŋ-Silísíyɑ, pɔ́p ŋɡɔŋ-Pɑnfilî, ŋ́ɡɔ́ɔ ŋ́kɛ́ ŋ́kúu mbʉʉ-tʉ́sɔŋ-Mílɑ, tsɛt ŋɡɔŋ-Silisî ńtʉ́ʉ.
Alistɑk ẅí pɛknɛ tɛmtɛ́nɛ ḿbɔ́ ndɑ́tsɑ́ŋ cɛꞋlɛ wʉ́ʉ. Mɑ́lɛ́kúshi ẅí ɑ mɔ́ɔmɑ́-Pɑnɛpɑ́ɑshi pɛn ḿbúꞋ mbɔ́ mbɔ̌ pʉʉ ɡúu. Ŋ kɑ zɛɛ ŋ́kẅíi wɛ́ mbɔ̌ pʉʉ. A lɑɑ ŋ́kúu zɑ́Ꞌɑ, pʉʉ kúkŋɛ wɛ́ sʉ́Ꞌnɛ.
Pɛk Lúkɑ́shi tsʉ́Ꞌnɛ ḿbɔ́ zɑ́Ꞌnɛ. Ɔ lɑɑ ŋ́ɡɔ ńtɔ́, pʉʉ Mɑ́lɛ́kúshi pɔ́nɛ, mbíꞋŋɡɔ ɑ ɡʉ ńtsuŋ ńcẅɛ́lɛ́ wɑ́ɑ nǔu fɑꞋ-Sɛ́.
