8 Cʉ̈ɔꞋ-Sɛ́ pɛn ńcú mbɔ̌ wɛ́ ŋɡɔ: «Zẅík ndẅí yu, ńzẅík mɛtɑp mú.» Pyɛ̂ lɔ sɛ́ ŋ́ɡɛ pɔ́Ꞌɔ. Cʉ̈ɔꞋ-Sɛ́ pɛn ńcú mbɔ̌ wɛ́ ŋɡɔ: «MɑꞋ ndẅí-fɑ́k yu, ńcʉ́ɔ nzʉʉ mɔ.»
Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.
Zẅíknɛ mɛtɑp mʉ́ʉ, lɑ́ kɔɔ pʉʉ ɡẅɛɛ mɛndẅí mɛ́mbɑ́.»
Pɛpɔ́ttú ɡɑŋfɑꞋ pi tɑ̌ɑfɑꞋ wɔp ɡɔ́ ńtɔ́, mbɔ pɔ́p kɑ́ lɛ́. Ɔ́ɔŋ, ɛ sẅíi wʉ́ʉ, ɛ́ pɔ́ nɛ́nẅín, ɑ ɡɛ ńtɛ́m ndẅí-fɑ́Ꞌ, cú pɛɡɑŋfɑꞋ pɛ́ ńnɑ́ŋ sɛ́, ɑ lɔk yúu ńdɛɛ, ŋ́ɡɑp pɔ́p kwɛ́t.
Wɛcɔ́ cʉ̈ɔ́Ꞌ-Tsɑpʉɔ vukŋɛ vukŋɛ́nɛ ńcẅɛt zʉꞋ yí Pyɛ̂ zúꞋu, zʉꞋ kyɛꞋnɛ tsɛt ndɑ́. Cʉ̈ɔꞋ-Sɛ́ púꞋtɛ ɡúŋ mbʉʉ-Pyɛ̂, ńjʉɔmɛ wɛ́, ńcú mbɔ̌ wɛ́ ŋɡɔ: «Lɔ sɛ́ nɛ́ tʉʉ!» Mɛcɛ̂n ɡɔ́ɔ ŋ́kɛ́ ɛ́fú nǔu mbɔ́ mɛ́ ŋ́kíɛꞋnɛ ḿbʉ̈ɔtnɛ sɛ́.
Pyɛ̂ fú ndɑ́tsɑ́ŋ ńcẅɛt, ńcʉ́ɔ nzʉʉ yɛ́. A pɔɔ ḿbɔ́ ńjí ŋɡɔ Cʉ̈ɔꞋ-Sɛ́ tsuŋ ńtɔ́ pɔ nɛcẅɛɛtɛ wɛ́ pɔ́, ŋ́kwɑŋɛ ŋɡɔ Sɛ́ níɛꞋ pɔ mík mɛ́ lɑ́ ɑ jʉ́ɔ mîmɑ́ mɛnu tsɛt njʉɔ.
N cú pɑ́Ꞌɑ, mbɔ ɛ́ lɑ́Ꞌ ḿbɔ́ nɛtúꞋ lɔ́Ꞌnɛ, Sɛ́ ẅi ŋ ɡúꞋlɛ, túu wɛcɔ́ cʉ̈ɔ́Ꞌ wɛ mbɔ̌ mɔ ẅi mɔ ŋɡɑŋfɑꞋ wɛ.
Wɛcɔ́ cʉ̈ɔ́Ꞌ-Tsɑpʉɔ ɡɛ ńtɔ́, ńcú mbɔ̌ Filîp ŋɡɔ: «Lɔ sɛ́ ńdɔk shʉ́ ntsʉ́ʉ ŋ́ɡʉ, ńcúŋ nǔu sɛ̂ndúŋ ẅi ɛ́ fúnɛ Yɛlúsɑlɛm ŋ́ɡʉ nɛ́ Ŋɡɑzɑ. Pɛ́ kɑ́ pɔ́ fɛ́Ꞌnɛ ńdɛɛ zúꞋu pɔ́.»
