ŊwɑꞋnɛ-Gɑŋntúu Yɛ́su Kɛlístɔ 12:20 - Kɑɑ Fí

²⁰ Ɛ́ ḿbɔ́ ŋkɑ́ ɛ̂yɑ́, Fɔɔ Ɛlɔ̂dɛ pɔ́ ńzɑ́ŋ lɔ́ŋ nǔu pʉɔ-tʉ́sɔŋ Tîi pɔ́p tʉ́sɔŋ Sidɔŋ pɑ́Ꞌɑ tɛꞋ. Pɔ́p kɑ zúꞋ pɔ́Ꞌɔ cúꞋlɛ ḿbɔ́ tɑ́Ꞌ ntsu nɛɡʉ ńjʉ́ɔ wɛ́. Ɛ́ lɛɛ pɔ́Ꞌɔ, pɔ́p kút nɛpúꞋ-Mbɛlɑ́tus, ɑ pɔ́ ŋu ẅí jʉ́ pyɛ́pnɛ ndɑ́-fɔɔ, pɑ́Ꞌ ɑ ɡʉ ńnɛn kɛ́m wɔp ŋ́ɡɑ́, cɔ́k yi ɛ́ tsɛtsɛt pɔ́p pɛ́ fɔɔ mɛ. Ńtsɑ́ɑ pɔ́Ꞌɔ, mbíꞌŋɡɔ yúupɛjʉ́ pi pɛ́ kɑ pɔ́ ńjʉ́ tʉ́sɔŋ-Tîi pɔ́p tʉ́sɔŋ-Sidɔŋ, kɑ pɔ́ ɛ́fú pɔ ŋɡɔŋ-fɔɔ Ɛlɔ̂dɛ.

ŊwɑꞋnɛ-Gɑŋntúu Yɛ́su Kɛlístɔ 12:20 교차 참조

Lúkɑ́shi 16:8

Tɑ́fɑꞋ ɡɛ ńjʉ́ɔ ntɛ́ yi ŋɡɑŋfɑꞋ kɛpɔŋ wɛ lɔknɛ ńtɑ́ɑ zúŋ pɔ́Ꞌɔ, ńtsʉ́Ꞌ ḿbɛ́m pɛ́mnɛ ŋɡɔ jínu yɛ́ ɡú. Yɛ́su cú mbɔ̌ pɔ́p ŋɡɔ: «Ɛ́ nɛ́nẅín ŋɡɔ pʉɔ-mbí yɔ jí nɛtɑ́ɑ zúŋ ńdɔk niitɛ mɛnu tsɛtsɛt pɔ́p, ńdɛɛ pʉɔ pinɛ pɔ́p zɑ́pnɛ tʉ́m yɔ́p nǔu Sɛ́.»

ŊwɑꞋnɛ-Gɑŋntúu Yɛ́su Kɛlístɔ 12:21

Pɛ́ tɑ́ŋ lɛ́Ꞌ, fɔɔ Ɛlɔ̂dɛ mɑꞋ ndẅí nɛfɔɔ nɛ́, ńtɔ́ ńnɑ́ŋ ndǔ kɔꞋ-nɛfɔɔ nɛ́, ḿbɔ́ ńcú nu mbɔ̌ pɔ́p,

ŊwɑꞋnɛ-Gɑŋntúu Yɛ́su Kɛlístɔ 21:3

Ńnɛn nɛnnɛ tɛ ḿbɔ́ ńjʉ́ɔ Shíipɛlɛ, ɛ́ pɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ, pɛk lɔk yi ɡúŋ ntsʉ́ʉ, ŋ́kɛ́ ńnɛn nɛnnɛ tɛ ńtsʉ́Ꞌ nɛkúu ŋɡɔŋ-Silii, ńnɑ́ tsɛ́tsɑ́Ꞌ nǔu ɡúŋ-pɔ́ ŋkẅɛpmɛ, ḿbɑŋtɛ nǔu ɡúŋ-pɔ́ tʉʉ. Ɛ́ pɔ́ zʉꞋ yi pɑtɑ́ŋ mɛtɑ́ɑ ɡʉ ńtʉ́ʉ zúꞋu, ŋ́kɔk yúu-mɛtɑ́ɑ tsɛt mɑ́mɑ́ kɑnúꞋ.

ŊwɑꞋnɛ-Gɑŋntúu Yɛ́su Kɛlístɔ 21:7

Pɛk fú Til ɛ̂wɑ́ ŋ́ɡʉ tɛ ŋ́kúu Pɔlɛmɑyis, ńcɛꞋlɛ pɔ́ɔpɛ́mɑ́ pinɛ pɔ́p zúꞋu. Pɛk pɛpɔ́p nɑ́ŋ tɑ́Ꞌ lɛ́Ꞌ.