ŊwɑꞋnɛ-Gɑŋntúu Yɛ́su Kɛlístɔ 12:19 - Kɑɑ Fí

¹⁹ Fɔɔ Ɛlɔ̂dɛ cú pɛ́ lɔɔ wɛ́ zʉꞋ tsʉʉ, mbɔɔ wɛ́ jʉ́ɔ. A píkŋɛ mɛnu mbɔ̌ pɑlʉ̈ɔ́Ꞌntsɔ pínɛ pɔ́p kɑ pɔ́ ḿbyɛ́p Pyɛ̂, ŋ́ɡɔ́ɔ ŋ́kɛ́ ńcú ŋɡɔ pɛ́ jẅítɛ wɔ́p. Ɛlɔ̂dɛ ɡɛ pɔ́Ꞌɔ, ɛ́fú tsɛt pɑk-ŋɡɔŋ-Judɛ̂ ńcẅɛt, ŋ́ɡʉ nɛ́ tʉ́sɔŋ-Sɛ́zɑlɛ̂, ŋ́kúu zúꞋu, ńnɑ́Ꞌ ńzɛ ńnɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 12:19 교차 참조

Mɑtʉ̈ɔ 2:1

Pɛ́ ɡɔ ḿbí Yɛ́su tʉ́sɔŋ-Mbɛ́tɛ́lɛ́hɛm tsɛt pɑk-ŋɡɔŋ-Judɛ̂, ɛ́ pɔ́ ŋkɑ́ Ɛlɔ̂dɛ ḿbɔ́nɛ fɔɔ. Ɛ́ pɔ́ ŋkɑ́ ɛ̂yɑ́, pɛcɔ́ pɑjí nu nǔu pɛcʉ̈ɔ́Ꞌ-sɑŋ fú lɑ́Ꞌ pɔ́p ɡúŋ-sɑ́Ꞌnɛm ńtɔ́ Yɛlúsɑlɛm,

Mɑtʉ̈ɔ 2:13

Pɔ́p pɔ́ tɛ ŋ́ɡʉ, Yɔsɛ̂p lɛ́ njʉɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́, ńcú mbɔ̌ wɛ́ ŋɡɔ: «Lɔ sɛ́, ńtíi mɔ́ɔ, pʉʉ pɔ́p pɛ́ mɑ́pfu kʉɔ, ŋ́ɡʉ nɛ́ tsɛt ŋɡɔŋ-Ɛɡíptɔ, ńnɑ́ŋ zúꞋu. Mɔ, ŋ ɡʉ ŋ́ɡɛ ɛ́sẅíi wú nɛ́ ŋkɑ́ yi ɔ ɡʉ ḿbɛn nzʉʉ. MbíꞋŋɡɔ Ɛlɔ̂dɛ ɡʉ ńdɔɔ mɔ́ɔ wɑ́ nɛjẅí wɛ́.»

Mɑtʉ̈ɔ 2:16

Ɛlɔ̂dɛ pɔ́ tɛ ńjʉ́ɔ ŋɡɔ pɑjí nu nǔu pɛcʉ̈ɔ́Ꞌ-sɑŋ kɑ fʉ́klɛ wɛ́, ńzɑ́ŋ lɔ́ŋ tɛꞋ, ŋ́ɡɔ́ɔ ńtúu pʉɔ ŋɡɔ pɔ́p ɡʉ tʉ́sɔŋ-Mbɛ́tɛ́lɛ́hɛm tɛ mbɑ mɛpɑt-tʉ́sɔŋ, ḿbuu ńjẅítɛ mbɔ́ŋkʉ̈ɔ́ tsʉʉ pinɛ pɔ́p kuꞋnɛ ŋɡuꞋ yɛ́pɑ́ mbɑ pi pɔ́p pɛ́t kɛ́ kuꞋ ŋɡuꞋ yɛ́pɑ́, ńdɔk ńdʉŋtɛ pɔ́Ꞌɔ, nǔu ŋkɑ́ yi pɔ́p kɑ sẅíinɛ wɛ́ ŋɡɔ cʉ̈ɔ́Ꞌ-sɑŋ kɑ cẅɛt lɑ́.

ŊwɑꞋnɛ-Gɑŋntúu Yɛ́su Kɛlístɔ 12:18

Njí ɡɛ ŋ́kiɛ, pɑlʉ̈ɔ́Ꞌntsɔ pɔɔ Pyɛ̂ jʉ́ɔ, zʉꞋ nʉꞋnɛ tsɛtsɛt pɔ́p. Pɔ́p pɔɔ jí yúu mi Pyɛ̂ lɑ́Ꞌnɛ ńtsʉ́Ꞌ yɛ́tɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 12:4

Ɛlɔ̂dɛ cú pɛ́ ɡẅɛɛ Pyɛ̂ pɔ́Ꞌɔ, ńdɔk wɛ́ ŋ́ɡʉ ńjɔ́Ꞌ ndɑ́tsɑ́ŋ. A niitɛ pɑlʉ̈ɔ́Ꞌntsɔ pɛ́nɛ́kwɑ ŋkɑ́ yɛ́nɛ́kwɑ ńtíktɛ ŋɡɔ pɔ́p pɔ́ ḿbyɛ́p wɛ́, ḿbɔ́ ńzẅíꞋlɛ pɑ́Ꞌ ndínɑ-Pɑ́skɑ ɡʉ ńdɛɛ, ɑ tík wɛ́ mbi lɑ́Ꞌ, pɛ́ ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 12:6

Njí ḿbɔ́ ŋ́ɡʉ ŋ́kiɛ, fɔɔ Ɛlɔ̂dɛ tík Pyɛ̂ mbi lɑ́Ꞌ, pɛ́ ŋɑk wɛ́. Pyɛ̂ pɔ́ nɛtúꞋ, ńnɔɔ tsɛtsɛt pɑlʉ̈ɔ́Ꞌntsɔ pɛ́pɑ́, ḿbɔ́ ńdɛ́. Mbɔ pɛ́ lɔk mɛcɛ̂n mɛmbɑ́ ŋ́kút mbɔ́ mɛ́. Pɑpyɛ́p zʉꞋ pɔ́ ntsundɑ́, nɛpyɛ́p wɛ́.

ŊwɑꞋnɛ-Gɑŋntúu Yɛ́su Kɛlístɔ 16:27

Ŋu ẅí ɑ kɑ pɔ́ ḿbyɛ́p ndɑ́tsɑ́ŋ jʉɔmɛ, ńjʉ́ɔ mɛtsu-ndɑ́tsɑ́ŋ pɔ́ pɔ mɛ́ tsɔ́Ꞌnɛ. A ɡɔ́ɔ sɔŋ mɔ́níi, ḿbɔ́ ńdɔɔ nɛlɔk ɛ́sɔp mbʉʉ yɛ, ḿbɔ́ ŋ́kwɑŋɛ pɔ ŋɡɔ ɡɑŋtsɑ́ŋ lɑ́Ꞌ ńcẅɛt ŋ́kʉɔtɛ.

ŊwɑꞋnɛ-Gɑŋntúu Yɛ́su Kɛlístɔ 21:8

Njí ɡɛ ŋ́kiɛ, pɛk lɔ sɛ́, ŋ́ɡʉ tɛ ŋ́kúu Sɛ́zɑlɛ̂, ŋ́ɡʉ njɛ́Ꞌ-Fílîp ẅi ɑ Ncẅiŋkʉʉ sʉ́Ꞌnɛ. A pɔ́ wɛcɔ́ tɑ́Ꞌ ŋu nǔu pʉɔ sɑɑmbɑ́ pi pɛ́ kɑ tsɔ́Ꞌnɛ Yɛlúsɑlɛm lɑ́. Pɛk pɛpɔ́p nɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 25:13

«Ɛ́ lɛɛ mɛcɔ́ mɛlɛ́Ꞌ, fɔɔ Aŋɡɛlípɑ pɔ́p mɔ́ɔmɑ́ wɛ wɛ mɑŋɡɛ́ ẅi pɛ́ fúŋnɛ wɛ́ ŋɡɔ Mbɛlɛnís, tɔ́ tʉsɔŋ-Sɛ́zɑlɛ̂, nɛcɛꞋlɛ Fɛstus.

ŊwɑꞋnɛ-Gɑŋntúu Yɛ́su Kɛlístɔ 27:42

Ɛ́ lɛɛ pɔ́Ꞌɔ, pɑlʉ̈ɔ́Ꞌntsɔ lɔɔ nɛjẅítɛ ɡɑŋtsɑ́ŋ, ḿbɔ́k pɑ́Ꞌ ɛ́ lɑɑ ḿbɔ́ wɛcɔ́ tɑ́Ꞌ púꞋ ŋki ŋ́kʉɔ.

ŊwɑꞋnɛ-Gɑŋntúu Yɛ́su Kɛlístɔ 8:40

Ɛ́ ɡʉ nǔu Filîp, ɑ ɡɔ́ ńjʉ́ɔ, ḿbɔ́ tʉ́sɔŋ-Azɔ́d, ɛ́fú zúꞋu, ŋ́ɡɔ ŋ́kúu tʉ́sɔŋ-Sɛ́zɑlɛ̂, ńnɛn ńcẅi Ŋkʉʉ Sʉ́Ꞌnɛ tsɛt mɛtʉ́sɔŋ tsʉʉ mi ɑ lɛɛnɛ zúꞋu.