ŊwɑꞋnɛ-Gɑŋntúu Yɛ́su Kɛlístɔ 12:17 - Kɑɑ Fí

¹⁷ Pyɛ̂ mɑꞋtɛ pɔ́ ńdɔk ńcú ŋɡɔ pɔ́p nɑ́Ꞌ. Pɔ́p nɑ́Ꞌ, ɑ zɛ nɛpɛ́ɛtɛ ɛ́sẅíi wɔ́p pɑ́Ꞌ Tsɑpʉɔ lɑ́Ꞌnɛ ŋ́ɡɛ lɑ́ ɑ cẅɛt ndɑ́tsɑ́ŋ, ḿbɛn ńcú mbɔ̌ pɔ́p ŋɡɔ: «Pʉʉ ɡʉ ńdɛꞋlɛ yɔ nu, mbɔ̌ Jɑ̂k mbɑ mbɔ̌ pɛcɔ́ pɔ́ɔpɛ́mɑ́, ńcú pɔ́Ꞌɔ, ńcẅɛt, ŋ́ɡʉ nɛ́ zʉꞋ ndɛꞋ.»

ŊwɑꞋnɛ-Gɑŋntúu Yɛ́su Kɛlístɔ 12:17 교차 참조

Mɑtʉ̈ɔ 10:23

Pɛ́ zɑ́Ꞌ ku yʉ́ʉ tsɛt yɔ tʉ́sɔŋ, pʉʉ kʉɔ ŋ́ɡʉ tsɛt yɛcɔ́. Ŋ ɡʉ ɛ́sẅíi wʉ́ʉ, kwɑꞋ nɛ́nẅín, pʉʉ kɛ́ lɑ́Ꞌ ŋ́kúu mɛtʉ́sɔŋ-Íslɑyɛ̂l tɛ ḿmɛk kɛ́ pɔ́ yi Mɔ́ɔ-Ŋu tɔ́ pɔ́.

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Lúkɑ́shi 1:22

A pɔ́ tɛ ńcẅɛt, ḿbɔɔ pɛn ŋ́kuꞋ nɛcú nu mbɔ̌ pɔ́p pɔ́, ńtsʉ́Ꞌ ńdɔk pɔ mbɔ́ ńdɛꞋlɛ nu. Pɔ́p ɡɔ́ɔ ńjí ŋɡɔ ɑ tɔ́ ndɑ́, Sɛ́ níɛꞋ mík mɛ́, ɑ jʉ́ɔ yɛcɔ́ ŋkʉꞋnɛ nu. A fú pɔ́Ꞌɔ, ńtsʉ́Ꞌ ḿbɔ́ pɔ cípúꞋ.

Jɑ̂ŋ 10:40

Yîyɑ́ nu lɛɛ, Yɛ́su pɛn ḿbɛn nǔu yɛcɔ́ njʉ́n-ŋki-Juudɛŋ, zʉꞋ yí Jɑ̂ŋ kɑ zɛnɛ nɛnuꞋ pʉɔ ŋki zúꞋu lɑ́, ńnɑ́ŋ zúꞋu.

Jɑ̂ŋ 11:54

Yɛ́su fú ŋkɑ́ yîyɑ́ mbɔɔ pɛn sɑ́ɑnɛ sɑ́ɑnɛ́nɛ ńdɛɛ tsɛtsɛt pɑyúdɑ pɔ́. A lɔk yɛcɔ́ lɑ́Ꞌ yi ɛ́ lʉɔmɛ́nɛ, shʉ́ kɔ̂ŋtɛt, ŋ́ɡʉ tsɛt yɛcɔ́ tʉ́sɔŋ yi pɛ́ fúŋnɛ ŋɡɔ Ɛ́fɛlɑyim, pɔ́p ɡɑŋku pɛ́ nɑ́ŋ zúꞋu.

Jɑ̂ŋ 13:24

Símɔ̂ŋ Pyɛ̂ nɔꞋ mík ńdɔk ńcú ŋɡɔ: «Ɛ́ píkŋɛ ŋɡɔ ɑ cú ŋɡɑŋ.»

Jɑ̂ŋ 7:1

Yɔ nu lɛɛ, Yɛ́su pɔ́ pɔ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́kɑ́t ńnɛn, ɑ pɔɔ ḿbɔ́ ŋ́kɔŋ nɛɡʉ tsɛt pɑk-ŋɡɔŋ-Judɛ̂ pɔ́, mbíꞋŋɡɔ pɑsɑ́Ꞌlɑ́Ꞌ-pɑyúdɑ kɑ pɔ́ ńdɔɔ nɛjẅí wɛ́.

Jɑ̂ŋ 8:59

Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 12:16

Pyɛ̂ kɛ ḿbúꞋtɛ ntsuŋkɑ́Ꞌ púꞋtɛnɛ tɛ pɔ́p tsɔ́Ꞌ, ńjʉ́ɔ ɑ pɔ́ jʉ́, ɛ́ kʉꞋnɛ wɔ́p tɛꞋ.

ŊwɑꞋnɛ-Gɑŋntúu Yɛ́su Kɛlístɔ 12:18

Njí ɡɛ ŋ́kiɛ, pɑlʉ̈ɔ́Ꞌntsɔ pɔɔ Pyɛ̂ jʉ́ɔ, zʉꞋ nʉꞋnɛ tsɛtsɛt pɔ́p. Pɔ́p pɔɔ jí yúu mi Pyɛ̂ lɑ́Ꞌnɛ ńtsʉ́Ꞌ yɛ́tɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 13:16

Pɔ̂l lɔ sɛ́, ŋ́kɑꞋ pɔ́ yɛ́, ńcú ŋɡɔ: «Pɑíslɑyɛ̂l, tɛ mbɑ pʉʉ ẅi pʉʉ pɔ́knɛ Sɛ́, pʉʉ zúꞋ.»

ŊwɑꞋnɛ-Gɑŋntúu Yɛ́su Kɛlístɔ 15:13

Pɔ́p pɛ́ɛtɛ tɛ ḿbɔ́tnɛ ńnɑ́ŋ, Jɑ̂k cú yɛ́ ŋɡɔ: «Pɔ́ɔpɛ́mɑ́ pɑ́ɑ, pʉʉ zẅíꞋlɛ nu yi mɔ ńcú.

ŊwɑꞋnɛ-Gɑŋntúu Yɛ́su Kɛlístɔ 16:40

Pɔ̂l pɔ́p Sílɑs cẅɛt ŋkɔ̂ɔnɛ, ŋ́ɡʉ nɛ njɛ́Ꞌ-Lítíyɑ, ŋ́kúu zúꞋu, ḿbɛ́ɛtɛ mbɑ kʉ̈ɔ́ lɑ́ ɛ́sẅíi pɔ́ɔpɛ́mɑ́, ńníꞋ mɛtʉʉ wɔ́p, lɑ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 19:33

Pɛcɔ́ pʉɔ fú tsɛtsɛt lɑ́Ꞌ, ŋ́kyɛ́Ꞌtɛ yúu mi ɛ́ lɛɛnɛ, ɛ́sẅíi wɛcɔ́ ŋu pɛ́ fúŋnɛ ŋɡɔ Lɑksɑ́ndɑ ẅi pɑyúdɑ lɑ́Ꞌnɛ ńtsʉ́ʉnɛ wɛ́ ńtík mbi. A kúu zúꞋu, ŋ́kɑꞋ pɔ́ yɛ́ ŋ́ɡɑ́ tʉ́, nɛlɔk ɛ́sẅíi lɑ́Ꞌ ŋɡɔ ɑ ɡẅɛɛ nu yi ɑ ɡʉ ńcú.

ŊwɑꞋnɛ-Gɑŋntúu Yɛ́su Kɛlístɔ 21:18

Njí ɡɛ ŋ́kiɛ, pɛk pɛ́ Pɔ̂l ɡʉ njɛ́Ꞌ-Jɑ̂k, ŋ́kúu zúꞋu pɑcẅɛ́ɛ mbi tsɛt cúlɛ-pʉɔ-Kɛlístɔ yi Yɛlúsɑlɛm tɔ́ yɔ́p.

ŊwɑꞋnɛ-Gɑŋntúu Yɛ́su Kɛlístɔ 21:40

Tɑ́tndɑ́-pɛtɑ́tndɑ́-ntsɔ pɛ́m. Pɔ̂l tʉ́ʉ ndǔ mɛsɛtẅɛp, ŋ́kɑꞋ pɔ́ yɛ́ ŋ́ɡɑ́ tʉ́. ZʉꞋ ɡɔ́ɔ ńdɛ́ɛ, ɑ lɔk sẅíŋɛ-pɑyúdɑ ńcú mbɔ̌ lɑ́Ꞌ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 28:15

Ɛ́ ɡɔ́ ḿbɔ́, mbɔ pɛk kɑ pɔ́ ńtɔ́ pɔ́ɔpɛ́mɑ́ pi pɔ́p tʉ́sɔŋ-Lɔ́mɑ zúꞋ, ńcẅɛt ńtɔ́ ńzɑ́Ꞌ wɛ́k. Pɛcɔ́ zɑ́Ꞌ wɛ́k ndǔ Mɛtɑ́ɑ-Apíyus, pɛcɔ́ zɑ́Ꞌ wɛ́k zʉꞋ yi pɛ́ fúŋnɛ ŋɡɔ Mɛndɑ́ Mɛ́ntɑ́t mi ɛ́ mɛ́ pɛɡʉʉ. Pɔ̂l kɑ pɔ́ tɛ ńjʉ́ɔ pɔ́ɔpɛ́mɑ́, ŋ́ɡɛ́mtɛ Sɛ́, ḿbɛn sʉk.

1 Kɔlɛ̂ŋtɛ 15:7

A kɑ ɡɛ ḿbɑ́ɑtɛ ńnyɛt mbʉʉ yɛ́ mbɔ̌ Jɑ̂k ḿbɛn ńnyɛt mbɔ̌ ɡɑŋntúu pɛ́tsʉʉ.

Ŋɡɑlɑ̂t 1:19

ɑ kɑ́ pɔ́ ndɑꞋ jʉ́ pɔ́, mbɔ mɔ ŋkɑɑ pɛn ńjʉ́ɔ wɛcɔ́ ŋɡɑŋntúu-Yɛ́su wɛ ndɛꞋ pɔ́, ŋ kɑ pɛn ńjʉ́ɔ pɔ Jɑ̂k mɔ́ɔmɑ́ pɛ Tsɑpʉɔ.

Ŋɡɑlɑ̂t 2:12

Yîyɑ́ nu pɔ́ pɑ́Ꞌ, pʉɔ pi Jɑ̂k kɑ túunɛ, kɑ ɡɔ́ ńtɔ́, Pyɛ̂ pɔ́p pʉɔ-Kɛlístɔ pi pɔ́p kɑ́ pɔ́ pɑyúdɑ pɔ́, pɔ́ ńtɛmtɛ ńjʉ́ yúu. Pîpɑ́ pʉɔ pɔ́ tɛ ńtɔ́ ɑ lɔk pɔ ndɑ̌ɑ ndɑɑ ńcẅɛt tsɛtsɛt pɔ́p, pɔ́p pɛpɔ́p pɔɔ kii ńtɛmtɛ yúu pɔ́, mbíꞋŋɡɔ ɑ kɑ pɔ́ ḿbɔ́k nu yi pʉɔ pi pɔ́p kẅíitɛ́nɛ nu-nɛpúꞋ pʉɔ ɡʉ ńcú nǔu wɛ́.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.