5 «Mɔ ḿbɔ́ tʉ́sɔŋ-Jɔp, ḿbɔ́ ńcɛꞋlɛ Sɛ́, Sɛ́ ŋíɛꞋ mík mɑ́ɑ, n jʉ́ɔ ŋkʉꞋnɛ nu, n jʉ́ɔ yɛcɔ́ yúu mɑ́, ɛ́ pɔ́ pɑ́Ꞌ mɑ́mɑ́ pɔ́-ndẅí yi pɛ́ ɡẅɛɛnɛ nǔu mɛlẅí mɛ́nɛ́kwɑ lɑ́, ɛ́ fú tʉ́nɛ́pú ńcúŋ ńtɔ́ ńcɔ́ŋɛ mbi mɔ.
«M bɑ́ɑtɛ ḿbɛn Yɛlúsɑlɛm, ḿbɔ́ yɛcɔ́ lɛ́Ꞌ ḿbɔ́ tɛtɑ́ɑ-ZʉꞋ-nɔŋpɔꞋ ḿbɔ́ ńcɛꞋlɛ Sɛ́, Tsɑpʉɔ ŋíɛꞋ mík mɑ́ɑ.
Wɛcɔ́ ŋɡɑŋku-Tsɑpʉɔ pɔ́ Ndɑmɑs, pɛ́ fúŋ wɛ́ ŋɡɔ Anɑníyɑs. Tsɑpʉɔ ŋíɛꞋ mík mɛ́ tsɛt njʉɔ, ɑ jʉ́ɔ wɛ́, fúŋ wɛ́ ŋɡɔ: «Anɑníyɑs!» A pʉ̈ɔt ŋɡɔ: «M bʉ́ɔ mbɑ̌ɑ Tsɑpʉɔ.»
Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.
pɑpɛ́mYɛ́su zúꞋ ŋɡɔ Pyɛ̂ Lidɑ, pɑ́Ꞌ ŋɡɑ nɛfú Lidɑ ŋ́kúu Jɔp pɛn ŋ́kɛ́ ḿbɔɔ sɑk lɑ́, pɑpɛ́mYɛ́su pɛ́ Jɔp túu mbɛ́ɛnɛ yɛ́pɑ́. Pɔ́p ɡʉ ńcú mbɔ̌ Pyɛ̂ ŋɡɔ: «fɛ́Ꞌnɛ ŋ́kẅɛ́Ꞌlɛ ńtɔ́ tɛ ŋ́kúu njɛ́Ꞌ pɛk.»
Ŋɡɔŋ pʉɔ pi pɔ́p ḿbɔ́nɛ tʉ́sɔŋ-Jɔp, zúꞋ yɔ nu yi ɛ́ lɛɛnɛ, pʉɔ tɛ ńzɑ́ɑ zɑ́p tʉ́m nǔu Tsɑpʉɔ.
